POP 5

Lajmet më të lexuara të 5 minutave të fundit

Kronikë

Rrëfimi i babait: Si e vrava
djalin tim dhe nusen italiane

Gjykata e Elbasanit dha sot masën e arrestit përEngjo Ucaj. Shqiptarja.com zbardh dëshminë e 67-vjeçarit për momentin e vrasjes, dhunën fizike që sipas të moshuarit djali i tyre ushtronte vazhdimisht, sidomos kur në shtëpi vinte 24-vjeçarja italiane. I arrestuari bën me faj policinë: Natën e krimit duhej ta mbante në burg dhe jo ta lironte. (Foto Engjo Ucaj në gjykatë)
Vrasja u paralajmerua, policia shmangu kontrollin për armëVIDEO
Krimi me 30 janar ne Elbasan
Rrefimi i tezes se italianes
FOTO VIDEO
ELBASAN- “Nëse nuk do ta kisha ndalur do i vriste të gjithë. Do vriste 2 policët që po vinin në banesë, mua gruan time dhe bashkëjetuesen italiane”. Kjo është dëshmia e 67-vjeçarit Engjo Ucaj i cili më 30 janar vrau djalin e tij, Sokolin 27 vjeç dhe nusen italiane Giulia Baltassarre, 24 vjeçe  Ai ka kërkuar mëshirë trupit gjykues pasi prej dy vitesh ai së bashku me bashkëshorten ishin rrahur barbarisht nga djali i tyre. “Mos më shikoni si kriminel. Nuk kam qenë asnjëherë në burg dhe nuk kam kryer asnjëherë ndonjë vrasje”, i ka thënë 67-vjeçari gjyqtarit.

Dëshmia u dha sot paradite në Gjykatën e Elbasanit ku u dha masa e arrestit burg për 67-vjeçarin. Ai akuzohet për vrasje në rrethana cilësuese të dy personave.

UCAJ: POLICIA FAJTORE, DUHEJ TA MBANTE DJALIN NE BURG
 I moshuari bën me faj policinë pasi ajo duhej ta kishte mbajtur në burg dhe jo ta lironte 27 vjeçarin, 3 orë para krimit kur babë e birë përfunduan në komisariatin e policisë për të sqaruar konfliktin mes tyre të nisur prej disa ditësh. “Policia duhej ta mbante në arrest atë ditë (flet për pasditen e 30 janarit) dhe jo ta lironte”, tha Engjo Ucaj prapa hekurave në sallën e gjyqit. Ai kujton se herën e dytë kur bashkëshortja e tij kishte njoftuar në polici për rifillimin e sherrit, në apartamentin e tyre në katin e katërt të lagjes “Sul Papri” të Elbasanit, kishin ardhur dy policë vetëm me 2 radio.

engjo ucaj
(foto: Engjo Ucaj ne gjykate)

MOMENTI I KRIMIT
“Atë pasdite, (30 janar) pasi dolëm nga komisariati, djali vazhdoi të na rrihte. Na mori telefonat celularë dhe na i theu që ne të mos lajmëronim policinë dhe një herë tjetër. Në këtë moment gruaja doli tek shkallët e pallatit për t’i kërkuar ndihmë komshinjve.
Mua më rrihte, më tërhoqi zvarrë nëpër korridor dhe dhomë deri ke parvazi i katit të katërt për të më hedhur poshtë. Zoti më dha fuqi dhe munda të shpëtoj. Më goditi me shkelma dhe pastaj u largua në dhomën e italianes. Unë isha shtrirë për tokë kur mori të më godasë sërish dhe unë mora armën.

 “E maskara e paske marrë”- mësohet t’i ketë thënë djali i tij, sipas dëshmisë së 67 vjeçarit i cili shton se “Nuk mbaj mend më, vetëm kam shtirë me automatik në drejtim të djalit dhe më pas kam vajtur tek dhoma e italianes dhe kam shtirë në drejtim të saj “- kujton momentin i arrestuari duke shtuar se "Nëse nuk do ta kisha ndalur do i vriste të gjithë.Do vriste 2 policët që po vinin në banesë, mua gruan time dhe bashkëjetuesen italiane”.

Engjo Ucaj me logo
(Në foto Engjo Ucaj në Gjykatë)

SI E GJETA AUTOMATIKUN
Engjo Ucaj kujton se armën e kishte sjellë djali i tij pak ditë para krimit dhe ai e kishte gjetur rastësisht të fshehur në rrobat e palosura në divan. “Përpara pak ditësh po kontrolloj rrobat në divan dhe dora më përkiti dicka të fortë. Pashë që ishte automatik kallashnikov që djali e kishte sjellë. Ia hoqa fishekët nga foleja që ai të mos na qëllonte, dhe i vendosa në karikator që nëse ai do tentonte të na qëllonte, plumbi të mos dilte dhe ne të fitonim kohë që të iknim.

UCAJ: DJALI BEHEJ AGRESIV SA HERE QE ITALIANIA VINTE NE SHTEPI
65 vjeçari rrëfeu se prej dy vitesh ai së bashku me bashkëshorten ishin rrahur barbarisht nga djali i tyre, madje në dy raste bashkëshorten e tij të sëmurë, (të ëmën e Sokolit) e kishte rrahur për vdekje.  Plaku bën me faj 24 vjeçaren italiane për dhunën e cila sipas tij shtohej edhe më shumë sa herë që ajo vinte të jetonte në shtëpinë e tyre. I ati tha djali ka qenë në Itali i dënuar me 6 vite burg pasi merrej me drogë dhe grabitje. ”Sa herë që vinte italiania bëhej agresiv. Në Itali ishte dënuar me 6 vite dhe ne nuk dinim gjë. Nusja i prishte lekët djalit tim. Atë italianen e mbante për të bërë letrat pasi kishte në Itali një ekspuls 10-vjeçar, mendohet të ketë kryer grabitje me këtë vajzën", tregoi Engjo Ucaj.

Arkivoli i 24-vjeçares është dërguar në Itali dhe sot pasdite do t'i jepet lamtumira nga familjarët e saj në Montelupone.   

MASA E ARRESTIT
Trupa gjykuese e kryesuar nga Danjela Shirka pranoi kërkesën e bërë nga prokurori i cështjes Alfred Shehu për arrest me burg“ për vrasje në rrethana të rënda cilësuese të dy personave.  I shoqëruar nga uniformat blu, 67 vjeçari është dërguar në ambjentet e paraburgimit në periferi të qytetit deri në përfunim të hetimeve.

(sg/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Në hetim për ndërtimin e një trotuari, SPAK kërkon pushimin e çështjes për Pjerin Ndreun

Në hetim për ndërtimin e një trotuari, SPAK kërkon pushimin e çështjes për Pjerin Ndreun

9 Janar, 19:25 nga Keti Banushi