Katër gola në pesë ndeshjet e fundit ka shënuar Rey Manaj, sulmuesi i Kombëtares që mban veshur fanellën e Sivassporit në Turqi. Edhe këtë të dielë 29-vjeçari ia ka dalë të tundë rrjetën duke kaluar në avantazh ekipin e tij në përballjen në udhëtim kundër Serik Spor, për raundin e 28-të të sezonit.

Në minutën e 48-të të takimit, Manaj mori një pasim nga Okoronkuo dhe nuk gaboi duke mposhtur portierin Sapan. Ky ishte goli i dhjetë sezonal për Manajn, me gjashtë të parët që i shënoi me fanellën e Sharjah FC në Emiratet e Bashkuara Arabe, gjatë pjesës së parë të sezonit.

Sulmuesi ka rigjetur veten pas rikthimit në Turqi dhe ky është një sinjal i mirë për Kombëtaren në prag të ndeshjes play-off të Kupës së Botës, kundër Polonisë në Varshavë më 26 mars.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Mars, 13:11

    Qeveria rikthen Bordin për naftën, a besoni se do mbahen çmimet nën kontroll?

Lajme të tjera