POP 5

Lajmet më të lexuara të 5 minutave të fundit

Sociale

'Rolandi ishte punëtor, kishte vinçin e tij, Elidioni e ndihmonte!' Babë e bir përcillen në banesën e fundit vdiqën nga shpërthimi në Lushnje

 Babë e bir, Roland dhe Elidion Hoxha, të cilët humbën jetën tragjikisht në punë u pëcollën sot në banesën e fundit. Për ngushëllime në familje Hoxha shkoi dhe ministri i Brendshëm Balla. 

Lushnje- Mes dhimbjes, familjarët përcollën në banesën e fundit, Roland dhe Elidion Hoxhën, babë e bir që humbën në punë. Elidioni, 23-vjeç ishte kthyer nga emigrimi dhe po ndihmonte të atin kur ndodhi shperthimi fatal.

 Me pikëllim, fqinjët e familjes Hoxha, në fshatin Stan-Karbunare të Lushnjes, tregojnë se 51-vjeçari Roland Hoxha kishte makinen me vinç dhe punonte prej disa vitesh si manovrator, ndërsa njihej si njeri human.

“Na erdhi keq shumë, Rolandi kishte vinçin e tij, punonte prej vitesh. E njohim për njeri punëtor dhe burrë të mirë. I biri, Elidioni e ndihmonte”.

Për ngushëllime në familjen Hoxha shkoi ministri i Brendshëm, Taulant Balla shoqëruar nga kryetarja e bashkisësë Lushnjes, Eriselda Sefa. 

Incidenti i djeshëm, gjatë punës për ndërtimin e një magazine, i mori jeten babë e bir dhe la të plagosur 7 të tjerë, mes tyre deputeti socialist Bujar Çela, jashtë rrezikut për jetën. Në spitalin e Traumës po merr mjekim dhe 41-vjeçar Sokol Lumi. Të plagosurit janë jashtë rrezikut për jetën. Nga Lushnja drejt Tiranës u transportua sot i plagosuri i tretë Saimir Koreshi me dëmtime në gjymtyrë. Ndërsa në spitalin e  Lushnjes aktualisht po trajtohen Ervis Sharka dhe Ilia Sota, në gjendje të stabilizuar. Të plagosurit Eriget Gorovelli dhe Lunedi Golemi dolen sot nga spitali.

Bilanci
Dy të vdekur  
1-Roland Hoxha, 51 vjeç
2-Elidion Hoxha, 23 vjeç
TË PLAGOSUR
1-Sajmir Korreshi biznesmen - Në spitalin e Traumës
2-Sokol Lumi punëtor - Në spitalin e Traumës
3-Bujar Çela, deputet  - Në spitalin e Traumës
4-Ervis Sharka, punëtor-  Në spitalin e Lushnjes
5- Ilia Sota, punëtor - Në spitalin e Lushnjes
6- Eriget Gorovelli - La spitalin e Lushnjes
7- Lunedi Golemi - La spitalin e Lushnjes


Lajmi kryesor:

Shpërthimi në Lushnjë me 2 të vdekur e 7 të plagosur, dyshohet se bombola me oksigjen ra nga vinçi! Hetohet leja e magazinës nën tensionin e lartë dhe shkelja e sigurisë në punë
S.G/Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34