‘Rithemelimi’ prezanton një tjetër kandidat në Primare, pedagogu Artur Lazri për Mirditën: Vetëm të bashkuar ia dalim të fitojmë

Artur Lazri është njëri prej 6 kandidatëve të ‘Rithemelimit’ për primaret në Bashkinë e Mirditës, bashkë me Aleksandër Lalajn, Albert Mlyshin, Gjon Ndojn, Martin Bibën dhe Saimir Kolë.

Në prezantimin që i bëri sot platformës së tij nga Selia blu në Tiranë, Lazri tha se fitorja më 14 maj do të vijë si pasojë e bashkimit të sinqertë të gjithë komunitetit, pa kurrfarë dallimi moshe, gjinie apo statusi social.

Ai kërkon bashkimin e grave dhe burrave, të rinjve dhe të rejave, intelektualëve dhe punëtorëve për fitoren e zgjedhjeve vendore në 14 maj 2023.  Artur Lazri thotë se fitorja e tij në këto zgjedhje do të t’i shtojë komunitetit vlera pozitive dhe frymë bashkëpunimi.

“Le të marrim forcën e bashkimit të sinqertë të anëtarëve, simpatizantëve, vlerave humane të djathta, të grave dhe burrave, të rinjve dhe të rejave, intelektualëve, studentëve, punëtorëve dhe ti përqendrojmë ato në fitoren e madhe për Bashkinë Mirditë me 14 maj 2023.”, ka thënë kandidati i Primareve në Mirditë.

Ai ka folur gjithashtu edhe për situatën aktuale të PD, ku sipas tij bashkimi është një sfidë e vështirë, por jo e pamundur dhe e pazgjidhshme.

 “Së pari, bashkimi i PD. Do e fillojmë bashkimin nga shtëpia jonë demokrate dhe pastaj do e zgjerojmë deri sa të krijojmë aleancën e vlerave kundër të keqes që na ka zaptuar çdo hapësirë në Shqipëri”, vijon ai.

Kandidati i Berishës në ‘Primare’ thotë se Mirdita po vuan çdo pasojë nga shpopullimi që ka kapluar, që sipas tij është bërë “gangrenë” e viteve të fundit.

“Mirdita po vuan gangrenën e madhe të largimit të njerëzve dhe familjeve, kryesisht të rinjve. Vetëm 110 nxënës u ulën në klasën e parë në të gjithë Mirditën. Punësimi tej normave për frymë popullsie me mbi 600 punonjës ku një pjesë e tyre nuk e dinë as ku e kanë vendin e punës, si dhe korrupsioni galopant në Bashkinë Mirditë, ka sjellë qeverisje të keqe dhe inekzistente, shërbime preferenciale apo të munguara“, thotë Artur Lazri

Ai e mbyll deklaratën e tij me shprehjen e dijetarit të madh austro-hungarez, Karl Steinmetz,i cili në vitet e para të shekullit të kaluar eksploroi veriun e trojeve shqiptareve. Për zonën e Mirditës ai tha: ’Paqja e fjala në Mirditë nuk blihen me para’.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Bandat survejojnë Policinë, a është ky triumf i krimit ndaj shtetit?



×

Lajmi i fundit

Ylli Pata: Çfarë ka Berisha që nuk i qesh më Ilir Metës?!

Ylli Pata: Çfarë ka Berisha që nuk i qesh më Ilir Metës?!