Rregullat e reja, përfundon takimi i Kuvendit me përfaqësues të mediave! Pesë propozimet e gazetarëve që pritet të shqyrtohen

 

Janë pesë propozime të gazetarëve që pritet të shqyrtohen nga Kuvendi, në lidhje me vendimin e ri që i ndalon atyre të jenë fizikisht të pranishëm në Komisionet dhe seancat plenare. Në takimin që u zhvillua sot mes sekretarit të Përgjithshëm të Kuvendit, Genci Gjonçaj dhe përfaqësuesve të mediave, këta të fundit kërkuan rishikim të disa prej rregullave që përmban vendimi i ri.

Konkretisht, gazetarët propozuan që:

Gazetari të jetë në mbledhje të komisionit (pa stativ dhe pa kamera)

Gazetarë të jenë pjesë në komision, me modalitetin që me miratim të zyrës së shtypit mund të marrin pamje

Gazetarët që marrin pjesë në komisione të kenë aparatet celularë të tyre

Garda mos të shoqërojë gazetarët në ambientet e Kuvendit

Të lejohen kamerat në korridore

Gjonçaj u shpreh se këto propozime do të shqyrtohen nga kreu i Kuvendit dhe Byroja dhe më pas do t'i kthehet një përgjigje gazetarëve.

Lajmi kryesor:

Rregullat e reja të Kuvendit, gazetarët nuk tërhiqen, kërkojnë të jenë të pranishëm fizikisht në komisione! 5 propozimet që pritet të shqyrtohen

/r.k./Shqiptarja.com

TAG:
• Tirane
• Kuvendi i Shqiperise
• media
• gazetar
• Genci Gjonçaj