Kryeministri Edi Rama bashkë me ministrin e Rindërtimit Arben Ahmetaj dhe kryetarin e bashkisë Erion Veliaj, kanë inspektuar punimet për rindërtimin e lagjes së re në Ndroq, në të cilën Rama tha se bëhet fjalë për 74 shtëpi banimi, kopësht e shkollë dhe një qendër sociale.
Rama bëri me dije se afro 350 banorë do të mblidhen në këtë lagje afër me rrugën kombëtare dhe me akses të shpejtë në shërbime. Për ata që presin apartamentet Rama tha se do tu jepet një kontratë ku caktohet data kur do të hyjnë në shtëpi. Në çdo rast të kalimit të afatit të hyrjes në shtëpi, Rama shtoi se qeveria do të paguajë një penalitetet. Me këto deklarata kryeministri u është përgjigjur akuzave nga ana e opozitës, se po bëhet fushatë me shtëpitë, por kryeministri u garantoi banorëve të mos bien pre e lajmeve fake, duke shtuar se familjet që përfitojnë nga procesi i rindërtimit mund t’i gëzojnë shtëpitë e reja, por mund edhe t’i shesin dhe të bëjnë çfarë të duan me pronën që do jetë e tyre.
"Ata që presin apartamente pjesë pjesë do fillojnë, një pjesë e madhe duhet të presin ende duke pasur bonusin e qirasë, atyre do u japim kontratën duke u thënë se kjo është kontrata që ti dhe familja jote merr këtë apartament me këtë sipërfaqe me një angazhim kohor. Ta dinë të mos thonë është letër pa vlerë dhe jo letër me vlerë. Të mos thonë se është një letër pa vlerë. Në këtë afat merr apartamentin për çdo kalim afati qeveria bashkia do të paguajë një penalitetet. Ai ka kontratë dhe nëse do të shkojë të kërkojë llogari mund ta bëjë. Kjo për tu dhënë sigurinë, dhe mos bien pre e këtyre budallalliqeve që "shtëpinë do ua marrin pas zgjedhjeve jo do u kërkojnë qira, nuk do ua lënë ta shisni...,etj. Të gjitha këto janë dokrra dhe njerëzit kanë të drejtë të kenë atë ankthin", tha Rama.
Edhe ministri Ahmetaj deklaroi se zërat se qeveria nuk do i shpronësojë banorët e zonës janë gënjeshtra elektorale.
“Bashkitë tani mund të fillojnë të futen në procesin e marrëveshjeve me familjet që janë dëmtuar. Shtëpinë e gëzojnë e trashëgojnë dhe bëjnë çfarë të duan. Çdo lloj thashethemi që thuhet poshtë e lartë që qeveria nuk I lë ta shesin është gënjeshtër elektorale”, tha Ahmetaj
Kryeministri ka shtuar se ata që kanë shtëpitë në një pozicion jo të favorshëm gjeografik do t'u jepen paratë në dorë dhe ta ndërtojnë ku të duan.
"Ata të cilët presin apartamente, pjesë pjesë fillojnë, një pjesë duhet të presin ende. Të gjithë ata që janë akoma në pritje, shtëpitë individuale po avancojnë. Familjet po kthehen në shtëpi, një pjesë e vogël shtëpitë e dëmtuara i kanë nëpër pika që gjeografikisht nuk janë të favorshme, ti marrin paratë në dorë dhe nëse duan ta ndërtojnë atje. Sugjerimi është që të mos e adresojnë atje. Pra të gjejnë një zgjidhje tjetër sipas mundësive që kanë dhe mund ta ndërtojnë kudo", tha Rama.
Kryeministri Edi Rama së bashku me kryetarin e Bashkisë së Tiranës, Erion Veliaj, si dhe ministrin e Rindërtimit, Arben Ahmetaj vizituan lagjen e re e cila po ndërtohet në Ndroq për familjet që humbën shtëpitë në tërmetin tragjik të 26 nëntorit 2019. Punimet për ngritjen e 74 banesave kolektive të parashikuara në këtë zonë kanë ecur me ritme intensive dhe aktualisht 23 banesa janë drejt përfundimit.
Kryebashkiaku Veliaj u shpreh se në këtë kompleks të ri rezidencial, parashikuar me të gjitha shërbimet publike dhe një infrastrukturë model, do të zhvendosen familjet që ndodhen në skajet më të largëta të fshatit.
“Është një komples i ndarë në 2 lote. Fillimisht janë bërë 23 inkubaturat e para. Në total kompleksi do jetë me 74 shtëpi. Janë të gjitha familje që vijnë nga zona shumë të largëta. Disa nga shtëpitë që transferohen janë rreth 17 km nga rruga kryesore. Duke qenë se është një kompleks i madh, që shkon deri në 350 banorë, një ambient e kemi konceptuar për shkollë 9-vjeçare dhe parashkollor. Momentalisht kemi shpronësuar gjithë pjesën e kodrës. Do jetë realisht një kompleks rezidencial,” u shpreh Veliaj.
Një javë më parë Këshilli i Ministrave miratoi dhe vendimin për kontratën që do marrin në dorë të gjithë familjet që do përfitojnë nga procesi i rindërtimit të banesave kolektive.
Kryeministri Edi Rama inspektoi ditën e sotme punimet për ndërtimin e lagjes së re në Ndoq, bashkë me ministrin e Rindërtimit Arben Ahmetaj dhe kreun e Bashkisë së Tiranës Erion Veliaj. Rama u takua me edhe një çift banorë të zonës, ku zonja e shtëpisë iu drejtua kreut të qeverisë për t’i dhënë dorën në formë përshëndetëse, por ky i fundit refuzoi duke e këshilluar të bëjë kujdes për shkak të COVID.
Pjesë nga biseda e Ramës me banoren:
Rama: Deshi me ardh dhe sju lanë me ardh, ca halli kishin
Zonja: Covidin
Rama: Maskë nuk mban ë
Zonja: Rrofshi që po bëni lagje të re. Por unë ka këtë tokën këtu dhe më merret e gjithë toka...
Ahmetaj: Me ligjin e rindërtimit ose do marrësh paratë e tokës ose metra katrorë.
Rama: Do më lesh të flas se kudo ku shkoj më marrin fjalën. Jam i vetmi kryeministër që kërkoj fjalën gjithandej, doni mos me më lënë me fol. Ajo rruga një rrugë aksesi është ska nevojë, skeni pse tu hyni pemëve. Mos jep dorën.
Zonja: Le ta marr sot Covidin prej teje
Rama: Se merr prej meje se stan jap dorën sido të vijë puna...
Zonja: Kam katër orë që po të pres
Rama: Këtë zonjën unë të sugjeroj ta marrësh supervizore për disiplinën e punëtorëve, ti japësh një pagë që kjo të vejë në rresht punëtorët, jepi një pagë të të supervizojë të gjithë. Inxhinieri rri e na shef ne po të jetë kjo punëtore srri me na pa ky. Po të jetë kjo e shef tu lëviz aty.
Lajme të tjera
-
Hetimi pasuror, Veliaj në Këshillin Bashkiak: U denoncova nga një njeri që s'ekziston, kurth i sajuar! Këtu do jemi, në maj u mundim
26 Dhjetor, 16:32 -
Hetimi pasuror, Veliaj 5 orë në SPAK! Burime: U kërkoi prokurorëve të thërrasin për deklarim edhe Nesti Angonin, denoncuesin që s'ekziston (VIDEO)
26 Dhjetor, 09:19 -
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Gjykata Kushtetuese rrëzon familjarët e ish-zv/kryeministrit Ahmetaj, nuk kthehen pronat e sekuestruara! Zbardhet VENDIMI
25 Dhjetor, 20:20 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15
