“Vrasim sepse kështu e urdhëron Sheriati”. Kështu thotë në një regjistrim në Skype për të përditshmen italiane Corriere della Sera, Maria Giulia Sergio, italiania e konvertuar në myslimane dhe e martuar me një shqiptar i cili lufton në Siri në radhët e ISIS, duke iu referuar ligjit islamik.
 
“Ne kur i presim kokën dikujt, e bëjmë sepse i bindemi sheriatit”, - thotë xhihadistja italiane.
 
Sipas saj ata që ISIS iu pret kokën janë hajdutë, hipokritë, spiunë të shtetit islamik.
 
Maria Giulia, e quajtur ndryshe me emrin islam Fatima az Zahara thotë se në shtetin islamik gratë nuk janë skllave, por ato nderohen.
 
Ajo thotë për Corriere se shteti islamik është shteti perfekt, në të cilin nuk bëhet asgjë kundër të drejtave të njeriut, gjë që sipas saj e bëjnë ata që nuk i binden rregullave të Allahut.