Roberta Metsola është presidentja e re e Parlamentit Evropian. Matsola, me origjinë nga Malta ishte në garë me Sira Rego, Kosma Zlotoëski dhe Alice Bah Kuhnke, por arriti ta fitonte atë me 458 vota pro.
Koha e zhvillimit të zgjedhjeve, nuk ka asnjë lidhje me ikjen nga jeta të ish-presidentit të Parlamentit Evropian David Sassoli, mandati i të cilit do të mbaronte në fund të janarit pas dy vitesh e gjysmë në krye të detyrës.
Kush është presidentja e re e Parlamentit Evropian?
Në moshën 43-vjeçare, Metsola është personi më i ri në historinë e legjislativit që mban këtë post dhe gruaja e parë në 20 vjet.
Ajo vjen nga fraksioni i Partisë Popullore Evropiane (EPP), ndërsa Sassoli ishte anëtar i grupimit politik të qendrës së majtë Socialistët dhe Demokratët (S&D).
Ajo është deputete e Parlamentit Evropian që nga viti 2013. Si deputete e Partisë Nacionaliste, ajo ka qenë aktive që në rininë e saj duke bërë fushatë si studente që Malta të bëhet anëtare e BE-së.
Si Presidente e Parlamentit Evropian, ajo do të drejtojë aktivitetet e seancave plenare të legjislaturës dhe do të ruajë rendin gjatë seancave. Presidenti gjithashtu u jep fjalën folësve, nënshkruan ligjet dhe zakonisht flet në hapjen e samiteve të BE-së.
Parlamenti ka pasur vetëm dy presidente të mëparshme femra, Simone Veil dhe Nicole Fontaine, të dyja franceze, që kur u bë një asamble e zgjedhur drejtpërdrejt në 1979.
Kujtojmë se David Sassoli, ka ikur nga jeta disa ditë më parë për shkak të "luftës" së tij disa vjeçare me sëmundjen e rëndë.
Kreu i PD, Lulzim Basha ka uruar presidenten e re të Parlamentit Europian, Roberta Metsola. Basha shkruan se mezi pret që të punojnë së bashku për të përmbushur integrimin e Shqipërisë në Bashkimin Europian.
“Urime Presidentit të ri të Parlamentit Evropian, Roberta Metsola. Duke ju uruar më të mirën dhe çdo sukses në pozicionin tuaj të ri, mezi pres t’ju mbështes dhe të punojmë krah për krah për të përmbushur integrimin e Shqipërisë në Bashkimin Europian”, shkruan Basha .
Ministrja e Jashtme Olta Xhaçka ka uruar presidenten e re të Parlamentit Europian, Roberta Metsola.
“Urimet më të mira për Roberta Metsola në emërimin e saj si Presidente e Parlamentit Evropian. Mirëpresim të punojmë ngushtë së bashku në këtë vit vendimtar për integrimin e Shqipërisë në BE”, shkruan Xhaçka.
Presidenti Ilir Meta ka uruar presidenten e re tw Parlamentit Evropian, Roberta Metsola.
"Urime të përzemërta Roberta Metsola për zgjedhjen si Presidente e Parlamentit Europian!
Mirëpres bashkëpunimin e ngushtë në procesin e integrimit europian të Shqipërisë, me shpresën për çeljen sa më parë të negociatave të anëtarësimit.
Jam besimplotë për vendosmërinë e saj në mbrojtje të vlerave europiane dhe forcimit të demokracisë, përfshirë dhe në të gjitha vendet e zgjerimit.", shkruan Meta.
Ursula von der Leyen, Presidente e Komisionit Europian, ka uruar për detyrën e re eurodeputeten Roberta Metsola, e cila u zgjodh sot në krye të Parlamentit Europian, pas vdekjes së paraardhësit, Sassoli.
"Puna dhe vendosmëria e treguar nga Metsola janë një frymëzim për të gjithë. Do të punojmë fort së bashku për të 'shëruar' Europën, për një të ardhme ekologjike, digjitale dhe të ndritur europiane."-shprehet Von der Leyen.
Lajme të tjera
-
Shefi i ri i Këshillit Evropian pritet të takojë 6 liderët e Ballkanit Perëndimor më 3 dhjetor
27 Nëntor, 17:03 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Konfirmohet përbërja e re e Komisionit Europian, mandati nis më 1 dhjetor
27 Nëntor, 16:23 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Ekonomia gjermane në prag të recesionit
27 Nëntor, 08:54 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Kryeparlamentarja Spiropali dhe 20 homologe nënshkruajnë deklaratën e përbashkët 'Kthejini Zërin Grave Afgane': Nuk do i braktisim kurrë, mbrojtje nga regjimi Taleban!
25 Nëntor, 18:45 -
Synon anëtarësimin në BE, Serbia dështon në hapjen e kapitujve
25 Nëntor, 16:45 -
Media: Biden dhe Macron do të shpallin armëpushimin në Liban nesër! Lideri Suprem i Iranit: Netanyahu dhe ministri i tij duhet të dënohen me vdekje
25 Nëntor, 08:12 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27
