POP 5

Lajmet më të lexuara të 5 minutave të fundit

Politikë

Rishpëndarja e mandateve, PS
informon trupin diplomatik

Partia Socialiste ka informuar trupin diplomatik shqiptar, si dhe përfaqësuesit e institucioneve ndërkombëtare për ato që ajo i quan manovra të paligjshme dhe njëkohësisht të rrezikshme për një proces zgjedhor ligjor e të ndershëm që qeveria është duke bërë nëpërmjet Ministrisë së Brendshme dhe Drejtorisë së Gjendjes Civile.
Rishpëndarja e mandateve, PS<br />informon trupin diplomatik
TIRANE- Partia Socialiste ka informuar trupin diplomatik shqiptar, si dhe përfaqësuesit e institucioneve ndërkombëtare për ato që ajo i quan manovra të paligjshme dhe njëkohësisht të rrezikshme për një proces zgjedhor ligjor e të ndershëm që qeveria është duke bërë nëpërmjet Ministrisë së Brendshme dhe Drejtorisë së Gjendjes Civile.

 Sekretari për çështjet zgjedhore në PS, Damian Gjiknuri i shoqëruar nga eksperti i kësaj fushe, Bledi Çuçi u takuan sot paradite me përfaqësues të trupit diplomatik të akredituar në Tiranë, si dhe përfaqësuesit e OSBE-së dhe Komisionit Europian, për t’i informuar lidhur me ecurinë e zbatimit të Kodit Zgjedhor të miratuar me konsensus mes palëve, por që sipas PS nuk po ecën në të njëjtën mënyrë edhe gjatë zbatimit praktik të tij.
 
“U shpjeguam përfaqësive diplomatike situatën e krijuar në lidhje me çështjen e ndarjes së mandateve. Dhamë argumentet tona, të gjithë analizën që kemi bërë dhe që është paraqitur edhe në KQZ, por në mënyrë më të përmbledhur për ta. Takimi u zhvillua në formën e një bashkëbisedimi, për të kuptuar cili është problemi dhe për të parë çdo të bëjmë më tutje”- tha sekretari për çështjet zgjedhore në PS, Damian Gjiknuri në një prononcim të shkurtër për mediat.

Partia Socialiste kundërshton idenë e ndarjes së mandateve sipas qarqeve në KQZ për arsye se Ministria e Brendshme nuk ka dhënë ende informacion në lidhje me shtimin e popullsisë në mënyrë jo normale në katër komuna të Kukësit. Më herët në një prononcim publik Sekretari Damian Gjiknuri tha se në Kodin Zgjedhor është parashikuar qartë dhe prerë se mandatet përcaktohen nga KQZ dhe nëse do të jetë Kolegji Zgjedhor institucioni që do bëjë ndarjen e mandateve për çdo qark, kjo do të ishte shumë e rëndë për besueshmërinë e procesit zgjedhor të 2013, pasi ligji nuk e autorizon Kolegjin për të gjykuar çështjen në themel për një gjë të tillë.

(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Televizioni publik izraelit: Marrëveshja për armëpushim në Liban është arritur

Televizioni publik izraelit: Marrëveshja për armëpushim në Liban është arritur

24 Nëntor, 21:56