Rinis testimi për gradën 'Komisar', pas akuzave për kopje ndryshohen rregullat

TIRANË- Pas anullimit, rinis testimi i dytë për oficerët e Policisë, që konkurojnë për gradën “Komisar”. Në total janë 460 policë që kanë aplikuar për të marrë gradën “Komisar”, ndërsa testimi do zhvillohet në 4 ditë dhe është i ndarë sipas drejtorive vendore në çdo qark.

Teza e provimit ka 100 pyetje dhe ndryshe nga testimi i parë, këtë herë provimi është i gjithë me pyetje me alternativa dhe jo pyetje me shtjellim.

Oficerët e Policisë do ta marrin përgjigjen menjëherë sapo përfundon provimi, pasi teza korrigjohet me një pajisje elektronike që quhet “skantron”. Sipas Policisë së Shtetit, marrja e përgjigjeve në moment, shmang çdo lloj abuzimi apo akuze për kopjim.

Në testimin e parë që u zhvillua më 7 nëntor, Drejtori i përgjithshëm i policisë Ardi Veliu vendosi anullimin e rezultatit për faktin se policët që fituan gradën “Komisar” u akuzuan për kopjim dhe se para testimit, kishin marrë pyetjet që kishte teza. 

Akuzat ndaj komisionit ishin disa, ku përfshihet edhe marrja e rryshfetit. Për anullimin e testimit të datës 7 nëntor, ka nisur edhe një hetim nga Shërbimi për Çështjet e Brendshme dhe Ankesave në Ministrinë e Brendshme, ndërsa urdhëri i Ardi Veliut ka përfunduar edhe në Prokurorinë e Tiranës.

Disa prej atyre që sot fitojnë gradën e ‘kryekomisarit’ me anë të konkursit, më parë kanë qenë në gjyq me Ministrinë e Brendshme apo Policinë e Shtetit dhe e fituan këtë hap të karrierës së tyre ushtarake me anë të vendimeve gjyqërore. Ndërsa disa të tjerë rezultojnë se kanë patur probleme me titullarët më të lartë të Policisë së Shtetit dhe për më keq edhe janë përjashtuar nga radhët e saj.

Policia e Shtetit bën me dije se emrat e policëve që kanë fituar gradën “Komisar” do të publikohen në datën 24 nëntor.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen