POP 5

Lajmet më të lexuara të 5 minutave të fundit

Sport

Rishfaqet Koeman, sot Rumania synon befasinë kundër Holandës! Depay: Tani nis Evropiani për ne

Rumania beson fort se sot mund të shkojë në çerekfinalet e Evropianit edhe pse përballë në 1/8 ka Holandën.

Në ‘Allianz Arena’ do luhet sot, duke nisur nga 18:00 sfida e parafundit e fazës së 1/8 të Evropianit, me Rumaninë që ka marrë të gjitha masat për të befasuar Holandën. Te ‘tulipanët’ është momenti më kritik i Euro 2024, pasi humbja me Austrinë në grup ka sjellë një lum kritikash ndaj trajnerit Koeman, i cili shmangu edhe konferencën për shtyp. Megjithatë para ndeshjes me Rumaninë ai është rishfaqur dhe ka pohuar se ‘ajo ndeshje ishte zhgënjyese’, ndërsa e ka cilësuar kundërshtarin e sotëm si një përfaqësuese shumë kompakte’.

Koemanit nuk i pëlqen që Holanda konsiderohet si favorite, teksa thotë se ‘Rumaninë e kanë marrë shumë seriozisht’. Depay ka shkuar më tej duke pohuar se ‘tani fillon Evropiani për Holandën’.

Te Rumania situata është krejt tjetër. Përfaqësuesja e drejtuar nga Iordanescu, pas paraqitjes pozitive në grup, beson se mund të avancojë më shumë se 1/8. Trajneri është treguar emocional, duke pohuar se ai numër i madh tifozësh që e mbështet Rumaninë në Gjermani ka motivuar shumë futbollistët, të cilët duan të bëjnë historinë me kombëtaren e tyre. Më herët Rumania ka arritur vetëm në një rast të shkojë në çerekfinale, në vitin 2000, dhe sot do tentojë ta barazojë këtë rekord.

Pas Rumani-Holandë, në orën 21:00 do jetë sfida e fundit e 1/8 që luhet mes Austrisë dhe Turqisë. Austriakët shihen si favoritë për të shkuar në çerekfinale në një kohë kur bënë super paraqitje në grup, ndërsa Turqisë i mungon regjizori Hakan Calhanoglu për shkak kartonësh. Megjithatë përfaqësuesja e drejtuar nga Montella beson shumë te ‘yjet’ e rinj të kombëtares, si Yldiz dhe Arda Guler.

Ne.k./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03