Restaurohen shtëpitë muzeale në Berat, zbulohen mbishkrime të hershme e ornamente të veçanta (VIDEO)

"Gorica" po ndryshon pamje. Ka nisur restaurimi i shtëpive në lagjen muzeale. Restaurimet e këtyre shtëpive me arkitekturë të veçantë po nxjerrin në dritë mbishkrime të hershme.

Report TV ndoqi nga afër restaurimin e banesës Bullari, ku është gjetur një mbishkrim i vitit 1856. Restauratori thotë se mbishkrimi tregon se banesa i është nënshtruar rikonstruksionit në atë kohe.

"Kemi datën dhe vitin e rikonstruksionit të fundit që i është bërë banesës, mund të ketë qenë tërmet, gojëdhëna janë", tha ai.

Në intervistën për Report Tv drejtori i monumenteve të kulturës në Berat, Eugen Kallfani tregoi detaje të punës në këtë monument kulture të kategorisë së parë.

"Banesa Bullari është monument kulture kategoria e parë. Është një nga banesat më interesante në lagjen Goricë. Pjesa e afreskut që ka në qoshkun e vet një mbishkrim që daton në 1856, që tregon një restaurim të mundshëm që i është bërë banesës në atë kohë. Edhe në këtë banesë edhe pse pronësia ka sjellë ndarjen në dy pjesë të saj, kemi ndërhyrë në pjesën e fasadës, të strehës, pjesës së suvasë, kollonave të qosheve dhe fashaturave horizontale", tha Kallfani.

Një tjetër objekt i rëndësishëm që është restauruar tashmë është banesa e Buzho Fillerit, ku është zbuluar një ornament i shekullit XIX.

"Sapo kemi përfunduar banesën e cila u restaurua në fasadë, afresku i cili ishte tepër i dëmtuar. Kemi trajtuar elementët e suvasë, qoshet, strehat dhe jemi duke e përfunduar fasadën lindore të afreskut", tha ai.

Po kështu do të restaurohen edhe banesa e kisha të tjera, pjesë e zonës muzeale në Berat.

"Kemi në plan të restaurojmë  banesën Buda në lagjen Goricë dhe Kala me tre objekte", ka theksuar Kallfani.

Pandemia e ka ngadalësuar pak punën, por drejtori i monumenteve thotë se do të vazhdohet me projektet e fazës së dytë. Sa i përket numrit të vizitorëve Kallfani thotë se ka qenë shumë më i ulët krahasuar me vitet e tjera edhe pse janë bërë përpjekje siç është vendosja e një teleskopi në kalanë e Beratit, një mundësi tjetër për ta "shijuar " Goricën nga nga kanaku i Kalasë. Në total janë 8 objekte në plan për tu restauruar në Berat gjatë vitit 2020.

Restaurimi i banesës Bullari në Berat

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në bregdetin shqiptar, sipas jush janë:



×

Lajmi i fundit

'Kush e fiton Europianin?' Ja si u votua tek sondazhi i Shqiptarja.com

'Kush e fiton Europianin?' Ja si u votua tek sondazhi i Shqiptarja.com