POP 5

Lajmet më të lexuara të 5 minutave të fundit

Shëndeti

Rishfaqet 'kolla e mirë' 28 fëmijë të prekur, 8 prej tyre të shtruar në spitalin infektiv

Pas disa vitesh në vendin tonë është shfaqur infeksioni 'Pertus' apo siç quhet ndryshe kolla e mirë. Përgjatë tre javëve janë prekur 28 fëmijë, 8 prej tyre ende po marrin shërbim në spital. Të prekurit kanë manifestuar kollë të zgjatur në kohë shoqëruar me probleme të rënda të frymëmarrjes

TIRANE- Mes virozave dhe alergjive tek shumë fëmijë po qarkullon edhe infeksioni Pertus apo siç njihet ndryshe 'kolla e mirë'. Deri më tani janë regjistruar 28 raste të fëmijëve me këtë infeksion.

Tetë raste me kollën e mirë, siç njihet jo me term mjeksorë, për shkak të gjendjes së rëndë, ndodhen të shtruar në spitalin infektiv dhe shërbimin e pneumologjisë në pediatri.

Të vegjëlit manifestojnë kollë të zgjatur në kohë nga 2 deri në 5 javë, gëlltitje të sforcuar që u pengon frymarrjen deri në mbytje. Një fëmijë me Pertus, ka veshtirësi të ushqehet dhe të pijë ujë e lengje. Nga 28 rastet me këtë infeskion, 9 prej tyre janë nga rrethet.

Kolla e mirë është një sëmundje shumë ngjitëse; ajo përhapet shumë lehtë nga personi në person përmes kontaktit fizik, nga ajri përmes përshtymës. Ky infeksion që mund të rrezikoje edhe jetën e fëmijëve në rast të mungesës së trajtimit, sipas informacioneve nga bluzat e bardha kishte kohë pa u shfaqur në vendin tonë.

Gjatë pandemisë COVID, rastet kanë qenë sporadike.  Për këtë infeksion në vendin tonë fëmijët si pjesë e kalendarit  të detyruar kanë edhe vaksinimin. Vaksina e pertusis u jepet moshave nga 2, 4 dhe 6 muajshe.

Në moshën 4-5 vjeç dhe në atë 16 vjeçare ju bëhen doza përforcuese. Vaksina e Pertusis rekomandohet gjithashtu për gratë shtatzana pas 16 javësh dhe deri në 36 javë shtatzënie në çdo shtatzëni, për të mbrojtur veten dhe foshnjën e tyre në muajt e parë të jetës.

S.G/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29