POP 5

Lajmet më të lexuara të 5 minutave të fundit

Sociale

Reshjet e vjeshtës rrezikojnë shembjen e Urës së Zogut, monument kulture! Projekti u miratua në mars, por ende asnjë veprim për ta restauruar

Reshjet intensive të vjeshtës shtojnë rrezikun e shembjes së ‘Urës së Zogut’ mbi lumin Mat. Ende asnjë gur nuk është lëvizur për restaurimin e saj edhe pse projektin qeveria e ka miratuar në mars të këtij viti. Aktivistët sërish bëjnë thirrje për ta shpëtuar duke denoncuar se askush nuk u përgjigjet për mos fillimin e punës. 

‘Ura e Zogut’ mbi lumin Mat vijon të jetë nën rrezikun e shembjes totale të saj nga momenti në moment pavarësisht projekteve për të shpëtuar atë.

Reshjet e shiut nuk po favorizojnë aspak shpëtimin e këtij monumenti kulturor të kategorisë së parë.

Mos nisja e zbatimit të projektit emergjent të miratuar nga Qeveria Shqiptare që në muajin mars të këtij viti për restaurimin e këtij monumenti, solli reagimin e aktivisteve të Shoqërisë Civile. Aktivistja Elsa Sula thotë se në kushtet që ndodhet Ura e Zogut është më e rrezikuar se kurrë dhe askush nuk jep informacion kur pritet të nisë puna në terren për shpëtimin e saj.

“Përgjatë këtyre 8 muajve pritje, i jemi drejtuar me kërkesa disa herë Ministrisë së Kulturës dhe institutit të trashëgimisë kulturore, por asnjëherë nuk na kanë bërë me dije afatet e tenderimit dhe kur fillon ndërhyrja”, tha aktivistja Elsa Sula.

Aktivistët paralajmërojnë kallëzim penal për të gjitha institucionit përgjegjëse, të cilët vijojnë të heshtin për ketë monument të Trashëgimisë Kulturore.

“Nuk po rrëzohet për shkak se nuk mund të qëndroje në këmbë, por për shkak të babëzisë dhe të papërgjegjësisë shtetërore, që po lejon firmat që edhe në këtë kohë me shi të marrin inerte poshtë kësaj ure. Për të gjitha këto fakte, ne kemi gati kallëzimin penal”, tha një tjetër aktivist.

Ura me 6 harqe, e gjatë 500 metra u ndërtua nga Mbreti Zog në fund të vite 20 të shekullit të kaluar.  

B.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56