POP 5

Lajmet më të lexuara të 5 minutave të fundit

Kronikë

Rikthehen reshjet e dëborës në Dibër dhe Kukës/ Situata e fundit me akset rrugore

Disa zona në veri dhe verilindje të vendit janë zgjuar mëngjesin e sotëm nën pushtetin e dëborës. Në qarqet Dibër dhe Kukës janë shënuar edhe problemet e para kryesisht në zonat rurale ku paraqiten vështirësi në akset rrugore. 

Moti i keq i shoqëruar me reshje dëbore dhe temperatura të ulëta është rikthyer në disa zona të vendit. Dibra dhe Kukësi janë zgjuar mëngjesin e sotëm me reshje intensive. Report Tv mëson se dëbora ka shkaktuar edhe problemet e para në Qarkun e Dibrës. Në zonat rurale Lurë, Kalaja e Dodës, Selishtë, Sllovë, Trebisht, Ostren, dhe disa fshatra të Martaneshit, trashësia e dëborës ka arritur deri në 15 cm. Reportohet edhe për disa fshatra të bllokuara në Qarkun e Dibrës.

Sa i takon akseve rrugore, Ministria e Mbrojtjes ka bërë një bilanc të situatës së fundit. Disa rrugë nëpër qarqe të ndryshme të vendit janë të izoluara nga dëbora, ku problematika paraqitet situata kryesisht në zonën Veriore të vendit. Aksi rrugor rural Shkodër-Bregu i Lumit është ende i bllokuar në Malin e Shoshit, ku ka rreth 70 cm dëborë. Drisht-Shllak vazhdon të jetë i bllokuar. Në Dibër akset rrugore nacionale janë të qarkullueshme pa probleme, përveç aksit rrugor Ura e Çerenecit-Steblevë, ku në segmentin Klenjë-Steblevë ka pasur vështirësi nga ngrica. 

Rendit zhvillimet sipas orarit:
Ora 09:45
Reshjet e dëborës/ Akset rrugore ku nevojitet përdorimi i zinxhirëve

Ministria e Mbrojtjes ka pasqyruar situatën e fundit me akset rrugore në të gjithë vendin pas rikthimit të reshjeve të dëborës mëngjesin e sotëm. Veriu dhe verilindja e vendit janë mbuluar nga bora, ndërsa problematike paraqitet situata në zonat rurale ku janë konstatuar probleme për shkak të bllokimit të rrugëve (Lexo të plotë). 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

30 Janar, 09:06