POP 5

Lajmet më të lexuara të 5 minutave të fundit

Kronikë

Rinas, arrestohet çifti turk, gruaja
 e dënuar për plagosje në 2010

Policia kufitare e RInasit ka arrestuar në flagrancë dy shtetas turq, pasi u kapën me dokumente false. Sipas policisë në pranga janë vënë 65 vjeçari Recep Cahit Dogan si dhe 33-vjeçarja Ozden Gur të cilët siç kanë deklaruar kishin lidhje miqësore me njëri-tjetrin.

Dy të arrestuarit kanë mbërritur në aeroportin e Rinasit me linjën e fluturimit Turqi -Tiranë dhe gjatë procesit të regjistrimit, kontrollorët kanë dyshuar për pasaportën e 33 vjeçares Ozden Gur e cila ka paraqitur për dokument udhëtimi një pasaportë turke e lëshuar në emër të Y. Y. 33 vjeçe.  

Pas ekzaminimit, pasaporta ka rezultuar me gjeneralitete të falsifikuara. 33-vjeçarja në dëshminë e saj në komisariatin e Rinasit ka deklaruar se pasaportën e kishte blerë 3 mijë dollarë nga një e njohura e saj me emrin S. të cilën e ka njohur kur ka vuajtur vetë dënimin me burg në vitin 2010 për "Vjedhje" dhe "Plagosje".

Ndërsa 65-vjeccari ka deklaruar se e ka ndihmuar 33-vjeccaren për të udhëtuar në Shqipëri duke shtuar se në momentin e ndalimit nga policia ia ka thënë se ajo ishte asistentja e saj. Ndaj tij u mor masa e arrestit në flagrancë për veprën penale  “ Ndihma për kalim të paligjshëm të kufirit“, parashikuar nga  neni 298 i Kodit Penal, ndërsa ndaj Ozden Gur u mor masa e arrestit në flagrancë për veprën penale të parashikuar nga neni 189 i Kodit Penal  “ Fallsifikimi i pasaportave , vizave apo letërnjoftimeve “ .

Shtetasi turk Recep Cahit Dogan deklaron se e ka ndihmuar shtetasen Ozden Gur për të udhëtuar në drejtim të Shqipërisë dhe se kostot e udhëtimit të kësaj shtetaseje  dhe të vetat, si dhe pagesën e qerasë së banesës në Tiranë ku do qendronte Ozden Gur do i mbulonte vetë Recepi. 


Redaksia Online
(u.s/shqiptarja.com)
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Dëbora në Dibër/ Automjete të shumta bllokohen për afro 2 orë në Qafën e Ulzës, shkak mungesa e zinxhirëve dhe gomave dimërore (VIDEO)

Dëbora në Dibër/ Automjete të shumta bllokohen për afro 2 orë në Qafën e Ulzës, shkak mungesa e zinxhirëve dhe gomave dimërore (VIDEO)

12 Janar, 15:49