Gazmend Hakcani tha për Report Tv se gjitha kjo është lojë e Federatës Botërore për të favorizuar sportisten amerikane, e cila u rendit e treta në garën për titullin kampion bote. Ai sqaron se është e pamundur që një sportist të pezullohet dy herë për të njëjtën substancë.
"Romela Begaj është e pastër. E gjitha është skandal i Federatës Botërore të Peshëngritjes. Kjo bëhet qëllimisht nga Federata botërore për të favorizuar peshëngritësen amerikane. E pamundur të pezullohesh 2 herë për të njëjtën substancë".
Sipas tij, peshëngritësja shqiptare është e pastër nga çdo substancë e ndaluar. "Analizat në gjak të Begajt janë të pastra", tha Hakcani. Ky është pezullimi i dytë i Romela Begajt për doping. Edhe tre vite më parë ajo rezultoi pozitive në testet antidoping dhe u pezullua nga akvitietet sportive.
Redaksia Online
l.q/Shqiptarja.com