Lajmin e ka bërë të ditur vetë trajneri portugez në prezantimin e listës me lojtarët që ka grumbulluar për ndeshjet eliminatore. Duke mos dashur që të rrezikojnë më shumë të dy palët kanë vendosur që Ronaldo të mos aktivizohet. Trajneri Bento ka vlerësuar maksimalisht ndeshjen me Shqipërinë, duke e cilësuar si një kundërshtar të rrezikshëm, por që duhet mundur për të nisur me këmbën e mbarë edicionin e eliminatoreve. “Ne presim një ndeshje të vështirë përballë Shqipërisë.
Kundërshtari ka një ekip të fortë, teksa një gjë të tillë e tregoi edhe një eliminatoret e Botërorit përballë Zvicrës duke e vendosur shumë në vështirësi. Por nuk duhet të harrojmë edhe problemet që na krijoi Shqipëria në eliminatoret e vitit 2010, megjithatë ne duhet që të fitojmë përballë tyre, pasi ky është qëllimi ynë. Përsa i përket Ronaldos, nuk e kam grumbulluar, pasi vazhdon që të vuajë nga një problem në gju dhe nuk duam që të rrezikojmë. Kam folur me të dhe vendosëm që ai të mos jetë për ndeshjet eliminatore” deklaroi ai.
d.b/shqiptarja.com