Tirane- Në pritje të datës së zgjedhjeve të pranverës së 2025, sondazhet tregojnë se në garën elektorale parlamentare, Partia Socialiste do të arrijë të mbajë epërsinë në qarkun më të madh të vendit, atë të Tiranës.

Në sondazhin e publikuar nga Report Tv në bashkëpunim me Eduard Zaloshnjën, PS jo vetëm fiton, por thellon fitoren ndaj kundërshtarëve demokratë me të paktën 1 mandat, krahasuar me 2021 kur u mbajtën për herë të fundit zgjedhjet parlamentare.

Kështu, të pyetur se për cilën parti do të votonin në zgjedhjet e 2025, 50.3% e zgjedhësve të qarkut Tiranë do të votonin PS 31.8% Partinë Demokratike, ndërsa një përqindje të konsiderueshme marrin edhe partitë e reja, 15% të tyre.

Të përkthyera në mandate, PS do të merrte deri në 19 mandate, krahasuar me 18 të tilla në 2021, ndërsa PD nga 15 në zgjedhjet e 2021, maksimumi 12 të tilla.

Surpriza janë sërish partitë e reja, që mund të marrin deri në 5 mandate sipas këtij projeksioni, me votat e grumbulluara të gjitha së bashku.

Ajo që vihet re nga ky sondazh gjithashtu është fakti se moshat mbi 50 vjeç mbeten fanatikë të dy forcave të mëdha që kanë dominuar arenën politike prej 34 vitesh ndërsa më të rinjtë kanë kthyer sytë nga partitë e reja.

Kështu, sipas të dhënave, 19.2% e të rinjve do të votonin partitë e reja, krahasuar me vetëm 11.1% e zgjedhësve të moshës mbi 50 vjeç.

Kampioni që u mor për sondazhin: 1670 votues gjithsej, të vendosur për të votuar qysh sot – 1169 në gjithë territorin e qarkut, të kontaktuar me SMS krejt të rastësishme të shpërndara proporcionalisht në bashkitë Tiranë, Kamëz, Kavajë, Vorë e Rrogozhinë, si edhe 501 votues nga emigracioni të vendosur për të votuar qysh sot, të kontaktuar përmes miqve/të afërmve këtu.

Kampioni u ripeshua statistikisht për ta përfaqësuar elektoratin sa më mirë demografikisht, gjeografikisht dhe politikisht.

Maksimumi i marzhit të gabimit statistikor: Plus/minus 3.1%.

Sondazhi u krye nga 27-28 tetor.

Rendit zhvillimet sipas orarit:
Ora 22:27
Sondazhi/ Projeksioni i Tiranës, PS drejt 19 mandateve, PD zbret me 3-4 deputetë, ngjitje galopante e partive të reja

1730323697_tabela5.JPG

Tabela e fundit të sondazhit të Eduard Zaloshnjas dhe Report Tv kishte të bënte me shpërndarjen e mandateve në qarkun e Tiranës nëse zgjedhjet do të bëheshin sot.

Vërehet një zbritje e ndjeshme e PD-së me 3-4 mandate, zbritje gjithashtu nga PL si dhe një ngjitje galoponte e partive të reja që projektohen me 5-6 mandate.

Sakaq, PS projektohet me 18-19 mandate deputetësh në qarkun e Tiranës.

G.K/Shqiptarja.com

Ora 22:21
Sondazhi i Tiranës/ 80% e atyre që duan partitë e reja, do votojnë vetëm se janë kundër PS dhe PD

1730323305_tabela4.JPG

Në sondazhin e fundit të Eduard Zaloshnjas dhe Report Tv qytetarët e Tiranës u pyetën si do votonin nëse zgjedhjet do bëheshin sot.

Një ndër pyetjet ishte lidhur me motivin për të cilin votohet, e cila kishte dy alternativa: Mbështetja për partinë që votoj dhe Kundërshtimi ndaj partive rivale.

Ata që votojnë PS, 78.3% votojnë për mbështetje ndaj partisë që mbështesin, ndërsa 21.7% votojnë si formë kundërshtie ndaj partive rivale.

Sa i përket demokratëve, 81.4% votojnë si formë mbështetje për partinë e tyre PD-në, ndërsa 18.6% votojnë si kundërshtim ndaj partive rivale.

Sa i përket atyre që mbështesin parti të tjera, përveç dy kryesoreve: 21.7% votojnë për mbështetje ndaj partisë së tyre, ndërsa 78.3% votojnë për kundërshtim ndaj dy partive kryesore apo partive rivale.

G.K/Shqiptarja.com

Ora 22:07
Sondazhi në Tiranë/ Gratë dhe vajzat më të prirur ndaj PS-së dhe partive të reja

1730322509_tabela3.JPG

Në sondazhin e Eduard Zaloshnjas qytetarët e Tiranës u pyetën si do votonin nëse zgjedhjet do bëheshin sot.

Sa i përket ndarjes gjinore, femrat do votonin rreth 53.3% për Partinë Socialiste, 29.7% për Partinë Demokratike, 1.9% për parti të tjera të vjetra, ndërsa 15.1% për partitë e reja.

Meshkujt do votonin 47.3% për PS-në, 33.9% për PD-në, 3.9% për parti të tjera të vjetra dhe 14.9% për parti të reja.

G.K/Shqiptarja.com

Ora 21:45
Sondazhi për Tiranën/ Më të rinjtë preferojnë partitë e reja, 50 vjeç e lart nuk i ndahen PS-së dhe PD-së

1730321207_tabela2.JPG

Në sondazhin e Eduard Zaloshnjas qytetarët e qarkut të Tiranës u pyetën si do të votojnë nëse zgjedhjet bëhen sot.

Sa i përket ndarjes moshore rezulton se mosha më e re që mund të votojë, pra 18-49 vjeç ka një preferencë më të madhe për partitë e reja, sesa mosha 50 vjeç e lart që nuk i ndahen partive kryesore.

Në fashën 18-49 vjeç, 47.7% do votonin PS, 31% PD-në, 2.1% parti të tjera të vjetra, ndërsa 19.2% do votonin për parti të reja.

Sa i përket 50 vjeç e lart, 52.7% do votonin PS-në, 32.5% PD, 3.6% parti të tjera të vjetra dhe 11.1% parti të reja.

G.K/Shqiptarja.com

Ora 21:15
Sondazhi i Report Tv për Tiranën/ Nëse zgjedhjet do bëheshin sot PS shumicë me 50.3%, partitë e reja më të preferuara nga shqiptarët e emigracionit

1730319433_tabela1.JPG

Në sondazhin e fundit të kryer nga Eduard Zaloshnja dhe Report Tv qytetarët e qarkut Tiranë por edhe ata në emigracion treguan se për kë do votonin nëse zgjedhjet do bëheshin sot. 50.3% të tyre do ja jepnin votën Partisë Socialiste, 31,8% Partisë Demokratike, 2.9% partive të tjera të vjetra, ndërsa 15% partive të reja.

Për ata që jetojnë në Shqipëri do votonin 48.5% Partinë Socialiste, 33.7% Partinë Demokratike, 3.6% parti të tjera të vjetra dhe 14.2% parti të reja.

Sa i përket atyre që jetojnë në emigracion rezultati për PS do ishte më i thellë me 54.5%, PD do zbriste me 27.4% PD-në, 1.3% parti të tjera të vjetra dhe 16.9% parti të reja.

G.K/Shqiptarja.com