Rrëmbimi i tre policëve të Kosovës, Vuçiç: Kurti kërkon luftë, policët u arrestuan 1.8 km larg kufirit

Presidenti i Serbisë, Aleksandar Vuçiç, ka deklaruar se asnjë ushtar dhe asnjë polic nga Serbia nuk ka hyrë përtej kufirit me Kosovën. Ai tha se policia serbe arrestoi tre policë të Kosovës 1.8 kilometra larg kufirit.

“Këta njerëz nuk kanë çfarë të kërkojnë në zonën Tresava-Batnjik pa miratimin e KFOR-it, sidomos me tyta të gjata”, tha Vuçiq në Radio televizionin e Serbisë (RTS).

LEXO EDHE:
Albin Kurti për ‘Financial Times’: SHBA dhe BE po tregohen ‘shumë të buta’ me Serbinë, t'i vendosin ultimatum që të marrë sanksione ndaj Rusisë

 Vuçiç thotë se Kurti kërkon luftë.

“Albin Kurti dëshiron të provokojë luftë, dëshiron konflikt me çdo kusht”, tha Vuçiç.

Vuçiç tha se “jemi në udhëkryq se a do të vazhdojmë të kemi paqe ose jo”.

Ai akuzoi kryeministrin e Kosovës, Albin Kurti, se me do kusht dëshiron të “shkaktojë luftë dhe konflikte”.

“Do të shohim se cilat ishin qëllimet e vërteta të të arrestuarve”, tha ai.

Duke komentuar raportimet e mediave se Qeveria e Kosovës ka ndaluar importin e mallrave nga Serbia, Vuçiq tha se kjo tregon se “ju dëshironi t’i torturoni njerëzit në veri, t’i lini pa ilaçe dhe ushqime elementare”.

Lajmi kryesor:

Rriten tensionet/ Forcat serbe rrëmbejnë 3 policë të Kosovës pranë kufirit në veri! Kurti: Të lirohen menjëherë! Vuçiç: Po provokon luftë

SI.E./Shqiptarja.com

TAG:
• kosove
• serbi
• aleksander vucic
• rrembehen policet ne kosove
• tensione ne veri te kosoves