Roshi: Banorët e prekur nga tërmeti, paguajnë taksa për pronën që iu shkatërrua! TVSH-ja për ushqimet, 4-fish më e lartë se vendet e rajonit

Deputeti Artur Roshi ka shtruar disa problematika të tjera të ekonomisë ku sipas tij, shumë persona që iu dëmtua shtëpia nga tërmeti i 26 nëntorit 2019, dhe jetojnë në çadra, paguajnë ende taksa për pronën e tyre të shkatërruar.

Një tjetër problematikë sipas Roshit, është TVSH-ja për ushqimet për të cilën thotë se është katërfish më e lartë se vendet e rajonit, madje dhe më e lartë se në Itali.

"Ndërsa qytetarët me banesa të dëmtuara nga tërmetet, jetojnë në çadra, paguajnë ujë e drita dhe taksën e pronës, për një pronë që u shkatërrua nga tërmeti. Është një arbitraritet që dinë ta bëjnë vetëm të majtët.TVSH për ushqimet është katërfish mës e lartë. Jo vetëm e lartë në rajon, por edhe më e lartë se në Itali. Ndaj dhe qytetarët që jetojnë pranë kufijve shkojnë në shtetet e tjera për të bërë pazarin" - tha Roshi.

Lajmi kryesor:

Kuvendi/ Denaj: Një vit i vështirë, ndihmuam bizneset e vogla! Aeroporti i Rinasit, Balluku: Situata në aviacion prej COVID e vështirë, duhet respektuar angazhimi i koncesionarit të ri

E.M./Shqiptarja.com

TAG:
• Kuvendi i Shqiperise
• Parlamenti
• anila denaj
• artur roshi