Rovena Dilo 'gjen ngushëllim' pas
ndarjes në krahët e balerinit të DWTS

Rreth dy muaj më parë, Rovena Dilo mbushi faqet e shtypit rozë me lajmin e ndarjes nga ish-bashkëshorti, Florian Riza. Ky i fundit bëri një shkresë në të cilën kërkonte divorcin nga këngëtarja pas një martese 6-vjeçare me arsyetimin se me kalimin e kohës martesa kishte mbetur vetëm formale.

Aktualisht këngëtarja ka si impenjim kryesor të sajin garën në spektaklin "Dancing With The Stars", ku veçse ka ardhur në formë shumë të mirë fizike dhe ka rrëzuar plot 6 kg, ka gjetur edhe ngushëllim shpirtëror në krahët e partnerit të kërcimit, Eltion Merja.

Lajmi është publikuar mëngjesin e së shtunës në suplementet rozë, megjithatë ende nuk dihet vërtetësia e tij. Asnjë prej të dyve nuk ka komentuar, ndërsa e vetmja 'provë' që kemi është një foto e publikuar në Instagram, ku dyshja i uron Krishtlindjen të gjithë atyre që i ndjekin.

Redaksia Online
(m.p/shqiptarja.com)