Rrëfimi tronditës i shqiptarit që vrau gruan në Greqi: Ishte në gjumë dhe e qëllova me thikë në qafë! Familjarët e viktimës i turren me gurë: Ne të ushqyem, ti na vrave vajzën

Detaje të reja tronditëse kanë dalë në pah nga ngjarja e rëndë që ndodhi në Athinë, ku shqiptari Florand Shehu vrau bashkëshorten e tij 30-vjeçare. Sipas raportimeve nga mediat e huaja, Florand Shehu në dëshminë e tij ka thënë se bashkëshortja Anisa ishte në gjumë kur ai e qëlloi në qafë me thikë. Shehu ka thënë se Anisa filloi të bërtiste, por ai i mbylli gojën dhe ka vazhduar përsëri ta godasë në qafë.

“Shkova në kuzhinë, mora një thikë nga sirtari dhe u nisua drejt dhomës. Dera ishte e hapur. Kur hyra në dhomën e saj, ajo ishte duke fjetur me kurriz dhe unë nxitova mbi të dhe hipa sipër saj. E qëllova direkt me thikë në qafë. Mbaj mend që ajo reagoi dhe filloi të bërtiste. Por unë i mbylla gojën, e qëllova sërish me thikë në qafë. Më pas i mbylla gojën me të dyja duart që të mos bërtiste, pasi kuptova që vdiq shkova në tualet lava rrobat dhe i hodha në kosh”, është ky një pjesë e rrëfimit.

Shehu ka dhënë detaje edhe në lidhje me konfliktin që kanë pasur me 11 korrik, ku policia kishte shkuar në apartamentin e tyre pas një denoncimi nga fqinjët, por ata nuk kishin vepruar. Sipas tij, ata kanë debatuar madje debati ka agravuar deri në dhunë fizike.

LEXO EDHE:
Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

“Më 11 korrik patëm një konflikt. Sapo isha kthyer nga puna dhe kur hyra në shtëpi, ajo ishte në dhomën e gjumit të fëmijëve me derën e mbyllur. E pyeta pse po e bënte këtë dhe mu përgjigj ‘Unë do të bëj çfarë të dua’. Këtu nisi një debat dhe ajo nisi të bërtiste. E shtyva, ra në dysheme dhe pasi u ngrit më qëlloi në fytyrë dhe unë bëra të njëjtën gjë”, ka treguar Shehu.

Gjatë momentit kur Florand Sheu ka mbërritur në ambientet e Prokurorisë është sulmuar nga familjarët e viktimës. Siç shihet edhe nga pamjet, Shehu është sulmuar me gurë nga familjarët të cilët janë të tronditur nga vdekja e vajzës së tyre. Ai është shoqëruar për në Prokurori me jelek anti-plumb, ndërsa policia ka ndërhyrë për qetësimin e situatës.

Konflikti mes Anisa dhe Florand Shehut kishte kohë që kishte nisur. 31-vjeçarja kohët e fundit ndihej e frikësuar nga bashkëshorti i saj, pasi ky i fundit herë pas herë bëhej agresiv dhe e dhunonte. Kohët e fundit Anisa natën flinte në dhomën e fëmijëve dhe nga frika mbyllte derën me çelës. Por duket se natën e fundit të jetës bëri dhe gabimin që i kushtoi shumë, pasi nuk kishte mbyllur derën me çelës.

Krimi i rëndë ndodhi pak ditë më parë dhe tronditi Athinën. Ndërkohë në hetim janë dy policë të cilët nuk vepruan si duhet për ngjarjen e ndodhur në 11 Korrik që dhe mund të parandalonte vrasjen pak javë më vonë.

TAG:
• greqi
• Florand Shehu

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1490

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq