POP 5

Lajmet më të lexuara të 5 minutave të fundit

Politikë

'Krenare që e quajmë aleate', ShBA dhe BE mbështesin Shqipërinë për miratimin e rezolutës mbi antisemitizmin

ShBA dhe Bashkimi Europian kanë reaguar mbi miratimin e rezolutës nga parlamenti i Shqipërisë për luftën kundër urrejtjes ndaj hebrenjve.

'Krenare që e quajmë aleate', ShBA dhe BE mbështesin Shqipërinë për miratimin e rezolutës mbi antisemitizmin

Foto ilustruese

ShBA dhe Bashkimi Europian kanë reaguar mbi miratimin e rezolutës nga parlamenti i Shqipërisë për luftën kundër urrejtjes ndaj hebrenjve.

Përmes një postimi në Facebook, Ambasada e ShBA-së shkruan se ky akt vijon traditën e Shqipërisë në këtë luftë ku kujton dhe kohën kur vendi ynë strehonte hebrenj gjatë luftës së dytë botërore.

"Sot, parlamenti miratoi përkufizimin e Aleancës Ndërkombëtare të Përkujtimit të Holokaustit për antisemitizmin. Ky akt vazhdon traditën e gjatë të Shqipërisë në luftën kundër urrejtjes. Na kujton gjithashtu historinë e Shqipërisë dhe strehimin e viktimave të persekutimit në mënyrë të guximshme, pa marrë parasysh koston dhe pavarësisht nga rreziku. Shtetet e Bashkuara janë krenare që e quajnë Shqipërinë një partnere dhe aleate ndërsa vazhdojnë angazhimin e tyre për dinjitetin e çdo individi" - shkruan ambasada.

Ndërkohë nga ana e BE-së ka reaguar ambasadori Luigi Soreca. Përmes një postimi në Tëitter, Soreca shkruan se BE do të paraqesë një strategji gjithëpërfshirëse mbi antisemitizmin në 2021.

"Ne e mirëpresim rezolutën e miratuar sot nga Parlamenti i cili miraton përkufizimin IHRA të Antisemitizmit. BE është e vendosur të luftojë të gjitha format e antisemitizmit dhe të nxisë jetën Jude. Për të mbështetur veprimet kombëtare, BE do të paraqesë një Strategji gjithëpërfshirëse mbi antisemitizmin në 2021" - shkruan Soreca.

Projekt rezoluta për miratimin e kufizimit të antisemitizmit për përkujtimin e Holokaustit u miratua këtë të enjte në Parlament me 111 vota pro. Asnjë deputet në sallë nuk ka dalë kundër dhe pas votimit të gjithë kanë duartrokitur.

Edhe gjatë diskutimit në sallë për këtë projektrezolutë, është folur gjatë për ndihmën e dhënë nga Shqipëria kundrejt hebrenjve.


Lajmi kryesor:

Forumi Kundër Anti-Semitizmit në Tiranë, Sekretari amerikan i Shtetit, Mike Pompeo merr pjesë nga Washingtoni
E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ferit: 22/10/2020 21:52

    Ardhja e Pompeos ne Tirane ne kujton filmin "Parrullat"! Meqe udheheqesit i kalon rruga, vrap ke parrullat.

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi