Janë pesë propozime të gazetarëve që pritet të shqyrtohen nga Kuvendi, në lidhje me vendimin e ri që i ndalon atyre të jenë fizikisht të pranishëm në Komisionet dhe seancat plenare. Në takimin që u zhvillua sot mes sekretarit të Përgjithshëm të Kuvendit, Genci Gjonçaj dhe përfaqësuesve të mediave, këta të fundit kërkuan rishikim të disa prej rregullave që përmban vendimi i ri.
Konkretisht, gazetarët propozuan që:
- Gazetari të jetë në mbledhje të komisionit (pa stativ dhe pa kamera)
- Gazetarë të jenë pjesë në komision, me modalitetin që me miratim të zyrës së shtypit mund të marrin pamje
- Gazetarët që marrin pjesë në komisione të kenë aparatet celularë të tyre
- Garda mos të shoqërojë gazetarët në ambientet e Kuvendit
- Të lejohen kamerat në korridore
Gjonçaj u shpreh se këto propozime do të shqyrtohen nga kreu i Kuvendit dhe Byroja dhe më pas do t'i kthehet një përgjigje gazetarëve.
Gjatë diskutimeve, Sekretari i Përgjithshëm i Kuvendit theksoi disa herë se synimi i vendimit nuk është censura dhe se nuk do të ketë përzgjedhje pamjesh apo planesh që do t'i transmetohen gazetarëve.
" Ndryshimi ka të bëjë vetëm me krijimin e një dhome pune për gazetarët. Intervistat mund të zhvillohen edhe në ambiente të tjera të përcaktuara nga Kuvendi për intervista. Teknikisht gazetarët dhe publiku nuk pengohet nga informacioni. Kuvendi nuk censuron, nuk përzgjedh asnjë pamje asnjë plan, nuk po instalojmë regji qendrore. Çdo gjë komandohet nga vetë gazetarët dhe janë ata që përzgjedhin se çfarë transmetojnë. Në newsroom e gazetarëve nuk ka dhe nuk do ketë regjisor për përzgjedhjen e planeve. Dhoma e mediave është një mjedis me 13 kompjuter të pajisur me kufje ku gazetarët mund të ndjekin audion, videon në kohë reale të komisioneve. Po ashtu gjendet edhe një panel SDI ku media mund të marrë komisionet në kohë reale", u shpreh ai.
Megjithatë, gazetarët këmbëngulën në nevojën për të qenë fizikisht të pranishëm në Komisione, pasi në të kundërt i censurohet informacioni.
"Nuk e kemi me sistemin audio-video, ne duam të ndjekim komisionin, sistemi audio-video duhej të ishte një opsion. Nuk ka transparencë, pse gazetarët nuk janë në Komision? Nëse unë nuk hy në komision, më ke cenuar të drejtën e informimit dhe unë duhet të njoftoj për deputetin që do marr në intervistë dhe pyetjet që do t'i bëj. Qasja nuk është bashkëpunuese. Unë akoma nuk kam raportin e shkarkimit të Presidentit Meta. Dua që gazetari të jetë në Komision, jashtë më le pa informacion", u shpreh një gazetare e pranishme në takim.
Kuvendi mori vendimin për të dëgjuar në një takim pretendimet e gazetarëve, pasi këta të fundit u ngritën në protestë dy ditë më parë, duke e konsideruar vendimin si tentativë për censurë. Ndërkohë edhe delegacioni i BE reagoi me keqardhje për mungesën e konsultimeve me mediat përpara miratimit të rregullave të reja nga Kuvendi, duke theksuar se këto rregulla nuk janë në përgjigje të udhëzimeve të BE-së.
Sipas disa ndryshimeve në Rregulloren e Kuvendit, të miratuara në Byronë e këtij institucioni, gazetarët do t’i ndjekin aktivitet vetëm nëpërmjet rrjetit të transmetimit në një sallë të posaçme për gazetarët çka pengon kontaktin e afërt me deputetët. Edhe nëse gazetarët do të duan që të marrin një prononcim apo intervistë nga deputetët në mjediset e këtij intitucioni, ata nuk do të lejohen nëse nuk kanë marrë më parë leje. Organizimi i intervistave me deputetët zhvillohet në bazë të kërkesës së partaqitur te zyra në Kuvend. Në vendimin e Byrosë theksohet se do të lejohen vetëm gazetarët e RTSH-së dhe ATSH-së që të lëvizin të lirë në Kryesinë e Kuvendit dhe sallën e parlamentit me status të veçantë.
Janë pesë propozime të gazetarëve që pritet të shqyrtohen nga Kuvendi, në lidhje me vendimin e ri që i ndalon atyre të jenë fizikisht të pranishëm në Komisionet dhe seancat plenare. Në takimin që u zhvillua sot mes sekretarit të Përgjithshëm të Kuvendit, Genci Gjonçaj dhe përfaqësuesve të mediave, këta të fundit kërkuan rishikim të disa prej rregullave që përmban vendimi i ri.
Konkretisht, gazetarët propozuan që:
Gazetari të jetë në mbledhje të komisionit (pa stativ dhe pa kamera)
Gazetarë të jenë pjesë në komision, me modalitetin që me miratim të zyrës së shtypit mund të marrin pamje
Gazetarët që marrin pjesë në komisione të kenë aparatet celularë të tyre
Garda mos të shoqërojë gazetarët në ambientet e Kuvendit
Të lejohen kamerat në korridore
Gjonçaj u shpreh se këto propozime do të shqyrtohen nga kreu i Kuvendit dhe Byroja dhe më pas do t'i kthehet një përgjigje gazetarëve.
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Spiropali uron besimtarët për Krishtlindjet: Jezu Krishti na tregon se dashuria është forca më e madhe njerëzore dhe jo sundimi, pushteti apo pasuria!
24 Dhjetor, 17:48
