POP 5

Lajmet më të lexuara të 5 minutave të fundit

Ronaldo nuk paraqitet te M.United as ditën e dytë të stërvitjes! Nga Spanja: Agjenti i ofron futbollistin Barcelonës

Ronaldo për të dytën ditë më rradhë ka munguar në stërvitje me Manchester United, ndërsa nga Spanja raportojnë se fituesi i 5 herë topit të artë mund të përfundojë te Barcelona këtë verë.

Dita-ditës e gjithmonë më shumë duket se ‘martesa’ e dytë mes Ronaldos dhe Manchester United do mbyllet brenda një sezoni. Ylli portugez nuk është paraqitur as të martën në stërvitje, me klubin që zyrtarisht njofton arsye familjare, por dihet tashmë se fituesi i 5 herë ‘Topit të Artë’ kërkon të largohet për shkak se niveli i skuadrës nuk e bind për të luftuar për gjëra të mëdha.

Madje sipas gazetës ‘AS’ agjenti Jorge Mendes ia ka ofruar futbollistin 37-vjeçar Barcelonës në darkën që pati me presidentin Joan Laporta. Ky i fundit tentoi edhe verën e shkuar për Ronaldon, por atëherë kushtet ekonomike ishin shumë të ndërlikuara. Përveç Barcelonës destinacioni tjetër më i mundshëm për Ronaldon është Chelsea, pasi presidenti i ri Todd Boehly e admiron ‘yllin’ portugez.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon votimin e detyrueshëm, jeni dakord?

Lajme të tjera



×

Lajmi i fundit

G7 rikonfirmon mbështetjen financiare dhe ushtarake për Ukrainën

G7 rikonfirmon mbështetjen financiare dhe ushtarake për Ukrainën

19 Prill, 07:46