POP 5

Lajmet më të lexuara të 5 minutave të fundit

Kronikë

Rrëfimet tronditëse në 'Pa Gjurmë', fqinja rrëmben fëmijën për 30 mijë lekë! Një 9-vjeçar u zhduk nga një kompani 'fantazmë'

Në emisionin "Pa Gjurmë" të moderatores, Odeta Dume ishin në fokus historitë e dy fëmijëve të rrëmbyer brenda Shqipërisë. Majlinda Demo pohon përpara Gjykatës së Durrësit se një miku i saj nga Fieri me emrin Flamur Dino e kishte porositur ti siguronte një djalë 3-4 vjeçar që do ta shiste më pas në Greqi.

Këtë pasdite në emisionin "Pa Gjurmë" të moderatores, Odeta Dume ishin në fokus historitë e dy fëmijëve të rrëmbyer brenda Shqipërisë.

Jonuz Luga, vogëlushi 4-vjeçar nga Durrësi u rrëmbye në oborrin e shtëpisë se gjyshes se tij. Fëmija teksa po luante pranë një makine të vjetër, i humbet nënës nga sytë. Pas një hetimi në prokurorinë e Durrësit u zbuluan emrat e rrëmbyesve të Jonuz Lugës.

Vogëlushi ishte rrëmbyer nga fqinja e gjyshes, Majlinda Demo, ku kjo e  fundit ia kishte dorëzuar djalin porositësit, Flamur Dino, dhe kishte marrë në këmbim  300 mijë lekët të vjetra. U mësua se 4-vjeçari qëndroi disa ditë në Fier dhe më pas u shit në shtetin grek.

"Majlinda Demo, e cila e njihte mirë familjen, pasi ishte fqinje në shtëpinë e prindërve të nuses, e rrëmbeu djalin dhe ia shiti Flamur Dinos, nga Drizi i Fierit, për 300 mijë lekë. Këto dy emra janë autorët e këtij rrëmbimi. Disa të afërm të Flamurit e kanë mbajtur djalin në shtëpi.

Majlinda kreu dënimin  dhe është liruar nga burgu, tani ajo jeton këtu në Tiranë. Majlinda e ka pranuar para gjyqit se e ka rrëmbyer vogëlushin dhe se ia ka shitur Flamurit.

Në gjykatë thuhet se Flamur Dino ka thënë që donte një djalë të moshës 3-4 vjeçare.

Flamuri u dënua por nuk ka dhënë asnjë shpjegim në lidhje me djaloshin. Në vitin 1997 ka dalë nga burgu dhe jeton jashtë kufirit shqiptar"- u shprehe Hajrie Jonuzi, gjyshja e Jonuzit

Dy personat, pasi e pohuan gjithë skenarin e rrëmbimit dhe të shitjes se fëmijës jashtë Shqipërisë, u dënuan me burg.

Sot, u mësua në emision se Majlinda Demo e ka kryer dënimin dhe jeton në Tiranë, ndërsa shitësi i dytë pasi kreu vetëm 2 vite u arratisë nga burgu në vitin 1997 dhe nuk dihet asgjë për vendndodhjen e tij.

Ndërsa, për 9 vjeçarin nga Elbasani, Artur Carja, i cili u rrëmbye në markatën e vjetër të qytetit u zbulua së një shoqatë e huaj "Fantazmë" mund të ketë gisht në zhdukjen e tij. Një shtetas gjerman ka shkuar në familjen Carja dhe ka kërkuar para në këmbim të djalit.

" Mua me erdhi në shtëpi një shqiptar dhe një gjerman. Të dy ishin pjesë e një shoqate humanitare në Elbasan. Ata më thanë, në te japim djalin në këmbim të diçkaje. Sot kjo shoqatë nuk është më në qyteti tim"- rrëfeu Sofije Carja, nëna e Arturit

Në ditët në vijim " Pa Gjurmë" do të sjelli dëshmi reale për fatin e dy vogëlushëve të zhdukur.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

24 Nëntor, 08:37