Rita Ora gati projektin e ri, por kësaj here larg muzikës: U dedikohet të rinjve të vendit tim

Edhe pse ka arritur majat si këngëtare, Rita Ora duket se nuk po mjaftohet vetëm me muzikë dhe ka nisur një projekt të ri. Ardhja e saj në Kosovë për të festuar ditëlindjen e 33-të u komentua gjerësisht në rrjet, por ylli i popit paska pasur një surprizë.

Në një intervistë për ‘The Sun’, diva e muzikës ka njoftuar se ka nisur punën për realizimin e një dokumentari i cili do të ketë në fokus kulturën dhe të rinjtë në Kosovë.

“Jam në mes të xhirimeve të një dokumentari për kulturën e të fëmijëve në Kosovë. Gjashtëdhjetë për qind e popullsisë sonë është nën moshën 35 vjeç, e cila është super e re. Kjo tregon se ka kaq shumë zemërim dhe zhgënjim që po ndodh nën të gjitha kufizimet që na është dashur të shohim në historinë e vendit tonë. Kam punuar me producentë që janë vërtet të apasionuar pas Kosovës dhe prej nga jam unë. Të bësh muzikë dhe të jesh i hapur është padyshim i diskutueshëm."

LEXO EDHE:
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë

Rita u kthye në atdhe e shoqëruar nga bashkëshorti i saj regjisori Taika Waititi. Duke folur për udhëtimin, Rita zbuloi për ‘The Sun’ se ajo mori kohë nga pushimi për të filmuar disa skena për dokumentarin e saj të ardhshëm.

“Unë shkoj atje dhe ata më shikojnë nga bota tjetër. Sikur nuk është një gjë e vërtetë për ta. Bëj punën e ëndrrave të mia, por kam punuar për të arritur këtu ku jam, por kur kthehem ende nuk mund t'i lidh pikat e asaj pak shprese që kanë humbur. Ishte emocionuese për mua”, tha Rita.

SI.E./Shqiptarja.com

TAG:
• kosove
• rita ora