Reshat Arbana rikthehet në skenë
në moshën 77-vjeçare me “Babain” 

Aktori i njohur Reshat Arbana është rikthyer në skenën e Teatrit Kombëtar në moshën 77-vjeçare me një rol të suksesshëm në komedinë e trishtë “Babai” me regji të Spiro Dunit. Ngjitja Shfaqja është pritur me interes të madh nga publiku

Reshat Arbana është rikthyer në skenën e Teatrit Kombëtar në moshën 77-vjeçare.

Me rolin kryesor në shfaqjen “Babai”, ai ka realizuar një nga figurat më tërheqëse në karrierën e tij.Kjo komedi e trishtë e Florian Zellerit është ngjitur në skenë me regji të Spiro Dunit. 

Aktori Reshat Arbana ka interpretuar me aktorët Flaura Kureta, Hysen Mullajonuzi Mario Elezi dhe me Elia Zaharinë. Me imazhin prekës që ka sjellë në këtë komedi Reshat Arbana ka rrëmbyer zemrat e publiku.

Ka qenë imazhi i këtij aktori që gjatë muajit nëntor bëri të shënohej një rekord i pazakontë i publikut në Teatrin e Elbasanit. Për  tre ditë janë shitur më shumë se 1500  bileta, dhe kjo shfaqje u përsërit edhe tre ditë të tjera në Elbasan.

Edhe në Teatrin Kombëtar në Tiranë shfaqja është pritur me duartrokitje nga publiku, ndërsa do të vijojë edhe në datat 22-23-24 Dhjetor.

[gallery]25166[/gallery]

Redaksia Online
A.Gj/ Shqiptarja.com