Nuk fitoi asnjë ndeshje me Egjiptin në Botërorin e Rusisë, me një yll në skuadër si Mohamed Salah dhe largimi i trajnerit ishte mëse i pritshëm.
Por edhe pse karriera në rënie, Hector Cuper është trajneri i ri i ekipit kombëtar të Uzbekistanit. Ish-trajneri i Interit do të prezantohet më 6 gusht në detyrën e re.
Argjentinasi ka nënshkruar kontratë deri në vitin 2022 me Uzbekistanin. Kjo gjë u njoftua nga Federata Uzbekistanase e Futbollit.
Por kombëtarja e Egjiptit e ka gjetur menjëherë trajnerin e ri. Javier Aguirre do të jetë pasuesi i argjentinasit Hector Cúper në stolin e ekipit afrikan.
Trajneri meksikan ka nënshkruar një kontratë katërvjeçare me “faraonët”. Në këtë mënyrë, ai do të jetë trajneri i tyre deri në vitin 2022, përgjegjës për drejtimin e fushatës eliminatore drejt Botërorit të Katarit, që do të mbahet në nëntor.
“El Vasco” ka ka triumfuar ndaj kandidaturave të tjera, Sanchez Flores, Vahid Halilhodžić dhe Jorge Luis Pinto në garën për të qenë trajneri i ri egjiptian. Sfida e parë e tij me skuadrën kombëtare egjiptiane është kualifikimi për Kupën e Kombeve të Afrikës, që do të mbahet në Kamerun, në qershor 2019.
Komente
