Ristrukturimi i Kishës së Prokopit në Tiranë, reagon arkitekti: Dikush ta ndalojë këtë marrëzi të panevojshme, nuk ka lidhje me projektin origjinal

Ristrukturimi i Kishës së Prokopit në Tiranë, reagon arkitekti: Dikush ta ndalojë këtë marrëzi të panevojshme, nuk ka lidhje me projektin origjinal

Projekti origjinal i Kishës së Prokopit

Arkitekti, Artan Shkreli, ka kritikuar projektin për ristrukturimin e Kishës së Prokopit me vendndodhje në Tiranë. Nëpërmjet një postimi në facebook, Shkreli ka postuar një foto të kishës së Prokopit të propozuar nga arkitekti Skënder Luarasi dhe një foto të propozimit për ristrukturim që sipas tij, nuk ka lidhe me projektin origjinal.

“Sprapësimi i kishës ortodokse! Do e konsideroja, nëse është e vërtetë se ristrukturimi i kishës të Shën Prokopit, do bëhet në një stil pa lidhje as me projektin origjinal ikonik të ark. Luarasit (senior), e as me traditat shekullore stilistike-ekleziastike të Ballkanit jug-perëndimor”- shkruan arkitekti.

Ai tha se dikush nga Kisha Ortodokse Autoqefale Shqiptare duhet të ndërhyjë për të ndaluar këtë projekt që ende nuk ka filluar, duke e konsideruar këtë të fundit si “një marrëzi të panevojshme”.

“Nuk di nëse ka njerëz që kanë njohuri arkitekturore në strukturat e KOASH, sikurse ishte dikur i nderuari at Theologu, por dikush duhet të ndërhyjë pranë hirësisë së tij kryepeshkopit Anastas, në mënyrë që autoriteti i tij të ndalojë, sa pa filluar, këtë marrëzi të panevojshme. Në foto:
1. Kisha e Shën Prokopit projektuar nga arkitekti i shquar S. Luarasi në gjysmën e parë të shek XX.
2. Propozimi i ri, i falsifikuar dhe i turistifikuar sot.”- shprehet Shkreli ndër të tjera.

Kisha e Prokopit është ndërtuar në vitin 1780 për nder të shenjtorit mbrojtës të Tiranës, Shën Prokopit. Në vitin 1967 edhe kisha e Shën Prokopit pati fatin e të gjitha objekteve të tjera të kultit. Ajo u gjymtua, duke iu hequr pjesët harkore.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • triana: 14/01/2023 22:24

    foto e kishes se lyer me boj te bardhe duket si shtepi andej nga brigjet e mesdheut dhe nuk i pershtatet stilit te dikurshem ne vendin tone.ndersa foto e mesierme eshte me e pranishme ne arkitekturen e dikurshme.

    Përgjigju
  • Rudina: 14/01/2023 10:54

    Ka te drejte, eshte shume me bukur kisha origjinale, sic duket ka marre frymezim ne xhamite turke ne projektin e ri

    Përgjigju
  • Iris: 14/01/2023 02:52

    Jam dakord me z.Shkreli.Projekti i propozuar ngjan me ato te kishave greke dhe afrikane-ortodokse,apo katolike spanjolle e malteze, te pershtatshme me klima super te thata,ku ndertesat kane kete pamje.Bile sikur t'a perdorni imagjinaten dhe kujtesen dhe ne vend te ngjyres se bardhe,ato cati e kupola te ishin blu,do te dukeshin sikur jane ne Santorini.Definitisht,projekti i propozuar nuk ruan karakteristikat shqiptare te /S.Prokopit/.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake