Në Qarkun e Lezhës Partia Socialiste synon që të mbajë rezultatin e zgjedhjeve të vitit 2017, madje edhe thellimin e rezultatit. Ky është objektivi i shpalosur nga drejtuesja për PS-në në qark, Lindita Nikolla, në një intervistë për Report Tv.
"Ne jemi duke punuar me strukturën prej muajsh. Në 21 njësitë vendore kemi 21 shtabet e PS. Jemi duke punuar ashtu sikurse programi i partisë . Rezultati i 2017-s është objektivi minimal, por në sajë të punës që kemi bërë mendojmë thellimin e fitores së PS-së në Qarkun e Lezhës. Listat këtë herë kanë një specifikë që janë të hapura. Do të ketë një renditje por kushdo tjetër që merr votat sa herësi. Ajo që po diskutojmë është të kemi një skuadër kompakte dhe përfaqësuese për komunitetin që në Lezhë është 'shumëngjyrësh'. Do të ketë përfaqësues që vijnë edhe nga platforma. E rëndësishme është që ky është një lajm i mirë dhe këta persona do të jenë vlerë e shtuar për PS-në. Është besoj pjesë e proceseve normale të PS që persona të rinj të hyjnë në proces. Ndryshe do të kishim të njëjtat lista. Ndaj nuk ka asnjë hatërmbetje, mjafton të shihni se si po punojnë të gjithë deputetët në terren", tha ajo.
Sipas Nikollës e gjithë puna e bërë nga PS në këto 2 mandate kërkon edhe fazën finale që do të jetë mandati i tretë.
"Vëmendja është në të gjitha qarqet për të marrë rezultatin maksimal për Partinë Socialiste. Në kalkulimet tona ne jemi përpjekur të jemi shumë objektivë. Në vitin 2017 është fakt rezultati që mori PS. Por edhe sondazhet që janë kryer thonë se PS fiton përballë opozitës së bashkuar", vijoi deputetja e PS-së.
E pyetur në lidhje me përgjimet e antimafias italiane, ku flitet edhe për kontakte të 'Ndrangheta-s' me persona publikë në Shqipëri, Nikolla deklaroi se gjithçka duhet t'i lihet në dorë drejtësisë.
"Ky nxitimi për të etiketuar si bashkëpunëtore të mafias është një keqkuptim që politika i bën këtyre ngjarjeve. Unë mendoj se drejtësia duhet të bëjë drejtësi edhe kur akuzat drejtohen ndaj figurave të rëndësishme të shtetit dhe politikës. Thirrja imë që patjetër të bëhet drejtësi dhe askush të mos jetë i pandëshkueshëm. Ndërsa nxitimi për të bërë gjykim me deklarata nuk është drejtësi", tha Nikolla.
Ndërkohë që për situatën e reshjeve dhe përmbytjeve, nga të cilat Qarku Lezhë po vuan më së shumti, Lindita Nikolla thotë se nuk ka krahasim me situatën e para disa viteve.
"Nuk është e njëjta histori. Kanë rënë më shumë reshje por dëmet janë më të pakta. Sot 250 hektarë tokë ndodhë në Torovicë dhe Zadrimë nën ujë. Ka një shqetësim në zonën e Gjormit në Bashkinë Kurbin. Kryetarja e Bashkisë më tha që nuk është rrezik, ka ujë në tokë por jo në banesa. Situata është në monitorim nga 3 ekipet e emergjencës dhe 1 tjetër që drejtohet nga prefekti. Është punuar dhe investuar shumë që ne të mos kemi më situatat që i kemi pasur në të kaluarën", tha deputetja e PS-së, e cila ceku edhe çështjen e rindërtimit në zonën që ajo mbulon.
"Përmes programit të rindërtimit sillet një histori e re, sidomos për Bashkinë e Kurbinit. Janë 2 lagje të reja që ndërtohen. Janë mijëra familje që marrin nga fondi i rikonstruksionit. Situata e përmirësimit të strukturave është edhe në Milot dhe Rrëshen. Jemi në proces, shumë prej familjarëve kanë shprehur vetë dëshirën që ta ndërtojnë vetë shtëpinë. Puna vazhdon. Programi i rindërtimi nuk u pa për të ngritur ndërtesat siç ishin por u pa si një program ringritjeje të cilësisë së jetës. Në 2 lagjet e reja në Laç do të jetë e gjitha infrastruktura. Kjo është një vëmendje e shtuar e Qeverisë, me qëllim që Kurbini të ketë një cilësi krejtësisht të re të jetës. Këto janë projekte ambicioze. Edhe mbivendosja e pandemisë krijoi ca vonesa por nëse sot vizitoni Lezhën dhe Kurbinin, apo edhe Mirditën shikoni vizionin e ri për t'i dhënë një frymëmarrje të re të gjithë jetës në këto qytete", tha ndër të tjera në studion e Report Tv, Lindita Nikolla.
Lajme të tjera
-
Lezhë, shtëpia muze e ‘Mlikjave’ rrezikon që të shembet
24 Nëntor, 18:30 -
Aksident në Fushë Milot, 38 vjeçari me makinë përplaset me 2 mjete! Tre pasagjerët e njërës prej tyre përfundojnë në spital
24 Nëntor, 16:34 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
E rëndë në Kurbin/ 61-vjeçari bie në makinerinë e përpunimit të inerteve, humb jetën te Trauma! Ishte i pastrehë, tërmeti i shembi shtëpinë
23 Nëntor, 09:34 -
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Moti i keq/ Shiu i dendur krijon vështirësi për lëvizjen në autostradën Lezhë-Thumanë
22 Nëntor, 17:04 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Moti i keq/ Rrëshqitje gurësh në aksin Skuraj-Burrel (VIDEO)
22 Nëntor, 12:30
