POP 5

Lajmet më të lexuara të 5 minutave të fundit

Sport

Roma në krye të Serisë A, Milani kalon edhe Lazion, Reali bën goleadë në 'Bernabeun' e ri

Roma mposht 2-1 Sasuolon dhe ngjitet në krye të Serisë A me 9 pikë. Edhe Milani nuk gaboi duke mposhtur 2-0 Lacion dhe merr fitoren e tretë radhazi. Ndërsa Real Madrid bëri goleadë ndaj Selta Vigo dhe kryeson në Spanjë.

Roma vijon serinë e fitoreve në kampionat dhe me pikë të plota kryeson Serinë A së bashku me Milanin e Napolin. Në javën e tretë verdhekuqtë mundën 2-1 Sassuolon në “Olimpico” dhe kapin kuotën e 9 pikëve. Cristante kaloi Romën në avantazh por Djuricic barazoi për Sassuolon në minutën e 57-të. Në kohën shtesë shënoi El Shaaraëy dhe vendosi sfidën. Ndeshje që pati edhe shumë raste të tjera ndërsa Jose Mourinho i festoi më së miri 1000 pankinat.

Me nga një gol për çdo pjesë Milani mundi 2-0 Lazion dhe vijon me pikë të plota. Leao shënoi në fundin e pjesës së parë ndërsa 7 minuta pasi hyri në fushë Ibrahimovic shënoi golin e dytë. Kessie humbi një penallti. Milani vijon momentin e mirë dhe tashmë pret debutimin në Champions ndaj Liverpool.

Në Spanjë Real Madrid inauguron shtëpinë e re me një “manita”. Los blancos mposhtën 5-2 në Bernabeun e ri Celta Vigon dhe me 10 pikë pas katër javëve të para mbajnë vendin e parë në renditje. Shkëlqeu kapiteni Karim Benzema me tre gola të shënuar ndërsa të mërkurën Realin e pret sfida në Champions me Interin. Fitoi edhe Atletico Madrid.

Liverpool po ashtu bëri detyrën dhe fitoi 3-0 në transfertë ndaj Leeds United duke iu bashkuar skuadrave të kreut me 10 pikë në 4 ndeshje. Rrjetën e tundën Salah, Fabinho e Mane por lajmi i keq ishte dëmtimi horror i Harvey Elliot./Përgatiti Andi Kapxhiu

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit

Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit

23 Dhjetor, 08:46