POP 5

Lajmet më të lexuara të 5 minutave të fundit

Bota

Roja Bregdetare greke shpëton nga mbytja 96 emigrantë në ishullin Halki (VIDEO)

Në një operacion të madh Kërkimi dhe Shpëtimi, Rojet Bregdetare dhe Marina greke arritën të shpëtojnë 96 njerëz nga një anije që po fundoset dhe që transportonte migrantë që ishin nisur nga Turqia për në Greqi

Roja Bregdetare greke shpëton nga mbytja 96 emigrantë në ishullin Halki (VIDEO)

Në një operacion të madh Kërkimi dhe Shpëtimi, Rojet Bregdetare dhe Marina greke arritën të shpëtojnë 96 njerëz nga një anije që po fundoset dhe që transportonte migrantë që ishin nisur nga Turqia për në Greqi. Besohet se anija mbante rreth 100 njerëz. Midis tyre kishte 10 fëmijë dhe 21 gra dhe teksa shumica e emigrantëve nuk mbanin jelekë shpëtimi

Sipas zëdhënësit të Rojes Bregdetare greke, Kapiten Nikos Lagadianos, nga 96 të shpëtuar, 72 u dërguan në ishullin Rodos, 5 në ishullin Karpathos, ndërsa 19 të tjerë u kapën nga një anije e Rojes Bregdetare turke

Emigrantët e shpëtuar janë transferuar në disa ndërtesa të posaçme ku ata do t'i nënshtrohen testeve Covid-19 siç edhe parashikohet nga rregullat aktuale të emergjencës shëndetësore në Greqi.

Anija e gjatë rreth 20 metra, u identifikua 21 milje detare në perëndim të ishullit të Halki dje në mbrëmje. Shkaqet e incidentit ende janë të paqarta por mendohet se gjithçka është shkaktuar nga era e fortë

Për 12 orë resht, në operacionin e Kërkim Shpëtimit morën pjesë anijet e Rojes Bregdetare greke dhe ato të Marinës, si dhe dy helikopterë ushtarakë

Sipas transmetuesit shtetëror ERT TV, operacioni po vazhdon në kërkim të të mbyturve të mundshëm.

Turqia shfrytëzoi rastin për të sfiduar sovranitetin e Greqisë në zonë dhe dërgoi rojet e saj bregdetare.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46