POP 5

Lajmet më të lexuara të 5 minutave të fundit

Kronikë

Rrahën me shqelma dhe grushta 19 vjeçarin, por ai heshti! Policia kap 5 adoleshentët në Fier pas publikimit të videos më rrjete sociale

Një sherr mes të rinjve ku i dhunuar ka mbetur një 19 vjeçar nga 5 adoleshentë për motive të dobëta ka ndodhur në Fier

Rrahën me shqelma dhe grushta 19 vjeçarin, por ai heshti! Policia kap 5 adoleshentët në Fier pas publikimit të videos më rrjete sociale

Foto ilustruese

Një 19 vjeçar në Fier është dhunuar nga 5 adoleshentë për motive të dobëta.

Konflikti ka nisur mes 19 vjeçarit me iniciale E. H dhe të miturit M. G., 16 vjeç, i cili është dhe një nga pesonat që e ka dhunuar. Më pas në ndihmë të 16 vjeçarit kanë ardhur dhe miqtë e tij të cilët gjithashtu e kanë dhunuar 17 vjeçarin. Adoleshentët e kanë dhunuar pa mëshirë bashkëmoshatarin e tyre. Ata nuk janë përmbajtur teksa e kanë goditur adoleshentin me mjete të forta, shqelma dhe grushta. 

Ky i fundit nuk e ka denoncuar dhunën në polici dhe as nuk ka marrë ndihmë mjekësore në spital, por ngjarja është marrë vesh përmes një videoje të publikuar në rrjete sociale.

"Policia e Fierit identifikoi dhe shoqëroi në Komisariatin e Policisë Fier 5 adoleshentët që shfaqeshin në një video të publikuar në rrjetet sociale duke dhunuar një 19-vjeçar.

Shërbimet e Komisariatit të Policisë Fier, më datë 07 tetor 2020, kanë marrë djeni në rrugë operative se shtetasin E. H., 19 vjeç, disa muaj më parë e kishin dhunuar disa adoleshentë.

Shërbimet e Policisë menjëherë kanë shoqëruar 19-vjeçarin dhe pas informacionit të marrë prej tij kanë bërë identifikimin dhe shoqërimin e 5 personave të përfshirë në dhunimin fizik të 19-vjeçarit.

Veprimet hetimore u kryen nën drejtimin e Prokurorisë  dhe në prezencë edhe të përfaqësuesëve nga NJMF-ja, Bashkia Fier.

Nga veprimet e para hetimore rezultoi se ngjarja ka ndodhur në datën 14.04.2020 por shtetasi i dhunuar asnjëherë s'ka bërë denoncim në Policinë e Fierit.

Pas hetimeve të kryera, rezultoi se shtetasi E. H., 19 vjeç,(personi i dhunuar në video), në datën 14.04.2020 është konfliktuar për motive të dobëta me shtetasin e mitur M. G., 16 vjeç, cili është dhe një nga pesonat që e ka dhunuar në videon e publikuar.

Pas konfliktit me shtetasin E. H., në ndihmë të shtetasit të mitur M. G., kanë shkuar shokët e tij, shtetasit e mitur: F. M., 14 vjeç, Rr. Sh., 17 vjeç, A. B., 17 vjeç dhe F. L., 17 vjeç, banues në lagjen Sheq i Madh, Fier.

19-vjeçari, pas dhunimit në fjalë, nuk ka marë mjekim as në Spitalin Civil Fier dhe as në Qendrat Shëndetësore apo klinika private.

Materialet i kaluan Prokurorisë pranë Gjykatës së Shkallës së Parë Fier për veprime të mëtejshme", njoftimi i policisë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nija: 10/10/2020 19:39

    Shteti duhet ti qendroje ligjit ose vendimit qe ka marr per te detyruar njerezit te mbajne maska, e shpall dhe pastaj fillon dhe fal gjobat.

    Përgjigju
  • Tatjana: 09/10/2020 18:16

    Shteti duhet te jete serioz dhe i vendosur, sepse ne te ardhmen zhvjeresohen veprimet e tij, dhe njerezit nuk edukohen me fuqine e ligjit.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03