Riselda Sejdija është një nga femrat më të komentuara të rrjeteve sociale. Ajo publikon foto të ndryshme ku reklamon jetën e saj luksoze dhe dashurinë që ka për bashkëshortin e saj, Hajdin Sejdijan pa asnjë lloj kompleksi. Por së fundmi e ftuar në "Thumb", koreografja tregoi një sherr që ka patur me Ajdinin.
"Ka nga ato momentet që ndërrojmë ndonjë gjë, kur blemë shtëpinë në Durrës, që duheshin sistemuar gjërat. Kemi pasur një sherr të jashtëzakonshëm, se jemi shije të kundërta. Ai pëlqen klasiken unë jam kontemporane, ishim gati për të shkulur dritaret,"- tha pedagogia.
Riselda vijoi më tej duke rrëfyer se ajo dhe i shoqi nuk kanë shije të njëjtë përsa u përket rrobave. “Gjërat që nuk duroj dot, acarim nuk mund të themi. Unë sa herë që bëj dhurata, Hajdinit asnjë gjë nuk i pëlqen. ‘Kjo s’bën, kjo është shumë e ngushtë. Këpucët, kollarja, këmisha.’ Vetëm ç’a blen vetë i pëlqen. Dhe unë kur i mbledh vetë, i them ndonjëherë kjo ka dalë nga moda, vëlla i dashur nuk bën më. ‘Hë mi nuse’- më thotë, ‘ç’a blen ti është në modë ç’a blej unë nuk është’,”- përfundoi Sejdija.