POP 5

Lajmet më të lexuara të 5 minutave të fundit

‘Retro’ në ‘Odën’ shkodrane, Anila Hetoja ‘skalit’ traditën në 20 piktura, artistja: Kthehem tek rrënjët! Të rinjtë të njohin vlerat e trashëgimisë

Piktorja Anila Hetoja rikthehet në vendin e saj të lindjes dhe çel në galerinë “Oda” në Shkodër, ekspozitën “Retro”. Në 20 piktura, ajo shpalos kostumet popullore, traditat, peizazhet e Kalasë që artistja kujton nga fëmijëria, për t’u kujtuar të rinjve vlerat e trashëgimisë.

Anila Hetoja rikthehet në vendlindje e troket përmes ngjyrës e formës, në memorien e Shkodrës së saj... Rrugëton në kujtimet e së kaluarës, e sjell në ekspozitën “Retro” veshjet tradicionale, që i pa t’i vishte me aq endje gjysha e saj, e shkodranët e tjerë aq të lidhur me trashëgiminë...

20 punime, akrilik në kanavacë por edhe në pastel, artistja e projekton këtë ngjarje prej 5 vitesh. Zgjedh atmosferën e ngrohtë e familjare të galerisë “ODA”, për të shpalosur punimet folk. Muzika tipike shkodrane bëhet bashkëshoqëruese e vizitorëve mbrëmjen e së enjtes.

“Kur është hapur në fillim ‘Oda’, unë kam menduar që kjo do të jetë një strehë e ngrohtë për artistët. Por, sot kur kjo strehë e ngrohtë, përveçse feston një ekspozitë, feston edhe datëlindjen e artistes, unë mendoj se jemi aty ku duhet”, thotë drejtorja e galerisë Rozafa Shpuza.

Në piktura, veriu zë hapësirën kryesore, me kostumet popullore e elementë të veçantë të tyre nga Kruja në Malësi të Madhe... Por Hetoja, përmes detajeve në xhubletë, kapele, telminja e mbështjellëse bashkon gjithë Shqipërinë, që siç thotë ndonëse nuk e ka përjetuar, e ka studiuar në kohë.

E rritur në një atmosferë të ngrohtë ku dashuria shprehej përmes fjalës, këngës e poezisë, këtë gjurmë piktorja e risjell edhe në punimet e saj, duke i veshur pikturës “Çifti” hijeshinë e traditës...

“Jam e lumtur që jam sot në vendin tim në rrënjët e mia. Kam ardhur në “Retro” me motive tradicionale sepse kam dashur të sjell traditën tonë, që kjo traditë të ruhet. Të rinjtë të ndërgjegjësohen për vlerat e saj”, thotë artistja.

Për Shkodrën e fëmijërisë ku u rrit, i thërret kujtesës e sjell peizazhe ende të paindustrializuara nga Kalaja, e deri në ditët e sotme, ku qyteti rend me hap të shpejtë drejt zhvillimit.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Zhdukja e 3-vjeçarit, gjyshi dhe kunati i tij dalin para Gjykatës së Durrësit! Pamjet brenda kafazit të qelqtë

Zhdukja e 3-vjeçarit, gjyshi dhe kunati i tij dalin para Gjykatës së Durrësit! Pamjet brenda kafazit të qelqtë

19 Prill, 13:46