Receta

Rigonla/Mish viçi me salcë domate dhe gjalpë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 18 Qershor, 11:43 | Përditesimi: 18 Qershor, 11:45

Rigonla - Mish viçi me salcë domate dhe gjalpë

Përbërësit:

700 gr mish viçi tul
1 qepë mesatare
2 kokrra domate
3 lgj gjalpë të tretur
1 lugë e gjysmë miell
1 filxhan vaj ulliri
Pak piper të zi
Pak piper të kuq
Kripë, rigon

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Në një tenxhere ngrohim vajin e ullirit dhe shtojmë 2 lugë gjalpë. Pasi gjalpi zë e shkrihet hedhim qepën e grirë në rende. E përziejmë me lugë druri derisa qepa zverdhet. Në këtë kohë hedhim mishin e viçit tul të prerë në copa të vogla. Pasi mishi ka filluar që të skuqet e shuajmë me domate të grirë në rende. Shtojmë kripë, piper të e zi e të kuq. I përziejmë mirë dhe I shtojmë ujë derisa të mbulohet mishi. E lëmë në zjarr të ngadaltë derisa të ziejë mishi. Në një tigan hedhim pjesën tjetër të gjalpit. E lëmë të shkrihet dhe i hedhim lugën e miellit. Kur mielli ka marrë ngjyrën e floririt i hedhim pak ujë dhe e tretim mirë. Masën e përftuar e hedhim në tenxheren me mish me lëng. I lëmë të ziejnë në zjarr të ngadaltë derisa mishi të jetë zier tërësisht. Pesë minuta para se ta heqim nga zjarri i shtojmë rigonin.

MC/Shqiptarja.com

TAG: