Atletiko “bie” në kalanë e vet, në “Vicente Calderon”, aty ku Kristiano Ronaldo shënon tre gola, një në pjesën e parë dhe dy në të dytën. Portugezi shënoi në minutat 23’, 71’ dhe 77’, për të regjistruar një paraqitje të paharruar ndaj një rivali historik siç është Atletico Madridi.
Me këtë fitore, Reali kryeson i vetëm La Liga-n me 30 pikë, 4 më shumë se Barcelona.
Katalanasit barazuan 0:0 në fushën e tyre ndaj Malaga-s.
Një Barcelonë pa Lionel Messin, është një ekip pa busull në fushën e lojës, të cilët me këtë barazim venë në diskutim ecurinë e tyre në kampionat.