POP 5

Lajmet më të lexuara të 5 minutave të fundit

Politikë

Rikthimi i 'Prefektit'/ Braçe: Qazim Mulleti, fashist! Kur politika vendos si duhet të jetë komedia është rikthim në fashizëm e hoxhizëm

Braçe shprehet se Prefekti Qazim Mulleti ka qenë i komanduar në atë post nga Fashistët e Nazistët dhe është bashkëpunëtor i tyre. Deputeti thekson se fashizmi është krim, nuk është as opinion, as komedi dhe as teatër ndërsa liria e njerëzve për të parë botën si duan, e bërë komedi, parodi, art në përgjithësi, është kushtetuese.

Rikthimi i 'Prefektit'/ Braçe: Qazim Mulleti, fashist! Kur politika vendos si duhet të jetë komedia është rikthim në fashizëm e hoxhizëm

Foto e publikuar nga Erion Braçe

Pas rileximit në skenën e Teatrit Kombëtar të veprës “Prefekti” ka reaguar edhe deputeti i PS, Erion Braçe. Ai shprehet se Prefekti Qazim Mulleti ka qenë i komanduar në atë post nga Fashistët e Nazistët dhe është bashkëpunëtor i tyre. 

Më tej, Braçe shkruan në rrjete sociale se kur politika në shekullin e 21-të nis të vendosë se si duhet të jetë komedia e parodia, është rikthim në fashizëm e në hoxhizëm.

Deputeti thekson se fashizmi është krim, nuk është as opinion, as komedi dhe as teatër ndërsa liria e njerëzve për të parë botën si duan, e bërë komedi, parodi, art në përgjithësi, është kushtetuese.

Statusi i Braçes

Kujtojmë se leximi në Teatrin Kombëtar të veprës “Prefekti” të Besim Levonjës, i shfaqur në “Facebook” me rastin e festave të nëntorit, ngjalli një sërë kritikash. Sipas kritikëve në vepër ironizohet e tallet figura e Qazim Mulletit, ish-kryebashkiak dhe ish-prefekt i Tiranës në vitet e pushtimit nazi-fashist.

Ishte shoqata “Tirona Intellectum” që reagoi ashpër për rikthimin e kësaj vepre. Sipas tyre, duket se Teatri me këtë vepër po rivlerëson tezat e qasjet që kishte Teatri gjatë regjimit komunist, luftën e klasave dhe stigmatizimin e banorëve të Tiranës që jo vetëm u dënuan dhe iu morën pronat për t’ia dhënë elitës së re komuniste, por edhe u portretizuan dhe u përjetësuan në vepra arti.

Aktori që e risolli veprën është Arben Derhemi dhe sipas shoqatës fakti që ky aktor është nga Tirana e bën edhe më të turpshme ngjarjen. Nga ana e tij, aktori Arben Derhemi, ka reaguar në lidhje me kërkesën e Shoqatës Tirana për të hequr zyrtarisht nga transmetimi komedinë “Prefekti”.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55