POP 5

Lajmet më të lexuara të 5 minutave të fundit

Kronikë

Rikthehen pedonalet, çdo ditë pas
orës 19:00 bllokohet "Nënë Tereza"

TIRANE-Ministrja e Kulturës, Mirela Kumbaro pas mbledhjes së qeverisë ka njoftuar, se sheshi “Nënë Tereza”, çdo ditë nga ora 19:00 deri në orën 24:00 do të kthehet në pedonale, dhe do të ndalohet qarkullimi i mjeteve.  Gjithashtu Kumbaro njoftoi se do të ndalohet parkimi i mjeteve nga Ura e Lanës deri te sheshi "Nene Tereza". VIDEO
Kërkesa e bërë nga Shoqëria civile si dhe nga shumë qytetarë të kryeqytetit  për të krijuar një zonë pedonale nuk ka rënë në vesh të shurdhët.  

Ministrja e Kulturës, Mirela Kumbaro pas mbledhjes së qeverisë ka njoftuar, se sheshi “Nënë Tereza”, çdo ditë nga ora 19:00 deri në orën 24:00 do të kthehet në pedonale, dhe do të ndalohet qarkullimi i mjeteve.  Gjithashtu Kumbaro njoftoi se do të ndalohet parkimi i mjeteve nga Ura e Lanës deri te sheshi "Nene Tereza".

Sipas ministres kërkesa e bërë nga shumë njerëz pas vizitës së Papa Françeskut, po bëhet realitet, ndërsa siguroi se dhe shumë sheshe të tjera do të kthehen në pedonale.

Kumbaro tha se Ministria e Brendshme ka marrë të gjitha masat për këtë vendim, ndërsa i bëri thirrje dhe Bashkisë së Tiranës të ndërtojë sinjalistikën e duhur dhe të zbatojë këtë vendim të qeverisë.  


faksimile
faksimile

Vendimi i plote i qeverise per Sheshin Nene Tereza

Qeveria përcakton disa rregulla të qarkullimit rrugor në Ansamblin Monument Kulture të aksit kryesor dhe qendrën historike të qytetit të Tiranës dhe të të gjitha zonave të trashëgimisë kulturore
 
Me vendimin nr. 682 datë 15.10.2014 Këshilli i Ministrave parashikoi disa ndryshime në Rregulloren në zbatimit të Kodit Rrugor të Republikës së Shqipërisë (miratuar me vendimin KM Nr. 153, datë 07.09.2000, të  ndryshuar”).
Këto ndryshime synojnë të qartësojnë zbatimin e parashikimeve të nenit 7 të Kodit Rrugor, dhe përcaktimin e rregullave për qarkullimin në zonat e trashëgimisë kulturore si zona me rëndësi kulturore.
Kodi rrugor ndonëse në parashikimet e tij vendos si prerogativë të pushtetit lokal nxjerrjen e vendimeve me objekt rregullimin e qarkullimit dhe parkingut në zonat urbane, në 
nenin 7 të Kodit Rrugor, ndër të tjera, parashikon mundësinë që në qendrat e banuara, komunat dhe bashkitë, të mund të kufizohet qarkullimi i të gjitha ose të disa kategorive të mjeteve për mbrojtjen e pasurisë artistike, të mjedisit dhe të pasurive natyrore, në përputhje me udhëzimet e shpallura nga Ministria që mbulon veprimtarinë përkatëse dhe Ministria e Kulturës.

Në zbatim të nenit 7 të Kodit Rrugor dhe në respektim të prerogativave të pushetit vendor, udhëzimet e ministrave i dërgohen kryetarit të bashkisë/komunës përkatëse që të nxjerrë aktin e tij përkatës për të bërë të mundur këtë rregullim ligjor.

VKM e sipërpërmendur krijon premisa që ministritë përgjegjëse për veprimtarinë e qarkullimit rrugor, ministrinë përgjegjëse për kulturën dhe pushtetin vendor të nxjerrin udhëzime/urdhëra të përbashkëta mbi kufizimin/ndalimin e qarkullimit të mjeteve të disa/cdo lloj kategorie dhe ndalim/kufizim të parkimit në këto zonat me rëndësi për Trashëgiminë Kulturore.
 
Duke pasur parasysh rëndësinë e aksit monument kulture të qytetit të Tiranës, me qëllim mbrojtjen e zonave me rëndësi të Trashëgimisë Kulturore të kryeqytetit, dhe nisur nga kërkesat e shumta të shoqërisë civile për të kthyer zonat pedonale të qytetit të Tiranës, sidomos pas çlirimit dhe restaurimit të hapësirave të Sheshit Nënë Tereza, sipas pikës 2 të VKM 682/2014 dhe urdhërit të përbashkët datë 18.10.2014 të Ministrit të Punëve të Brendshme; të Ministrit të Transportit dhe Infrastrukturës, të Ministrit të Kulturës, prej datës 18.10.2014:
 
1.     Ndalohet dhe kufizohet qarkullimi i automjeteve të të gjitha kategorive, si dhe parkimi i automjeteve në zonat e sheshit “Nënë Tereza” dhe Bulevardit “Dëshmorët e Kombit”, pjesë e Ansamblit Monument Kulture të aksit kryesor dhe Qendrës Historike të Qytetit të Tiranës, sipas përcaktimeve të mëposhtme:
a) Ndalohet qarkullimi i të gjitha kategorive të mjeteve të transportit në sheshin “Nënë Tereza” nga ora 19:00 deri në orën 24:00;
b)  Qarkullimi i mjeteve  do të kryhet si më poshtë:
- Qarkullimi i mjeteve nga rruga “Loro Borici” në drejtim të Hotel “Sheraton” do të devijohet me sens lëvizje nga rruga “Lek Dukagjini” në drejtim të Sheshit “Italia”.
- Qarkullimi i mjeteve nga sheshi “Frederik Shopen” do të devijohet me sens lëvizje në rrugën “Ibrahim Rugova”.
- Qarkullimi i mjeteve nga rruga “Abdyl Frashëri” me drejtim lëvizje drejt Bulevardit “Dëshmorët e Kombit”, në kryqëzimin me Bulevardin “Dëshmorët e Kombit”  do të jetë detyrimisht majtas me drejtim urën e madhe të Lanës.
3. Ndalohet pushimi dhe qëndrimi i të gjitha kategorive të mjeteve të transportit rrugor në sheshin “Nënë Tereza”, me përjashtim të mjeteve të transportit publik të linjave urbane (autobus).
4. Ndalohet pushimi dhe qëndrimi i të gjitha kategorive të mjeteve të transportit rrugor duke filluar nga sheshi “Nënë Tereza” përgjatë Bulevardit “Dëshmorët e Kombit” deri te ura e madhe e Lanës në kryqëzimin me Bulevardin “Bajram Curri”, me përjashtim të mjeteve të transportit publik të linjave urbane (autobus).
5. Bashkia e Tiranës pajis me sinjalistikë rrugore të nevojshme, sipas përcaktimeve të pikës 1 të këtij urdhri dhe bën ndërhyrjet e nevojshme në sistemin semaforik për të përshtatur sinjalistikën ekzistuese sipas ndryshimeve.

Redaksia Online
(g.f/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Zbulohet në Prishtinë laboratori i sofistikuar për falsifikimin e dokumenteve (FOTOT)

Zbulohet në Prishtinë laboratori i sofistikuar për falsifikimin e dokumenteve (FOTOT)

28 Janar, 21:28