POP 5

Lajmet më të lexuara të 5 minutave të fundit

Kronikë

Reshje të dendura shiu, rrugët në Tiranë nën ‘pushtetin’ e ujit! Qytetarja: Po na përmbyten bizneset, dëm i madh

Reshjet e shiut krijuan një situatë të vështirë në Tiranë ku akset rrugore u mbuluan nga uji duke penguar lëvizjen e automjeteve që u bllokuan në trafik. Pavarësisht stabilizimit të situatës në mesditë, disa zona mbetën me probleme ndërsa uji ka depërtuar edhe në katet e nëndheshme të pallateve.

Qytetarët e Tiranës u zgjuan të mërkurën me një tjetër ditë të vështirë nga reshjet intensive të shiut.

Disa rrugë të kryeqytetit u mbuluan nga uji, duke vështirësuar lëvizjen e automjeteve.

Situata e rënduar u përsërit edhe në rrugën “Ndre Mjeda” deri tek “Frosina Plaku”, aks i përmbytur edhe javën e kaluar.

Reshjet e shiut krijuan radhë të gjata në trafik.

Akoma më e vështirë ishte lëvizja për këmbësorët.

Rreth orës 11:00 me rënien e intensitetit të reshjeve, situata u normalizua.

Si pasojë e reshjeve të dendura të shiut lumi Lana ka pësuar një fryrje të madhe, por fatmirësisht nuk ka dalë nga shtrati duke shmangur fatmirësisht edhe përmbytjen e bizneseve që operojnë në të dyja krahët e lumit.

Bodrumi i një pallati në zonën e ish-ekspozitës u përmbyt duke dëmtuar kabinën elektrike, ç’ka ka vënë në rrezik dhe jetën e banorëve.

“Ne jemi disa aktivitete këtu, ku kemi dhe arkiva noteriale, ku në mënyrë të vazhdueshme, duke qenë se kabina elektrike është aty e vendosur jo në nivelin e duhur, herë pas here mbushet me ujë duke mos pasur drita dhe në situata të tilla ne përmbytemi, kemi situatë alarmante dhe nuk do t’ja dijë njeri”, tha një notere.

Kryetariu i Bashkisë së Tiranës Erion Veliaj apeloi për kujdes nga qytetarët dhe për shmangien e lëvizjeve të panevojshme teksa njoftoi se ekipet e ndihmës janë në terren për çdo emergjencë. Edhe ministri i brendshëm taulant balla njoftoi se policia ishte në terren për çdo nevojë duke monitoruar akset rrugore.

Rendit zhvillimet sipas orarit:
Ora 08:38
Rrebeshe shiu në Tiranë, Veliaj thirrje qytetarëve: Evitoni lëvizjet e panevojshme, të gjitha skuadrat janë në terren

Tirana është përfshirë nga një stuhi e fortë me reshje të shumta shiu, ndërkohë që  grupet e punës të Bashkisë së Tiranës janë në terren për normalizimin e situatës.

Përmes një postimi në rrjete sociale, kryebashkiaku Veliaj kërkon bashkëpunimin e qytetarëve që të evitojnë lëvizjet e panevojshme dhe të bashkëpunojnë me punonjësit e emergjencave.

“KUJDES të shtuar sot me valën e re të rrebeshit! Të gjitha skuadrat janë në terren dhe po bëjnë maksimumin për përballimin e situatës! Si herën e fundit, do evitojmë lëvizjet e panevojshme dhe do bashkëpunojmë me punonjësit e emergjencave! Kujdes të moshuarit e fëmijët dhe telefononi 112 për çdo rast kritik! Forca”, shkruan Veliaj.

Pranë çdo kryqëzimi në kryeqytet janë punonjësit e Bashkisë së Tiranës, të cilët po punojnë për normalizimin e situatës.

SI.E./Shqiptarja.com

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça