POP 5

Lajmet më të lexuara të 5 minutave të fundit

Ekonomi

Rimëkëmbet punësimi, rriten të ardhurat nga kontributet, Ministria e Financave: Në 4 muaj u rritën me 3.9 mld lekë kontributet

Në katërmujorin e parë të këtij viti punësimi në vend është përmirësuar. Sipas të dhënave të Ministrisë së Financave të ardhurat nga sigurimet shoqërore e shëndetësore janë rritur me 3.9 miliardë lekë krahasuar me të njëjtën periudhë të vitit të kaluar

Tregu i punës në Shqipëri po rimëkëmbet me ritme optimiste. Në 4 muajit e parë të këtij viti Ministria e Financave raporton se ka pasur një rritje të ndjeshme të të ardhurave nga kontributet shoqërore dhe shëndetësore. Nga janari në prill janë arkëtuar 3.9 miliardë lekë më shumë se në të njëjtën periudhë të vitit të kaluar.

Konkretisht në katërmujorin e parë të vitit nga kontributet janë mbledhur 36.1 miliardë lekë nga 32.1 miliardë që u mblodhën në 2020. Këto të dhëna dëshmojnë se punësimi po jep sinjale pozitive, dhe se të larguarit për shkak të pandemisë por rikthehen përsëri në punë. Nga ana tjetër ndikim në këtë rritje të të ardhurave nga kontributet ka dhënë edhe rritja e pagës minimale duke arritur në 30 mijë lekë prej 1 janarit të këtij viti. Rritja e pagës automatikisht sjell edhe rritje të sigurimeve që paguhen nga punonjësit dhe punëdhënësit. 

KONTRIBUTET

Viti 2020        32.197 mld lekë

Viti 2021        36.119 mld lekë

Diferenca       +3.922 mld lekë

Po ashtu edhe të ardhurat nga tatimi mbi pagën janë rritur në këtë katërmujor me 1.8 miliardë lekë, në raport me janar-prillin e vitit 2020, kur vendi përjetojë edhe karantinën si pasojë e pandemisë. Në total sipas financave janë mbledhur nga ky zë 12.9 miliardë lekë nga 11 miliardë një vit më parë.

TATIMI MBI FITIMIN

Viti 2020           10.852 mld lekë

Viti 2021           12.994 mld lekë

Diferenca          +2.142 mld lekë

Nga ana tjetër rritje është regjistruar edhe tek tatimi mbi fitimin që lidhet me aktivitetin e bizneseve. Bazuar në të dhëna nga janari në prill janë mbledhur 2.1 miliardë lekë më shumë se në vitin e kaluar, pavarësisht se qeveria ka zeruar tatimin për bizneset me xhiro deri në 14 milionë lekë. Kjo tregon se edhe sipërmarrjet po i rikthehen gradualisht normalitetit.

TATIMI MBI TË ARDHURAT PERSONALE

Viti 2021         12.905 mld lekë

Viti 2020         11.045 mld lekë

Diferenca         1.860 mld lekë

M.Q./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tani: 19/05/2021 04:37

    Zhvidhoni turizmin ..jo me pallate..POR me hotele dhe resorte te bukura,,,me pish ina para dhe parking makine mbrapa,,qe te vije e gjithe polonia..rusia.e bjellorusia te lere parate tek ne...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24