POP 5

Lajmet më të lexuara të 5 minutave të fundit

Kronikë

Romët, Gjermeni: Diskriminohen në
përfitimin e banesave sociale me qira

Ministria e Zhvillimit Urban dhe Turizmit po harton një plan strategjik për strehimin dhe legalizimin e banesave të anëtarëve të komunitetit rom. Shefja e këtij dikasteri, Eglantina Gjermeni solli në vëmendje faktin se komuniteti rom është kategoria më e diskriminuar në përfitimin e banesave sociale me qira. VIDEO
TIRANE- Ministria e Zhvillimit Urban dhe Turizmit po harton një plan strategjik për strehimin dhe legalizimin e banesave të anëtarëve të komunitetit rom. Shefja e këtij dikasteri, Eglantina Gjermeni solli në vëmendje faktin se komuniteti rom është kategoria më e diskriminuar në përfitimin e banesave sociale me qira. Sipas Gjermenit, jo vetëm që ndiqet një politikë diskriminuese ndaj tyre por shpeshherë ushtrohet dhe dhunë nga vetë zyrtarët.

Më shumë se 100 përfaqësues të autoriteteve vendore dhe OJQ-ve nga rajoni u njohën me praktikat e mira të legalizimit të banesave, përmirësimin e vendbanimeve dhe strehimin social për romët, si dhe me rekomandimet për zbatim që përmbante raporti.  

“Romët dhe egjiptianët, si të gjithë qytetarët, kanë të drejtën e mundësisë për strehim social dhe të drejtën për të gëzuar kushte jetese dinjitoze,” tha thënë  ambasadori, Florian Raunig, kryetar i Prezencës së OSBE-së në Shqipëri.

“Përmirësimi i kushteve të jetesës për romët nuk duhet parë thjesht si një barrë financiare për Buxhetin e Shtetit, por si një investim vendimtar për vendin dhe për mirëqenien e qytetarëve të tij”, ka vijuar ai.

“Raporti Rajonal mund të nxisë si autoritetet vendore, ashtu edhe përfaqësuesit romë për të përmbushur detyrimet e tyre për t’u siguruar kushte të përshtatshme strehimi komuniteteve rome në gjithë rajonin”, u shpreh Judith Kiers, menaxhere Projekti për PMRI-në.

“Ofrimi i praktikave që kanë rezultuar efikase është edhe një mjet thelbësor pune. Pikërisht në shkëmbimin e praktikave të mira konsiston edhe projekti ynë”, ka shtuar ajo.
 
Përveç shembujve të parimeve specifike të mësimeve të nxjerra për përmirësimin e kushteve të strehimit për romët në rajon, raporti përmban edhe një analizë të kuadrit ligjor ndërkombëtar dhe atij vendas që ka për synim të sigurojë strehim të përshtatshëm për të gjithë.  
 
“Kuptohet që nuk ekziston një zgjidhje standarde”, ‘një masë që i vjen për shtat kujtdo’ për të adresuar sfidat e strehimit me të cilat përballen komunitetet rome në gjithë Ballkanin Perëndimor”, tha Paul Rabé, një nga autorët e raportit.

 “Ky raport identifikon ndërhyrjet teknike dhe ato në nivele të ndryshme politikash, por vullneti politik nga ana e autoriteteve në nivelin qendror dhe lokal të qeverisë është vendimtar për përmirësimin e kushteve të strehimit për romët” ka vijuar ai. 

Në vendin tonë janë rreth 15 mijë banorë të kësaj shtrese në 108 vendbanime, kryesisht në zonat rurale të vendit. Ata strehohen në lagjet më të varfra të qytetit jetojnë në sipërfaqe të vogla rreth 2 m katrorë për frymë, pa kushte minimale jetese.
 
Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aboneja falas për pensionistët dhe studentët, Veliaj: Tirana si familje, që kujdeset nga më të vegjlit deri te gjyshet dhe gjyshërit

Aboneja falas për pensionistët dhe studentët, Veliaj: Tirana si familje, që kujdeset nga më të vegjlit deri te gjyshet dhe gjyshërit

11 Janar, 13:52