Në këtë ditë gri e me shi, në karrocat e tyre u kishin zënë “pritë” politikanëve te Kuvendi. Sot e enjte, kush nuk e di që shumë prej politikanëve bëjnë paradën e veshjeve para telekamerave, por pa ndalur e pyetur tetraplegjikët për hallin që i ka bërë të dalin atje. Tetraplegjikët nuk dolën me gurë e molotov, as me britma e me të tjera mjete force, edhe pse mund ta kenë të gjithë dëshpërimin e botës për ta bërë. Heshtja, moslëvizja, pesha mbi karrocat me rrota, ishte forca që tërhoqi kryeministrin drejt tyre.
Pra, Edi Rama doli t’i takojë. “Je i vetmi njeri nga i cili presim një zgjidhje”, tha njëri prej tyre. “Kemi bërë shumë letra. I kam bërë edhe rekomande se prisnim ndonjë përgjigje. Asnjë nuk na ka kthyer përgjigje. Nuk duam të jetojmë më në kurriz të familjarëve, motrave, vëllezërve. Kemi bërë një mërrëveshje që në 2019, por askush nuk na dëgjon…”
“Nuk duam të jetojmë në kurriz të familjarëve…” A ka klithmë më të fortë e më dinjitoze se kjo! Në fakt askush nuk do të duhej të jetonte në kurriz të askujt, edhe pse shumë të shëndetshëm preferojnë ta bëjnë, por tetraplegjikët jo! Dolën para kuvendit të Shqipërisë për të bërë revolucionin e tyre të heshtur, pa dhunë e pa shumë fjalë.
Pastaj do të ishte mirë të kuptohej se kush nuk iu është përgjigjur dhe përse nuk e ka bërë deri tani. Ashtu siç shumë punë të tjera mbeten rrugëve të pazgjidhura sepse njerëz të administratës janë aty sepse duan të jetojnë në kurriz të shtetit, por pa ndihmuar ata që Shteti e ka për detyrë të ndihmojë.
Shqiptarët duhet të bëjnë një pakt urgjent me njëri-tjetrin, sidomos ata që kanë marrë në dorë detyra shtetërore në arsim, shëndetësi, e drejtësi: Të mos tolerojnë më parazitët që i janë ngjitur institucioneve duke penguar më të mirët e më të pëkushtuarit të punojnë. Si nëpër spitale, ku pavione të reja e moderne çalojnë nga banjo që nuk pastrohen, apo mjekë super të talentuar që janë peng disa infermierësh që lëvizin vetëm nëse shohin para’ nëpër duar. Njerëz në administratë që nuk lëvizin asgjë, nëse “shefi/ja” nuk interesohet! Politika e “ç’më duhet mua!” mund të jetë si ajo tenja që gërryen edhe një dru të lartë, të bukur e të fortë.
Tetraplegjikët sot para Kuvendit ishin si një llampë e ndezur ndaj një administrate që shpesh rezulton pa veshë, pa sy, pa zemër. Jemi një vend i vogël dhe zemrën e kemi patur përherë të madhe, ndaj nuk shkon, të ecim drejt progresit e perëndimit të shumëëndërruar e ta humbim atë rrugës. Tetraplegjikët para Kuvendit na lajmëruan sot se shumë prej nesh kanë humbur zemrën! Rifitimi i saj, do të ishte një revolucion!
Lajme të tjera
-
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
