Dita Botërore e Librit e gjen më të zbehtë se kurrë dëshirën dhe vullnetin e të rinjve shqiptarë për të lexuar.
Të pyetur se cili është libri i fundit që kanë lexuar, të rinjtë thonë për Report Tv se nuk e kanë shumë mirë marrëdhënien me librin.
Leximi tek të rinjtë shihet si sfidë edhe për Drejtorin e Bibliotekës Kombëtare Piro Misha.
“Sfida e madhe janë të rinjtë. Ju e patë edhe sot këtu që kishte të rinj, por prapë është një sfidë t’i mbash ata afër leximit. Kështu që është një problem shumë kompleks, por unë mendoj që përbën një sfidë jo thjeshtë për bibliotekat, por për të gjithë shtetin dhe shoqërinë shqiptare. Pse e shihni problem kompleks? Sepse lidhet me një strategji afatgjatë, lidhet me investimet dhe me idenë se kultura nuk është vetëm Tirana”, u shpreh Piro Misha.
Në Ditën Botërore të Librit, qytetarët mendojnë se revolucioni i teknologjisë i ka zhvendosur të rinjtë në platformat online dhe rrjetet sociale.
“Të rinjtë lexojnë Facebook-un”, shprehen qytetarët.
“Rinia rrinë andej rrugëve, nuk i kap njeri me dorë më librat”, shprehet një tjetër.
“Lexojnë goxha të rinjtë, ata telefonat po, librat jo”, thotë një qytetar.
Ata që lexojnë rregullisht, shihen sot si raste përjashtimore. I tillë është edhe 20-vjeçari Ani Hysa, prej 4 vitesh besnik i leximit dhe frekuentues i rregullt i bibliotekës komnbëtare.
“Unë lexoj romane, në fakt poezia është e bukur, por romanet më tërheqin më shumë. Novela, lexoj të gjitha zhanerat. Mund të jetë romancë, zhaner motivues, apo e zhvillimit personal”
Gazetarja: Cili është libri i fundit që keni lexuar, apo që po lexoni?
“Sot mbaroj librin “ Sepse të dua” nga Guillaume Musso”.
Librat janë të kushtueshëm shton ai, por me ato pak kursime ia del, madje ka krijuar edhe një bibliotekë të vogël në shtëpi.
“Kam një bibliotekë në dhomën time që e mbaj vetëm me librat e mi. Librat kushtojnë, për shembull nëse do të lexosh 3 libra në muaj, të duhen nja 50 mijë lek. Por arrij t'i siguroj, bëj planet e mija si të thuash. Arrij t'i blej”, përfundoi 20 vjeçari.
Marrëdhëniet jo fort të mira të të rinjve shqiptarë me librin, e pohojnë edhe librashitësit, të cilët jashtë kamerave thonë se nuk ka shitje. Ata pak lexues që zgjedhin të blejnë janë kryesisht të moshës 30 deri në 50 vjeç.
Lajme të tjera
-
‘Botimet veneciane në Fondin e Bibliotekës Kombëtare’, bashkëpunim me Institutin Italian të Kulturës
21 Shtator, 16:34 -
Ministri Gonxhja: Biblioteka Kombëtare është në situatë kritike, por nuk do preket! Bibliotekë e re Kombëtare pranë Gardës
17 Shtator, 14:28 -
Dita Ndërkombëtare e Librit, Meta ndan foto duke lexuar: Rilindja ka orientuar të rinjtë drejt kafeneve, ka zbrazur bibliotekat
23 Prill, 13:37 -
Lezhë/ Fëmijët festë për 2 prillin, Ditën e Librit
2 Prill, 13:46 -
Ekspozitë në 110-vjetorin e lindjes së Petro Markos
22 Dhjetor 2023, 19:37 -
U dogj e u përmbyt, BE do restaurojë Bibliotekën nën tokë! Librat në stoqe e arka bananesh, Misha: Sipër problem, hapësira e re e domosdoshme
16 Gusht 2023, 13:19
-
Ruajtja e Trashëgimisë Kulturore të Shqipërisë: Pajisje të reja të teknologjisë së lartë për Qendrën Sotir Kolea, aneksin e Bibliotekës Kombëtare
2 Qershor 2023, 16:26 -
70-vjetori i Visar Zhitit, mbi gjysmë shekulli krijimtari në Bibliotekën Kombëtare, miqtë rrëfejnë poetin: Nga poezia e parë te arrestimi, na mësoi si jetohet dhimbja
5 Dhjetor 2022, 18:13
-
Panairi, ish-punonjësi i Bibliotekës : I dashuruar me librin sa të jem gjallë! Jam pensionist, kërkoj libra me vlerë e të lirë! Pyeta për Kadarenë, ja ç’më thanë!
16 Nëntor 2022, 17:43
-
Mbi 700 botime nga udhëtarët e huaj që vizituan Shqipërinë, Misha: I pari shoqëroi mbretin e Francës, në oborrin e Sulejmanit të Madhërishëm, lidhja me Shqipërinë
15 Nëntor 2022, 15:42
-
650 titujt e Poradecit i dorëzohen Bibliotekës, e bija: Ishin më shumë, në ’45-ën regjimi i detyroi të grisnin edhe Fishtën! Shënimet e veçanta të poetit
4 Nëntor 2022, 16:29
-
Biblioteka, plane të reja e halle të vjetra! Projekt pa afate te Garda?! Studiuesi: Mos rrini indiferent! Misha: Hapësira sa vjen e ngushtohet
6 Tetor 2022, 17:04
