POP 5

Lajmet më të lexuara të 5 minutave të fundit

Kultura

Rrëfimi i Greg Ramës për ekspozitën “Ex Nihilo”, sprovat jetësore dhe dy prindërit artistë (VIDEO-FOTO)

Greg Rama çel ekspozitën “Ex Nihilo” në galerinë e Fakultetit të Arteve të Bukura. Në qendër të ekspozitës është një instalacion që përshkohet nga spektatorët përmes dritës imagjinare. Gregu rrëfen për “ReportTV” detajet e ekspozitës edhe marrëdhënien me dy prindërit artist, Edi Rama dhe Matilda Makoçi

Ndërsa turbulencat politike, tentojnë të bëhen kryefjalë e një populli të heshtur, në galerinë e Fakultetit të Arteve të Bukura, një ekspozitë jo e zakontë, të fton në një rrugëtim jashtë materiales. Një fije bari dhe bulëz uji, me bashkëveprim, e mandej fizikisht të shkëputura, janë elementët që Greg Rama zgjedh për të rrëfyer rëndësinë e  përditshmërisë, detajeve të thjeshta që shpesh, qëllimisht ose jo, zhvlerësohen.

 “Kjo ekspozitë ka lindur nga asgjëja. Ideja ishte për t’i dhënë kuptim diçkaje që në dukje është shumë e vogël dhe e parëndësishme, por pas një reflektimi kupton se të gjitha gjërat e vogla në dukje, gëzojnë një rëndësi të veçantë për ne, për vetëdijen tonë edhe për mënyrën se si ne e shikojmë botën edhe jetën”, shpjegon artisti Greg Rama.  

Pamje nga ekspozita

Artisti bashkëkohor me “Ex Nihilo” sjell një koncept ndryshe të rutinës, ku personalja nuk përjashtohet, edhe pse protektiv nuk e shpërfaq, për t’i dhënë rëndësinë e duhur përjetimeve të çdokujt.

“Diçka të padukshme në rutinën tonë që e anashkalojmë, (jo për keq), përmes një ndërhyrje artistike kthehet në përmasa mbinormale. Kjo mendoj se na bën që t’i rishikojmë edhe një herë të gjithë gjërat e vogla që ndikojnë tek ne”.

Intervista e plotë në Report TV me gazetaren Valeria Dedaj

Nuk ka kaluar një vit kur Gregu prezantoi ekspozitën “Fidem” (Besimi) në të njëjtën galeri, e megjithatë ai pranon se brenda këtij harku kohor kanë ndryshuar shumë gjera në jetën e tij, edhe mënyra e perceptimit.

“Ne ndryshojmë nga sekondi në sekondë edhe pëse jo përherë e ndiejmë apo e shikojmë këtë ndryshim. Por, brenda një viti kanë ndodhur shumë gjëra që kanë ndikuar tek unë. Thonë se “disa verëra bëhen më të mira me kalimin e viteve”, uroj që të ndodh kjo edhe me punët e mia. Nëse nuk ndodh do të pajtohem me të”, thotë artisti.

Gregu nuk lë pa rrëfyer as ndikimin e dy prindërve artistë, Edi Ramës (piktor dhe kryeministër) dhe Matilda Makoçit (aktore), në zgjedhjen e tij, për të qenë pjesë e artit figurativ.

“Të kesh dy prindër artistë është dhe nuk është shumë e vështirë. Por, unë mendoj se jam me fat për të dy, pasi kanë ndikuar që të merrem me këtë punë. Që i vogël ime më donte që të merresha me art, edhe pse unë s’mendoja kështu. Por ja ku jemi edhe mesa duket ka dalë instinkti i nënës”, rrëfen Gregu.

Ekspozita “Ex Nihilo” çelet në datë 4 mars, ora 19.00 edhe do të qëndrojë hapur në galerinë e Fakultetit të Arteve të Bukura deri në datë 15 mars.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ops: 04/03/2020 17:25

    Se kuptoj kush eshte arti ketu ? Nje djale qe ska punuar asnje dite hap ekzpozite vetem ne albanistan ndodh

    Përgjigju
    • Loni: 05/03/2020 04:24

      Mos u lodh te menosh kaq shume. Po pse duhet te punoje tjetri: ka t'ane km o plak. Jo kunati, po djali i shokut Loni o plak!

  • besa: 04/03/2020 16:59

    i madhi e i miri Greg.Suksese

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59