Shkolla 9-vjeçare “Pezë e Vogël”, e dëmtuar nga tërmeti i 26 Nëntorit, do të jetë gati të presë fëmijët e ciklit 9-vjeçar dhe parashkollor në shtator të këtij viti. Shkolla e re, pjesë e projektit të rindërtimit, do të ketë kapacitet prej 250 nxënësish.
Kryebashkiaku i Tiranës, Erion Veliaj, tha se në Pezë janë hapur katër kantiere, ku po ndërtohen katër shkolla të reja.
“Kemi 4 kantiere në Pezë: në Pezë-Helmës, Pezë e Madhe, Pezë e Vogël, ku jemi sot, dhe në Pojanë. Kur të shkruhet historia modeste e Pezës, do të mbahet mend koha kur shfrytëzuam sfidën e tërmetit për të ndërtuar 4 shkolla të reja për komunitetin. Sami Frashëri thoshte: “Dy janë mundësitë: ose misër dhe grurë, ose arsim dhe kulturë”. Misër e grurë do të thotë të mendosh vetëm për stomakun, për sot dhe nesër. Arsim dhe kulturë do të thotë të mendosh për më gjatë. Ndaj, pyetja që kemi këto ditë para zgjedhjeve është: Do mendojmë vetëm për zgjedhjet e radhës apo do mendojmë për gjeneratën tjetër? Ne e kemi ndarë mendjen se do të mendojmë për gjeneratën e ardhshme. Kush mendon për gjeneratën e ardhshme, me gjasë do të fitojë edhe në zgjedhjet e ardhshme”, nënvizoi Veliaj.
Akuzat e PD se do ndërtohet pallat e jo shkollë, Veliaj i cilësoi të ngjashme me shpifjet për shkollën “Sami Frashëri”.
“Më kujtohen protestat e PD-së këtu dhe në Pezë-Helmes, me teoritë e tyre të konspiracionit: “Do ikë shkolla, do bëhet pallat, do na e marrin, do uzurpohet”, - të gjitha rrena me bisht! Të njëjtën gjë thanë edhe për “Sami Frashërin”: “Do e çojnë në Paskuqan, ia kanë dhënë privatit, do bëhet pallat”. Por, historia ka treguar se politikat e përçarjes, e lajmit të rremë, gënjeshtrat, kultura përça dhe sundo, janë afatshkurtra. Herët a vonë e vërteta del, thashethemet shuhen, dhe shkolla nis e ndërtohet. I falenderoj qytetarët e Pezës, të cilët janë distancuar nga politika e viteve ’90, të përçarjes dhe të futjes së urrejtjes mes shqiptarëve”, shtoi ai.
Kryebashkiaku i cili është edhe përfshirë në fushatë si drejtues politik i PS për qarkun Tiranë, i ktheu përgjigje akuzve të kundërshtarëve politikë duke thënë se ata që shtojnë vilat, s’mund të flasin për beton.
“Për ata që thonë ‘Na mbyti betoni’, ne s’do bëjmë shkolla prej kashte e qerpiçi! Nëse ata të Lalzit i kanë ndërtuar vilat e tyre me beton, edhe shkollat e fëmijëve prej betoni do t’i bëjmë. Nëse politikanët i bëjnë vilat me materiale të forta, edhe shkollat e fëmijëve në Pezë, ish-Bllok, Dajt e Ndroq, so t’i bëjmë me materiale të forta. Nëse këta politikanë duan të na sfidojnë, le të falin një nga vilat e tyre dhe të sponsorizojnë një shkollë. Por, për sa kohë nuk kanë bërë asnjë shkollë nga fillimi në fund, atëherë duhet të rrinë urtë kur të tjerët punojnë. Në ditën gjykimit, më 25 prill, do ta shohin kush ka punuar dhe numëron shkollat që ka ndërtuar, dhe kush ka përdorur çdo terren shkolle për të mbjellë ndasi, helm e sherr mes shqiptarësh. Boll na kanë përçarë me retorikat e urrejtjes”, përfundoi Veliaj.
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19
