Robben tremb Bayern Munchen: Mund të largohem në vitin 2013

Njëri nga futbollistët më të mirë të Bajernit të Munihut, Arjen Roben ka bërë të ditur se ekziston mundësia që ta braktisë këtë klub pas skadimit të kontratës në verën e vitit 2013.

“Nuk mund të them me siguri të plotë se do të qëndroj në Mynih. Shumë gjëra kanë ndodhur në javët e fundit, duke përfshirë këtu edhe mosparaqitjen në tre ndeshje radhazi. Sidoqoftë, tani dua që të përqendrohem në fushën e lojës”, ka theksuar Roben, për të shtuar:

“Aktualisht nuk jam në negociata me asnjë klub, por kurrë nuk dihet se çfarë mund të ndodhë në të ardhmen”. Për shërbimet e Robenit janë të interesuar Juventusi dhe Interi.