Me orë rriten tensionet mes Kosovës dhe Serbisë. Policia e Kosovës deklaroi sot në mesditë (14 qershor 2023) se tre pjesëtarë të policisë kufitare të Kosovës u rrëmbyen nga forcat serbe në veri në zonën kufitare me Serbinë. Në një video të publikuar nga Ministria e Brendshme e Serbisë, duken forcat e xhandarmërisë serbe të armatosur dhe me maska që shoqërojnë 3 policët, të cilëve u ishin lidhur duart nga prapa me pranga.
Presidentja e Kosovës, Vjosa Osmani e quajti agresion nga ana e Serbisë. Ndërsa në mbrëmje Kryeministri i Kosovës Albin Kurti kërkoi lirimin e menjëhershëm. të tre policëve të rrëmbyer nga Forcat e Armatosura të Serbisë brenda kufijve të Kosovës.
"Tre policë të Kosovës janë rrëmbyer sot nga Forcat e Armatosura të Serbisë brenda kufijve të Kosovës. Si inkursioni i forcave ashtu edhe rrëmbimi janë akte të hapura agresioni ndërkombëtar. Ne bëjmë thirrje për lirimin e menjëhershëm të oficerëve dhe që komuniteti ndërkombëtar të denoncojë këto akte" shkruajti Kurti në një reagim në Tëitter.
Ndërkohë në një reagim të vetëm disa minutave para kryeministrit të Kosovës, presidenti serb Aleksandër Vuçiç tha se Kurti po provokonte luftë dhe se policët ishin arrestuar, në territorin serb 1.8 km larg kufirit
“Këta njerëz nuk kanë çfarë të kërkojnë në zonën Tresava-Batnjik pa miratimin e KFOR-it, sidomos me tyta të gjata”, tha Vuçiç në Radio televizionin e Serbisë (RTS).
Më tej Vuçiç thotë se Kurti kërkon të provokojë luftë.
“Albin Kurti dëshiron të provokojë luftë, dëshiron konflikt me çdo kusht”, tha Vuçiç.
Ndërhyn BE e KFOR
Në në orët e pasdites Ministri i Punëve të Brendshme në Kosovë, Xhelal Sveçla, vizitoi vendin në Leposaviç ku policët - Rifat Zeka, Beqir Sefi dhe Mustafa Shemi - u rrëmbyen. Nga aty deklaroi se nuk dihet se ku policët po mbahen dhe se ishin nën arrestin e institucioneve serbe.
Po në mbrëmje zëdhënësi i Bashkimit Evropian, Peter Stano deklaroi se ishin në kontakt me Kosovën, Serbinë e KFOR-in për të kuptuar më shumë rreth asaj çfarë kishte ndodhur dhe bëri thirrje për përmbajtje nga çdo veprim apo reagim që mund të kontribuojë më tej në ngritjen e tensioneve. Edhe KFOR-i përmes një deklarate njoftoi se ishte në kontakt me autoritetet e Serbisë që të marrë informacione se çfarë kishte ndodhur.
Policët e lidhur
Tre policët ishin pjesë e njësisë policore patrulluese e kufirit në Tresave/ Bare në veri. Kryeministri Albin Kurti deklaroi më herët se rrëmbimi ishte kryer 300 metra në brendësi të territorit të Kosovës dhe ishte hakmarrje e Serbisë pas arrestimit të Millun Millenkoviç. Serbi i njohur dhe me nofkën Lluni dyshohet se është një nga organizatorët e sulmit ndaj ushtarëve të KFOR, gazetarëve dhe policëve të Kosovës më 29 maj kur ndodhën protestat e dhunshme në veri të Kosovës. Ndërkohë që ministria e Brendshme e Serbisë thotë se ata janë arrestuar pasi kanë qenë brenda në territorin serb dhe vetë ata nuk kanë hyrë në territorin kosovar.
Incidenti mbetet ende i paqartë dhe shton minutë pas minute tensionet ndërmjet Kosovës dhe Serbisë për shkak të zhvillimeve të fundit në veri të Kosovës.
Fillimisht lajmi u mësua nga mediat serbe të cilët publikuan dhe videon e policëve të lidhur me duart prapa dhe që i kishin mbyllur sytë, duke deklaruar se ata ishin arrestuar pasi kishin hyrë në territorin serb.
Si ndodhi rrëmbimi sipas policisë së Kosovës
Pak minuta më vonë reagoi policia e Kosovës duke e quajtur rastin rrëmbim. Policia e Kosovës tha se policët e njësisë policore patrulluese të kufirit kanë qenë me detyre në pikë statike në vendin e quajtur Tresave/Bare, thellë brenda në territorin e Republikës së Kosovës, për të parandaluar shfrytëzimin e rrugëve ilegale, të cilat shfrytëzoheshin nga grupet kriminale për kalim ilegal dhe kontrabandë. Ata kanë kërkuar forca shtesë pasi kishin pikasuar persona të maskuar dhe të armatosur në afërsi të kësaj pike. Kur kanë shkuar forcat shtesë nuk kanë gjetur policët por makinën e tyre.
"Sot, në mesditë nga njësiti policor i cili ishte në përbërje prej tre zyrtarëve kufitar, kanë njoftuar se në afërsi të pikës statike kanë vërejtur person/a të maskuar dhe të armatosur, me këtë rast në drejtim të kësaj pike në asistencë janë nisur njësi shtesë të PK-së. Me të arritur në atë lokacion, njësitet asistuese kanë vërejtur vetëm veturën zyrtare por jo edhe vet zyrtarët policorë që kanë qenë me detyrë në atë lokacion.
Në drejtim të këtij lokacioni menjëherë kanë shkuar edhe njësite tjera policore, si dhe janë informuar edhe institucionet tjera të sigurisë, përfshirë KFOR-in, pasi dyshohet se zyrtarët policor janë kidnapuar nga forcat serbe. Me qëllim që të ndërmerren veprime konkrete për sigurinë e zyrtarëve policorë që dyshohet të jenë kidnapuar nga forcat serbe, janë kontaktuar të gjitha mekanizmat vendor dhe ndërkombëtar që të njëjtit të lirohen sa më parë dhe të kthehen në Polici të Kosovës. Po ashtu edhe media të ndryshme serbe kanë raportuar se pjesëtarët e njësiteve speciale serbe, kanë arrestuar zyrtarët e Policisë së Kosovës"
Edhe ministri i Brendshëm i Kosovës, Xhelal Svelça përmes një postimi në facebook tha se policët janë rrëmbyer brenda territorit të Kosovës dhe kërkoi ndërhyrjen urgjente të ndërkombëtarëve.
"Serbia kriminale ka hyrë në territorin e Kosovës dhe ka kidnapuar 3 zyrtarë policorë të Republikës së Kosovës, në shkelje të çdo marrëveshje e kundër çdo parimi të normave ndërkombëtare... Kërkojmë nga faktori ndërkombëtar të rrisë urgjentisht presionin ndaj Serbisë që jo vetëm të lirojë zyrtarët tanë policorë por edhe të ndalë provokimet e saj" shkruan Svelça.
Si ndodhi arrestimi sipas Beogradit
Nga Beogradi, drejtori i Zyrës për Kosovën në qeverinë serbe, Petar Petkoviç, tha se pjesëtarët e policisë së Kosovës, u arrestuan “në thellësi të territorit të Serbisë”, në një fshat në afërsi të Rashkës dhe se policia serbe nuk ka shkelur territorin kosovar.
“Dëshiroj të theksoj se pjesëtarët e policisë sonë nuk kanë shkelur në territorin e Kosovës dhe nuk kanë shkelur as rezolutën 1244 (të Këshillit të Sigurimit të Kombeve të Bashkuara) dhe as marrëveshjen ushtarako-teknike për shkak se nuk kanë kaluar vijën administrative. Ata që kanë shkelur këto marrëveshje ndërkombëtare janë pikërisht pjesëtarët e policisë së Kosovës”, tha Petar Petkoviç, duke theksuar se Serbia është e gatshme të ofrojë të gjitha provat dhe kërkoi hapjen e një hetimi ndërkombëtar, nëse është e nevojshme.
Kurti: Serbia po hakmerret ndaj arrestimit të Millun Millenkovic
Kryeministri Albin Kurti thonë se rrëmbimi është kryer 300 metra në brendësi të territorit të Kosovës. Në një reagim të bërë së fundmi, Kurti tha se rasti lidhet me një hakmarrje të Serbisë për arrestimin e Millun Millenkoviç dhe shtoi se bëhet fjalë për përpjekje destabilizuese.
Veriu i Kosovës nuk është i qetë
Kjo ngjarje po ndodh në kohën kur tensionet në veriun e Kosovës, të banuar me shumicë serbe, janë rritur. Tensionet nisën më 26 maj, kur kryetarët e rinj shqiptarë të komunave në veri, nën shoqërimin e Policisë së Kosovës, hynë në ndërtesat komunale, mes kundërshtimeve të serbëve lokalë dhe kulmuan më 29 maj, kur në Zveçan, protestuesit serbë u përleshën me pjesëtarët e misionit të NATO-s në Kosovë, KFOR. Nga përleshjet janë lënduar dhjetëra persona nga të dyja palët.
Ndërkombëtarët po ndërmjetësojnë fuqishëm për gjetjen e një zgjidhjeje mes Serbisë dhe Kosovës që të depërshkallëzojë këtë situatë të tensionuar. Madje ata kanë paralajmëruar edhe sanksione nëse nuk do të gjendet një zgjidhje.
KFOR-i ka thënë se është në kontakt me autoritetet e Serbisë që të marrë informacione se çfarë ka ndodhur me rastin e tre policëve të cilët dyshohet se u kidnapuan nga territori i Kosovës.
Në një komunikim për media, KFOR-i ka thënë se nuk është përfshirë në ngjarjen e sotme.
“KFOR nuk ka qenë i përfshirë në ngjarjen e sotme sa i përket tre pjesëtarëve të Policisë së Kosovës dhe aktualisht është në kontakt me autoritetet serbe për të marrë informacion zyrtar mbi atë çfarë ka ndodhur”.- bën me dije KFOR.
Deputetja e Britanisë së Madhe, Alicia Kearns, ka thënë se nëse policët kosovarë janë rrëmbyer nga forcat serbe atëherë ky është një përshkallëzim shumë serioz.
Ajo ka thënë se fuqitë e mëdha kanë qenë shumë kritike për Kosovën, duke e paralajmëruar Kosovën për sanksione.
“Nëse policët kosovarë janë rrëmbyer nga forcat serbe që kanë hyrë ilegalisht në Kosovë, ky është një përshkallëzim shumë serioz”.
“Kjo do të kërkonte një sanksion të rëndësishëm nga fuqitë perëndimore, të cilat nuk janë përmbajtur nga sanksionet dhe kritikat ndaj Kosovës për shumë, shumë më pak”, ka shkruar ajo në Twiter.
Gjykata Themelore e Prishtinës i ka shqiptuar masën prej një muaji paraburgim Millun Millenkoviç – Llune, që u arrestua në Mitrovicë të Veriut më 13 qershor, konfirmoi për Radion Evropa e Lirë, avokati i tij, Nebojsha Vllajiç.
“Sot pasdite në Gjykatën Themelore në Prishtinë, në departamentin e posaçëm, është mbajtur seanca për të vendosur lidhur me propozimin e prokurorit publik për caktimin e paraburgimit. Propozimi i prokurorit është miratuar dhe atij i është caktuar paraburgimi prej 30 ditësh”, tha Vllajiç.
Mbrojtja ka 48 orë kohë për të apeluar këtë vendim. Avokati tha se Millenkoviç është dërguar në një burg në Podujevë.
Millenkoviq u arrestua të martën në Mitrovicën e Veriut gjatë një aksioni të njësive speciale të Policisë së Kosovës.
Vllajiç tha se Prokuroria e akuzon klientin e tij për tri vepra penale: terrorizëm, ndryshimi i rendit kushtetues përmes dhunës dhe rrezikim të personit nën mbrojtje ndërkombëtare.
Kryeministri i Kosovës Albin Kurti ka reaguar në lidhje me arrestimin e 3 efektivëve të policisë së Kosovës nga forcat serbe. Sipas Kurtit policët duhet të lirohen menjëherë dhe komiteti ndërkombëtar duhet të denoncojë këto akte.
‘Tre policë të Kosovës janë rrëmbyer sot nga Forcat e Armatosura të Serbisë brenda kufijve të Kosovës. Si inkursioni i forcave ashtu edhe rrëmbimi janë akte të hapura agresioni ndërkombëtar. Ne bëjmë thirrje për lirimin e menjëhershëm të oficerëve dhe që komuniteti ndërkombëtar të denoncojë këto akte.’- shkruan Kurti.
Presidenti i Serbisë, Aleksandër Vuçiç ka komentuar arrestimin e një prej organizatorëve të sulmit ndaj KFOR, Milun Milenkoviç. Ai ka thënë për RTS, se kishte garanci nga NATO dhe BE se nuk do kishte arrestime.
“E gjithë kriza fillon në momentin kur dikush vendos të shkojë në zgjedhje për të cilat dihet se janë krejtësisht jolegjitime dhe nuk mjafton që ata të caktojnë dikë të tyren në Mëhallën e Boshnjaçkës, tha Vuçiç.
Presidenti i Serbisë, Aleksandar Vuçiç, ka deklaruar se asnjë ushtar dhe asnjë polic nga Serbia nuk ka hyrë përtej kufirit me Kosovën. Ai tha se policia serbe arrestoi tre policë të Kosovës 1.8 kilometra larg kufirit.
“Këta njerëz nuk kanë çfarë të kërkojnë në zonën Tresava-Batnjik pa miratimin e KFOR-it, sidomos me tyta të gjata”, tha Vuçiq në Radio televizionin e Serbisë (RTS).
Vuçiç thotë se Kurti kërkon luftë.
“Albin Kurti dëshiron të provokojë luftë, dëshiron konflikt me çdo kusht”, tha Vuçiç.
Vuçiç tha se “jemi në udhëkryq se a do të vazhdojmë të kemi paqe ose jo”.
Ai akuzoi kryeministrin e Kosovës, Albin Kurti, se me do kusht dëshiron të “shkaktojë luftë dhe konflikte”.
“Do të shohim se cilat ishin qëllimet e vërteta të të arrestuarve”, tha ai.
Duke komentuar raportimet e mediave se Qeveria e Kosovës ka ndaluar importin e mallrave nga Serbia, Vuçiq tha se kjo tregon se “ju dëshironi t’i torturoni njerëzit në veri, t’i lini pa ilaçe dhe ushqime elementare”.
Ministri i Punëve të Brendshme në Kosovë, Xhelal Sveçla, deklaroi se policët e rrëmbyer nga Serbia nuk dihet ku po mbahen dhe janë nën arrestin e institucioneve serbe. Ai vizitoi lokacionin në Bare, ku policët u rrëmbyen dhe deklaroi se policia apo ushtria e Serbisë është futur në brendi të territorit të Kosovës rreth 600 metra.
“Më treguan se policia apo ushtria e Serbisë është futur 600 metra brenda territorit të Kosovës e pastaj kanë vazhduar në grupe të ndara në këmbë dhe janë futur diku rreth një km brenda territorit të Kosovës dhe kanë kidnapuar 3 zyrtarë policorë nga Njësiti për Mbikëqyrje të Kufirit, të cilët, edhe me vetë deklarimin e autoriteteve të Serbisë, janë të arrestuar”, deklaroi Sveçla, duke shtuar se “ky akt, për ne dhe për botën demokratike, është një incident i rëndë”.
Më tej tha se janë duke u koordinuar me bashkësinë ndërkombëtarë që “ajo të jetë e qartë për këtë veprim kriminal”.
Sipas ministrit Sveçla, Serbia duhet t’i kthejë sa më shpejt zyrtarët policorë, së bashku me pajisjet e tyre private dhe zyrtare.
“Për ne, por edhe për botën demokratike, jo vetëm që është e papranueshme, por edhe incident i rëndë. Në kësi lloj aktivitetesh të parapërgatitura, ai që sulmon në befasi ka përparësi. Kjo është bërë në shenjë hakmarrjeje për arrestimin e kriminelit Llune. Tash çka po ndodh është Serbia kriminale, duke vepruar njëjtë, përmes sjelljeve kriminale, duke u munduar të minojë rrugën tonë drejt shtetndërtimit e shtrirjes së sovranitetit. S’do t’ia dalë, e as të na zmbraps, e as të na ndalë. Ne jemi në të drejtën tonë dhe do të vazhdojmë të veprojmë sipas ligjit”, deklaroi ministri.
Sveçla ka thënë se me qëllim të parandalimit të kontrabandës qysh më herët është bllokuar rruga në të cilën janë rrëmbyer policët. Ai ka shtuar se janë bërë gropa të cilat janë dëshmi që policët nuk kanë qenë në territorin e Serbisë siç ajo pretendon. Ka shtuar se “të gjithë ata që e shkelin ligjin do të sillen para drejtësisë”.
Sveçla shtoi se Serbia po rrezikon jetën e zyrtarëve të Kosovës dhe të qytetarëve. Ai shtoi se ka informacione për arrestime të qytetarëve kosovarë në pikën kufitare në Merdare.
“Kemi informacione paraprake për arrestime të qytetarëve tanë në pikën kufitare në Merdare”, deklaroi Sveçla.
Masa e ndaljes së futjes të mallrave serbe në Kosovë, sipas ministrit, do të vazhdojë deri në një vlerësim tjetër të sigurisë.
“...Ne nuk e dimë ku janë, lokacionet ku po mbahen, janë nën arrestim, në duar të institucioneve të Serbisë. Reagimi ynë është i qartë, jemi duke u koordinuar me bashkësinë ndërkombëtare që ajo të jetë e qartë për këtë hap kriminal të Serbisë. Po ashtu, të shfrytëzohet influenca që zyrtarët e kanë kryer detyrën e tyre në shtetin e tyre, të kthehen sa më parë bashkë me pajisjet e gjërat, qoftë të Kosovës, qoftë të tyre personale dhe në të njëjtën kohë, do të vazhdojmë me shtrirjen e rendit dhe të ligjit. Me forcim të institucioneve të sigurisë”, tha ai.
Ministrja e Drejtësisë, Albulena Haxhiu ka reaguar në lidhje me rrëmbimin e tre policëve të Kosovës nga pala serbe. Përmes një postimi në rrjetet sociale, Haxhiu e ka cilësuar këtë ngjarje si një provokim të Serbisë, por thekson se faktori ndërkombëtar duhet të përgjigjet.
“Serbia kriminale ka rrëmbyer tre pjesëtarë të policisë së Republikës së Kosovës në Leposaviç.Për provokime si këto, të organizuara nga Serbia me qëllim të destabilizimit të situatës në veri, duhet të përgjigjet edhe faktori ndërkombëtar”, ka shkruar ajo.
Kryetari i Kuvendit, Glauk Konjufca, e ka dënuar “aktin e rëndë të rrëmbimit të tre policëve kufitarë të Republikës së Kosovës nga xhandarmëria serbe”. Ai ka thënë se është akt i cenimit të sigurisë dhe sovranitetit nga Serbisa.
“Ky akt i cënimit të sovranitetit dhe sigurisë së Kosovës nga Serbia është tregues i qartë se kush dëshiron të nxisë tensione në mes dy vendeve. Në kohën kur Serbia do duhej të urdhëronte bandat kriminale në veri të Kosovës që të tërhiqeshin nga përpjekja për destabilizim të rendit në katër komunat veriore të Kosovës, ajo vazhdon më tutje duke i përfshirë formacionet zyrtare policore në cënimin e integritetit territorial të Kosovës”, ka shkruar ai.
Konjufca shkruan se Serbia nuk është e gatshme për zgjidhje me veprime të tilla, ndërsa i ka kërkuar bashkësisë ndërkombëtare që të reagoj.
“Në kohën kur qeveria e Kosovës po del me propozime për t'i gjetur zgjidhje destabilizimit të shkaktuar nga grupet kriminale të mbështetura nga Beogradi, Serbia dëshmon nuk është e gatshme për asnjë zgjidhje. Prandaj, i kërkojmë fuqishëm faktorit ndërkombëtar, veçanërisht BE-së dhe SHBA-së që ta dënojnë Serbinë për këto akte agresioni kundrejt Kosovës. Lirimi i menjëhershëm i tre policëve të Kosovës është ultimativ”.
Konjufca ka theksuar se me këtë akt, “Serbia në mënyrë të hapur dhe tepër të rrezikshme e ka hedhur poshtë marrëveshjen bazë të normalizimit të marrëdhënieve të pranuar në Ohër dhe Bruksel”.
Zëdhënësi i Bashkimit Evropian, Peter Stano, ka thënë se janë në kontakt me Kosovën, Serbinë si dhe KFOR-in për të kuptuar më shumë rreth asaj çfarë ka ndodhur.
Ai në një prononcim për mediat në Kosovë, ka deklaruar se Kosova dhe Serbia duhet të përmbahen nga veprimet apo thirrjet qe e tensionojnë situatën edhe më shumë.
“Ne jemi – si çështje urgjente – në kontakt me të dyja palët, si dhe me KFOR-in, për të përcaktuar se çfarë dhe si ka ndodhur saktësisht”, ka thënë ai.
“Ne i bëjmë thirrje Kosovës dhe Serbisë që të përmbahen nga çdo veprim apo reagim që mund të kontribuojë më tej në ngritjen e tensioneve. Ne përsërisim thirrjen e BE-së për de-përshkallëzimin e menjëhershëm dhe vendimtar”, ka deklaruar Stano. Serbia ka rrëmbyer tre policë kosovarë brenda kufirit të Kosovës.
Kosova këtë e ka quajtur si akt agresor, teksa i ka bërë thirrje bashkësisë ndërkombëtare që të reagojë.
Dialogu i ndërmjetësuar nga Bashkimi Evropian është rruga e vetme përpara për Kosovën dhe Serbinë, tha ambasadorja e përhershme amerikane në NATO, Julianne Smith, më 14 qershor.
Kjo ishte përgjigja e saj në pyetjet e gazetarëve lidhur me tensionet aktuale në veri të Kosovës.
“Prioriteti numër një është ndërmarrja e masave të menjëhershme nga të dyja palët për të shtensionuar situatën”, tha Smith.
Ajo tha se aleatët e NATO-s po përcjellin “me interes të madh dhe me shumë shqetësim” zhvillimet në Kosovë.
Smith i bëri këto deklarata gjatë një konference online për media para takimit të ministrave të Mbrojtjes të shteteve anëtare të NATO-s, që do të mbahet në Bruksel më 15 dhe 16 qershor.
Ajo theksoi se SHBA-ja ishte e para që dënoi dhunën kundër ushtarëve të NATO-s, veçmas ndaj trupave të kontingjentit italian dhe hungarez.
“Ne besojmë se personat që shkaktuan dhunë duhet të mbahen përgjegjës përmes procedurave ligjore dhe transparente”, tha Smith.
Ajo tha se SHBA-ja inkurajon kryeministrin e Kosovës, Albin Kurti, dhe Qeverinë e tij që të sigurohet që kryetarët e rinj shqiptarë të komunave në veri, të banuara me shumicë serbe, të kryejnë detyrat e tyre nga lokacione alternative.
“Ne po ashtu i inkurajomë ata që të tërheqin njësitë policore nga ndërtesat komunale”, tha Smith, duke shtuar se mirëpret vendimin e Qeverisë së Serbisë për të ulur gatishmërinë dhe numrin e trupave ushtarake pranë kufirit me Kosovën.
“Por, thelbi i kësaj çështjeje është se – që njëherësh është edhe qëndrimi i gjithë aleancës – dialogu që ndërmjetësohet nga BE-ja është rruga e vetme përpara dhe se ky mesazh i NATO-s u është përcjellë të gjithëve”, theksoi Smith.
Policia e Kosovës ka njoftuar që është duke i koordinuar aktivitet me KFOR-in lidhur me situatën në fshatin Bare të Kosovës.
Zëdhënësi i Policisë së Kosovës, Baki Kelani, në një konferencë për shtyp se për rastin janë njoftuar edhe mekanizmat ndërkombëtarë, në mënyrë që të ushtrohet presion ndaj Serbisë për lirimin e policëve patrullues kosovarë.
Tre policë të Kosovës janë kidnapuar në fshatin Bare që ndodhet thellë në territorin e Kosovës, dhe arrestimi i tyre dyshohet të jetë bërë nga njësitë speciale të policisë serbe.“KFOR-i është njoftuar dhe jemi duke i koordinuar të gjitha aktivitetet e ta, dhe janë duke i kryer edhe ekzaminimet brenda në terren”.
"Përveç KFOR-it, i kemi njoftuar të gjitha mekanizmat ndërkombëtarë duke kërkuar që t’u bëhet trysni autoriteteve të Serbisë që zyrtarët tanë të lirohen dhe t’u kthehen familjeve të tyre”, ka thënë Kelani.
Ai theksoi se çdo informatë që ka Policia e Kosovws, i ka përcjellë te KFOR-i dhe këta kanë konfirmuar se i kanë pranuar informatat. Janë procedura për të cilat besoj se ata do të japin përgjigje”.
“E kemi shfrytëzuar këtë të drejtë, dhe i kemi lëvizur të gjitha mekanizmat që zyrtarët tanë të kthehen shëndosh e mirë në Kosovë”, theksoi Kelani
Ministri i Brendshëm i Kosovës Xhelal Svelça është nisur për në Bare, vendin ku u rrëmbyen efektivët e policisë së Kosovës nga forcat serbe.
Komandanti i misionit të KFOR-it, gjeneralmajor Angelo Michele Ristuccia, ka takuar sot presidentin e Serbisë, Aleksandar Vuçiç në Beograd. Në fokus të këtij takimi ka qenë situatën e përgjithshme e sigurisë në rajon dhe aktivitetet e KFOR.
“Komandanti i KFOR-it shprehu shqetësim të thellë për zhvillimet e fundit në komunat veriore të Kosovës pas ngjarjeve të 29 majit të kaluar, kur disa paqeruajtës të KFOR-it u plagosën gjatë sulmeve të paprovokuara të elementëve kriminalë të cilët depërtuan në protesta paqësore.”
Pas takimit me Vuçiç, Ristuccia është takuar edhe me shefin e Shtabit të Përgjithshëm të Ushtrisë Serbe, Milan Mojsiloviç, me të cilin bisedoi për rinovimin e bashkëpunimit.
Në njoftim thuhet gjithashtu se Ristuća dhe Mojsiloviq janë pajtuar që të gjitha palët duhet të deeskalojnë tensionet.
"KFOR-i është i gatshëm të përballet me çdo skenar dhe vazhdon të monitorojë situatën në terren. KFOR-i vazhdon të veprojë në mënyrë të paanshme, brenda Rregullave strikte të Angazhimit (ROE) dhe merr të gjitha masat e nevojshme për të zbatuar mandatin e tij bazuar në Rezolutën 1244 të Këshillit të Sigurimit të Kombeve të Bashkuara. të vitit 1999, në mënyrë që të sigurohet një mjedis i sigurt dhe i sigurt dhe liria e lëvizjes për të gjitha komunitetet në Kosovë.” - thuhet në deklaratë.
Kreu i AAK Ramush Haradinaj ka kërkuar që ministri i Brendshëm i Kosovës, Xhelal Zveçla të japë dorëheqjen me argumentin se uniforma e policisë së Kosovës është përdhosur në pamjet e shfaqura teksa 3 efektivët u rrëmbyen nga forcat serbe.
Ai tha se duhet të ketë një bashkim të forcave opozitare në Kosovë për të ndalur Kurtin, që sipas tij po vë në rrezik ekzistencën e shtetit të Kosovës.
“Ishte skenë poshtëruese skena e rrëmbimit dhe përdhosjes së uniformave tonë. Kërkojmë që bashkësia ndërkombëtare të ushtrojë presion ndaj Serbisë për të liruar efektivët e kapur nga forcat serbe. Zveçla të japë dorëheqjen sepse sot u përdhos uniforma e policisë së Kosovës. Ne e kuptojmë se Kurti ka marrë mandat për të udhëhequr vendin drejt stabilitetit dhe forcimit të marrëdhënies me aleatët euroatlantikë. Por ai po bën të kundërtën, nuk po shkon drejt stabilitetit. Kurti po e rrezikon ekzistencën e republikës. I ftoj të gjithë të ndalim Kurtin në mënyrë që të ndalim pasojat e tjera për Kosovën. Kurti intensivisht me çdo veprim të vetin po e prish këtë aleancë, pra ky ose është spiun i Serbisë ose është ai që me zor do me mbet në pushtet sa me fshehë qeverinë e tij humbëse të zhytur në korrupsion e nepotizëm, e po e kërkon shpëtimin në kriminelë, duke i arrestuar ata e duke na shitur këtë si fitore të Kosovës. ”- tha Haradinaj.
Serbia i ka cilësuar si terroristë 3 efektivët e policisë së Kosovës të cilët u rrëmbyen siç thonë autoritete e Kosovës, nga forcat serbe. Sipas autoriteteve në Serbi efektivët shqiptarë janë arrestuar në territorin serb dhe se ishin të armatosur me automatike e pajisje GPS e harta.
‘Dua t'ju njoftoj se sot në ora 12:38, në zonën administrative në drejtim të Kosovës dhe Metohisë, larg në thellësi të territorit të Serbisë, pjesëtarët e njësitit antiterror kanë lokalizuar dhe arrestuar pjesëtarët e të ashtuquajturit, Policisë së Kosovës. Që të tre ishin me pajisje të plota luftarake, me automatikë, pajisje GSP dhe harta.
Ata janë arrestuar në vendkalimin alternativ Tresava-Batnjik, ku kanë lënë mjetin dhe kanë arritur në këmbë në fshatin Gnjilicë, ku edhe janë arrestuar. Theksoj se Republika e Serbisë është një vend serioz dhe se pjesëtarët tanë të Ministrisë së Brendshme nuk kanë kaluar, as nuk kanë qenë afër vijës administrative, prandaj nuk kanë shkelur rezolutën 1244 dhe marrëveshjen teknike ushtarake dhe as kanë ndërmarrë ndonjë vepër e kundërligjshme ndaj të arrestuarve. Policia do të vazhdojë punën e saj me prokurorinë – tha Željko Brkiç.
Tre pjesëtarë të Policisë së Kosovës janë rrëmbyer sot në veri. Sipas njoftimit të Policisë, ata janë kidnapuar nga forcat serbe gjatë një patrullimi në vendin e quajtur Tresave/Bare, në vijën kufitare në veri të Kosovës.
Në fshatin Bare, tashmë ka arritur edhe KFOR, siç shihet në pamjet e publikuara nga mediat në Kosovë.
Komandanti i misionit të KFOR-it, udhëhequr nga NATO, gjeneralmajor Angelo Michele Ristuccia, ka takuar sot presidentin e Serbisë, Aleksandar Vuçiç në Beograd.
Të dy diskutuan situatën e përgjithshme të sigurisë në rajon dhe aktivitetet e KFOR-it në përputhje me mandatin e tij të OKB-së dhe në mbështetje të Dialogut, udhëhequr nga BE-ja për normalizimin e marrëdhënieve ndërmjet Beogradit dhe Prishtinës, transmeton klankosova.tv.
Tre oficerët e policisë janë rrëmbyer nga serbët brenda territorit të Kosovoës. Kështu u shpreh në një deklaratë zyrtare policia e Kosovës duke bërë me dije se efektivët kishin parë persona të armatosur dhe kishin kërkuar njësi shtesë. Në momentin që njësitë shtesë kanë mbërritur në vendngjarje, kanë gjetur vetëm makinën dhe jo efektivët e policisë.
“Tre policët kanë parë persona të maskuar dhe kanë dhënë informacione për njësitë shtesë. Kur kanë mbërritur kanë gjetur vetëm veturën e makinës së policisë dhe jo oficerët. Sa i përket çështjes që ata thonë se janë në territor të Serbisë, unë ju them që ata kanë qenë në një pikë statike duke parandaluar futjen e gjërave ilegale në territorin e Kosovës. Kanë parandaluar një shfytëzim të rrugëve që përdorte Serbia. Vendi ku ka ndodhur është brenda territorit të republikës së Kosovës”- tha një prej zyrtarëve të policisë së Kosovës.
Presidentja Vjosa Osmani ka reaguar në lidhje me rrëmbimin e 3 efektivëve të policisë së Kosovës nga policia Serbe. Presidentja Osmani thekson se ky është agresion nga ana e Serbisë, ndërsa shton se ky akt tregon se Serbia nuk është e interesuar për paqe e stabilitet në rajon, por për destabilzim.
‘Kidnapimi i tre zyrtarëve policorë brenda territorit të Republikës së Kosovës është agresion nga ana e Serbisë. Ky akt dëshmon edhe njëherë se Serbia nuk është e interesuar për paqe e stabilitet në rajon, por për të shkaktuar destabilizim të Kosovës dhe gjithë rajonit.
Akti i sotëm dëshmon se Serbia vazhdon të veprojë me logjikën e së kaluarës, tendencat hegjemoniste të së cilës kanë shkaktuar krime të tmerrshme dhe shumë viktima.
Policia e Kosovës ka treguar përkushtim e vendosmëri për ta ruajtur rendin dhe ligjin për të gjithë qytetarët pa dallim, ndaj një akt i tillë kërkon një reagim të ashpër dhe veprim të unifikuar të komunitetit ndërkombëtar ndaj tendencës së Serbisë për destabilizim të rajonit.
Zyrtarët policorë duhet të lirohen menjëherë dhe pa asnjë kusht! Institucionet e Kosovës nuk do të heqin dorë nga angazhimi për sundimin e ligjit, sikurse edhe nga përkushtimi për paqe e stabilitet afatgjatë!’- tha Osmani.
Drejtori i Zyrës për Kosovën në Qeverinë serbe, Petar Petkoviç, tha se njësitet anti-terror të xhandarmërisë serbe më 14 qershor kanë arrestuar tre zyrtarë të njësive speciale të Policisë së Kosovës, që sipas tij “ishin të armatosur deri në dhëmbë”.
Ai i identifikoi të arrestuarit me inicialet R.Z, B.S dhe M.Sh.
“Ata u arrestuan në orën 12:38 në thellësi të territorit të Serbisë qendrore, në fshatin Gnjillica në afërsi të Rashkës”, tha Petkoviç gjatë një konference për media në Beograd.
Rashka gjendet në jugperëndim të Serbisë, rreth 10 kilometra nga kufiri me Kosovën.
Policia e Kosovës tha më herët se tre zyrtarë të saj policorë dyshohet se janë rrëmbyer nga trupat serbe “thellë brenda territorit të Kosovës”, në afërsi të vijës kufitare në komunën e Leposaviçit. Sipas kryeministrit të Kosovës, Albin Kurti, vendi i quajtur Tresave/Bare - ku dyshohet se janë rrëmbyer policët - gjendet 300 metra në brendësi të territorit të Kosovës.
“Dëshiroj të theksoj se pjesëtarët e policisë sonë nuk kanë shkelur në territorin e Kosovës dhe nuk kanë shkelur as rezolutën 1244 [të Këshillit të Sigurimit të Kombeve të Bashkuara] dhe as marrëveshjen ushtarako-teknike [Marrëveshja e Kumanovës] për shkak se nuk kanë kaluar vijën administrative. Ata që kanë shkelur këto marrëveshje ndërkombëtare janë pikërisht pjesëtarë të Policisë së Kosovës”, tha Petkoviç.
Petkoviçi hodhi poshtë deklarimin e autoriteteve në Kosovë, se policët u rrëmbyen brenda territorit të Kosovës.
“Ata nuk u rrëmbyen, por u gjetën thellë në territorin e Serbisë qendrore”, tha Petkoviç.
Policia e Kosovës ka thirrur konferencë të jashtëzakonshme pas rrëmbimit të tre policëve.
Sipas njoftimit, konferenca e jashtëzakonshme do të mbahet nga ora 17:00 në stacionin policor “Qendra” në Prishtinë.
Tre zyrtarët policorë dyshohet se janë rrëmbyer në thellësi të territorit të Kosovës, në zonën kufitare në veri të vendit.
Kryeministri i Kosovës, Albin Kurti e ka quajtur rrëmbimin e policëve si një hakmarrje të Serbisë për arrestimin e djeshëm të Millun Millenkoviç, një person me precedentë kriminalë. Ai tha se rrëmbimi i policëve të Kosovës ka ndodhur 300 metra në territori ne Kosovës. Ai tha se hyrja e forcave serbe në territori ne Kosovës është agresion dhe përpjekje për përshkallëzim të situatës.
Reagimi i Kurtit:
Tre zyrtarë të policisë së Kosovës janë rrëmbyer sot në Leposaviq në vendin ku dikur kishte një rrugë ilegale të kontrabandës e që ndodhet rreth 300 metra në brendësi të territorit të shtetit tonë.
Dyshojmë që ata janë rrëmbyer nga ushtria e Serbisë, qartazi si hakmarrje e Serbisë për arrestimin e djeshëm të kriminelit famëkeq Millun Millenkoviq - Lune, i cili paraqet një ndër krerët e krimit të organizuar dhe kontrabandës.
Policia e Kosovës është treguar tejet e vetëpërmbajtur këto javët e fundit.
Hyrja e forcave të Serbisë në territorin e Kosovës është agresion dhe synim për eskalim dhe destabilizim.
Kërkojmë lirimin e menjëhershëm të tre zyrtarëve të rrëmbyer policor dhe ftojmë faktorët ndërkombëtarë që të dënojnë këtë akt agresioni të Serbisë.
Tre policë kosovarë janë rrëmbyer sot nga Polica serbe në territorin e Kosovës, në afërsi të Leposaviçit në rrugë ilegale.
Zyrtarët e policisë Rifat Zeka, Beqir Sefa dhe Mustafë Shemi dyshohet se janë rrëmbyer nga forcat serbe gjatë një patrullimi në vendin e quajtur Tresave/Bare, në vijën kufitare në veri të Kosovës. Ky fshat gjendet në komunën e Leposaviçit. Mediat në Kosovë kanë publikuar edhe foto të efektivëve që dyshohet se janë rrëmbyer.
Drejtori i Zyrës për Kosovën në Qeverinë e Serbisë, Petar Petkoviç ka lajmëruar se do të mbajë një konferencë të jashtëzakonshëm për mediat, pas lajmit të rrëmbimit të tre policëve të Kosovës nga forcat serbe. Petkoviç, ka thënë se konferenca do të mbahet sot në orën 16:00.
Kjo është një videoja e publikuar nga mediat serbe ku pretendohet se shfaqet momenti i rrëmbimit të 3 policëve të Kosovës të cilët po kryenin patrullim në vendin e quajtur Tresave/Bare.
— Tako je govorio… (@govoriojetako) June 14, 2023
Ministri i Brendshëm, Xhelal Sveçla ka reaguar në lidhje me lajmin për rrëmbimin e tre policive të Kosovës nga serbët
“Përderisa rendi dhe ligji po zbatohet në vendin tonë, Serbia kriminale ka hyrë në territorin e Kosovës dhe ka kidnapuar 3 zyrtarë policorë të Republikës së Kosovës, në shkelje të çdo marrëveshje e kundër çdo parimi të normave ndërkombëtare. Pa asnjë dyshim, zyrtarët tanë policorë kanë qenë të vendosur thellë brenda territorit të Republikës së Kosovës, në pikë kontroll statik, duke kryer detyrat e tyre të rregullta.
Serbia po vazhdon të jetë shkaktar dhe gardian i së keqes në rajon e në Kosovë. Ne nuk zmbrapsemi para kriminelëve e terroristëve. Serbia po tregon përsëri fytyrën e saj të vërtetë dhe atë të një shteti autokrat e agresor. Kërkojmë nga faktori ndërkombëtar të rrisë urgjentisht presionin ndaj Serbisë që jo vetëm të lirojë zyrtarët tanë policorë por edhe të ndalë provokimet e saj. Sjellje të tilla kriminale të Serbisë nuk na ndalin në rrugëtimin tonë të forcimit të sovranitetit në vend”, shkruan ai në Facebook.
Ndërkohë policia e Kosovës deklaroi se kishte shkuar në ndihmë të policëve por kishte gjetur vetëm veturën
Njoftimi i plotë i policisë së Kosovës
Policia e Kosovës (PK), në këtë rast njësia policore patrulluese e kufirit ka qenë me detyre në pikë statike në vendin e quajtur Tresave/Bare, thellë brenda në territorin e Republikës së Kosovës, për të parandaluar shfrytëzimin e rrugëve ilegale, të cilat shfrytëzoheshin nga grupet kriminale për kalim ilegal dhe kontrabandë. Sot, në mesditë nga njësiti policor i cili ishte në përbërje prej tre zyrtarëve kufitar, kanë njoftuar se në afërsi të pikës statike kanë vërejtur person/a të maskuar dhe të armatosur, me këtë rast në drejtim të kësaj pike në asistencë janë nisur njësi shtesë të PK-së.
Me të arritur në atë lokacion, njësitet asistuese kanë vërejtur vetëm veturën zyrtare por jo edhe vet zyrtarët policorë që kanë qenë me detyrë në atë lokacion. Në drejtim të këtij lokacioni menjëherë kanë shkuar edhe njësite tjera policore, si dhe janë informuar edhe institucionet tjera të sigurisë, përfshirë KFOR-in, pasi dyshohet se zyrtarët policor janë kidnapuar nga forcat serbe. Me qëllim që të ndërmerren veprime konkrete për sigurinë e zyrtarëve policorë që dyshohet të jenë kidnapuar nga forcat serbe, janë kontaktuar të gjitha mekanizmat vendor dhe ndërkombëtar që të njëjtit të lirohen sa më parë dhe të kthehen në Polici të Kosovës. Po ashtu edhe media të ndryshme serbe kanë raportuar se pjesëtarët e njësiteve speciale serbe, kanë arrestuar zyrtarët e Policisë së Kosovës.
Komente
Lajme të tjera
-
AKU bllokon 51 tonë misër që vinte nga Serbia: Ishin me Aflatoksinë! Gjysma do asgjësohet në vendin tonë, pjesa tjetër do kthehet në vendin e origjinës
4 Dhjetor, 20:58 -
Diskutimi në Kongresin e SHBA-së: Albin Kurti është pengues
3 Dhjetor, 13:03 -
Kosovë/ Lista Serbe s'u certifikua për zgjedhjet, ambasada e SHBA: Përpjekjet e LVV, përçarëse! Rrezikon stabilitetin dhe rifillimin e dialogut strategjik
3 Dhjetor, 10:25 -
Ministria e Financave alokoi fondet, rikthehet pas 9 ditësh transporti publik në Prishtinë
3 Dhjetor, 07:59 -
Shqiptarët për turizëm dimëror në Prevallë të Kosovës: Çmimet më të përballueshme
1 Dhjetor, 11:12
-
Kosovë/ Nën petkun e dëborës, shqiptarët dynden drejt Prevallës për të kaluar fundjavën
30 Nëntor, 14:08
-
Transportoi me varkë drejt Tropojës 1.2 kg kanabis, eksploziv dhe municion luftarak, pranga të riut! Do i trafikonte në Kosovë (EMRI+VIDEO)
30 Nëntor, 10:42 -
Zgjedhjet e parakohshme parlamentare në Kosovë, sot afati fundit për formimin e koalicioneve
30 Nëntor, 09:55 -
Kosovë/ Kurthi i fajdeve, pasojat shkatërrimtare të huave ilegale
29 Nëntor, 16:10 -
Serbi/ Pranimi i dhunës bllokon demokratizimin
29 Nëntor, 15:43 -
Kosovë/ Mosmiratimi i buxhetit rrezikon mirëqenien sociale
28 Nëntor, 19:32 -
Vjosa Osmani vizitë në Shkodër, i bashkohet festimeve për pavarësinë e vendit: Shqipëria dhe Kosova, dy shtete që synojnë integrimin në BE
27 Nëntor, 17:32
ata te shkretet duken qe jane pleq,,asnjehere shqiptari nuk e sulm9n fqi jin....edi rama te mos marre me pjese ne ballkanin e hapur..ai eshte. nje deshtim..
PërgjigjuNuk eshte Ballkani i Hapur deshtim, por deshtim jane lojra luftash qe ben Albini me Vuçiçin. Ballkani i Hapur eshte projekt paqeje, ndersa luften e provokon deliri i nje njeriu te semure qe vuan faktin qe emri i tij s'eshte gjekundi ne analet e historise se Kosoves dhe tani merr poza epike sikur do beje namin. Thjesht po le Kosoven pa miq e vellezer dhe po rrezikon jete shqiptaresh te pafajshem ne marrezine e tij.
Te dyja palet e japin ngjarjen sipas pretendimeve te tyre.Vendngjarja e pretenduar eshte ne nje zone pak a shume te eger,pak e banuar,por duket qe serbet kane marre nje faqe nga menyra se si Gjermania naziste e filloi luften me Polonine.Gabimi qe mendoj qe coi ne kete episod eshte fakti qe zona kufitare me nje shtet problematik si Serbia,qe akoma nuk njeh pavaresine e Kosoves,ne mes te tjerave,rruhet e kontrollohet nga forcat kosovare,kur do te ishte me mire te rruhej nga KFOR-i,(kuptohet pse);nga ana tjeter,kontrolli i GPS te policeve te rrembyer (nese nuk i kane thyer e manipuluar serbet me pare), mund te sqaronin se kush ka te drejte ne kete histori.
PërgjigjuKeta ngaqe nuk i bien dot gomarit i bien samarit kshu dhe puna kosoves me Serbian,gomari eshte serbia ne ket rast
PërgjigjuKurtin dhe po te rrzojne prape do ta votojne njerzit dhe prape do ulet ne karrigen e kryeministrit
PërgjigjuPo te gjithen zallamahine me Serbine per politike te brendshme po e ben Albini, kete po e thote dhe Rama e faktori nderkombetar. Gjithe energjine po e harxhon per te luftuar me mullinjte e eres me shpresen se do behet nje Zelensky i dyte per boten dhe po le pas dore shume pune te brendshme te Kosoves. A eshte ne te miren e Kosoves te mbetet peng i cmendurise se nje njeriu dhe te kthehet 20 vjet pas dhe tashme pa miq e partnere?!
Rama po eshte burr i mire te telefonoj shokun e ngushte vucicin dhe ti kerkoj te liroj policet ne vend qe te dergoj drafte albinit,nuk besoj do kete me politikan me integritet si kurti prandaj e sulmojne nga te gjitha anet perfshire dhe ramen qe se duron dot se do qe ti nenshtrohet serbise me kushtet qe do serbija dhe jo me ato qe do kosova te ciles I kan vrare e masakruar nena vellezer dhe motra,mire eshte qe rama mos ti harroj keto kur te haj dreka darka me serbet
PërgjigjuKo situarte e rrezikshme eshte pasoje e gllaberimit qe iu be trojeve shqiptare nga fqinjet, dhurate e Konferences famekeqe te Londres se 1913-es!
PërgjigjuRusia kete do qe te kete nje tjeter konflikt ne Balkan ndaj per mendimin tim duhet te qetesojme kete situate sikur e qetesonte Ali pashe Tepelena pra me qetesi dhe kosova te Mos behet vater konflikti, Albin Kurti te ofroje pagese per liriminn e pengjeve deri 1mil€ por te kerkoje nje rezolute per destabilizim qe Serbia tenton! Punet e mira behen me qetesi, kosova te terhiqet dhe te mundohet ta qetesoje situaten sa me shpejt , serbet akoma mbajne shpresen se fiton Trumpi ne 2024 dhe duan ta mbajne ndezur tensionin i cili nuk ekziston por u krijua nga hici mes serbeve ndaj besoj Kurti e kupton qe veza Po zihet duhet te beje cmos ta qetesoje punen dhe situaten! Kur ka qetesi fitojne shqipet kur ka tym e mjegull fitojne ujqit , ujku mjegull don!
PërgjigjuGojoret e Janullès, paskan marrè direktiva tè qarta. Hiqni qimet e hallateve nga gjuha, dhe suljuni tastave tè kompjuterit. Mos lini kètè rast tu ikè nga duart. Pèrçani shqiptarèt sa tè mundni. Briskun e berberit o zogj Janulle, atè merrni. Shqiptarève, u rruani topet. Albin Kurti èshtè luan. Drogaxhinjtè, nuk e ndalin dot.!!!
PërgjigjuDon Kishot Kurti, do veshi parzmoren tani,do marre edhe heshten dhe si trim mbi trima do shkoje ti liroje vete.
PërgjigjuKu ësht noltmadhnia tij Rama I ?? Të dali të foli pak se na osht bo si me qen faktor i rënsishëm Botëror,ky që do ruj paqen në Gadishullin Ilirik . Ky ishte ai që tha Kosovës nuk i cënohet asnji fije floku ee?? A i ka shku lajmi të paktën?? Apo policët si kan prek te flokët ata thjesht u morën peng në territorin e REPUBLIKËS SË PAVARUR TË KOSOVËS.Serbi që në krijimin e tij si shtet ka pas si qëllim zhdukjen e shqiptarve,si popull si emra si toponime e si histori.
PërgjigjuIk o Tirona futja nje dopio raki andej e pak gjize.. ne je trim merr pushken dhe nisu per ne veri te Kosoves te shpetosh policat. Hajd plako dhe mos harro te lesh emer e mbiemer se do te jap titullin deshmore Albini.
Si ka mundesi te armatosur te mos bejne rezistenc por ti lidhin si kafshet dhe ti hedhin si thas me bare Turp per keta polica qe turperuan uniformen
PërgjigjuPo te sulmonin kosovaret ate donin serbet pra donin nje pretekst per konflikt ! Serbia me 1 tetor destabilizohet nga brenda nese nuk e njeh kosoven mbaje mend amerika e ka kuptuar qe serbi Po luan me dy porta dhe dy portier , ne fakt serbia nisi luften e I boterore dhe nuk i hyri gje ne kembe as nje ferre jo … jane destabilizues pasi duan hapin vatra lufterash gje qe kosova duhet te ndaloje me nje model qe ata e gjejne perbashket …
Nuk është faji i tyre por i të tjerëve që i kanë dislokuar aty për t'u bërë mish për top. Nuk ka asnjë logjikë ushtarake- policore që në këtë tension të dërgojë me shërbim në vijë të parë policë që duhej të shërbenin në kuzhinë. Serbët janë shahistët të mirë ...
Ore vajti 3 ore qe jane rrembyher e perdhunuar policet e Albinit ne Serbi. Nuk po shohim asnje levizje te ushtrise dhe policise speciale kosovare. Trimat ne Facebook e instagram ju kane rene breket ne kembe e po bejne thirrje mos te shpendahen fotot dhe videot e policeve. Te tjeret thone pse nuk luftuan policet e te vriteshin e vet nuk shkulen nga Facebook dhe instagram. Sot trimat duan Ameriken dhe Evropen te nderhyj. Mire qe anulloi viziten Rama se me mendjen e ketyre ne Kosove do ishim bere gazi i botes sot. Gjithmone e kam pat mendimin qe Serbi e ka pas shume te lehte ne Kosove, shume.
PërgjigjuEra luftë....
PërgjigjuTerrorista jane serbet dhe Ramchari qe i mbeshtet.
PërgjigjuKe harru Ameriken dhe Evropen. Edhe ata terrorista si Rama. Vetem Albini eshte i drejte. Policet kur po i sillni ne shtepite e tyre?
Keto jane pra haverat e kosoves,qe burra me lepuj nuk ka Europa,keto trimat qe i çliroi Amerika e tani duan Erdomutin ne kohen e Serbisë flinin me dyer hapur te shtëpive se e kishin urdhër nga shefi i zones
PërgjigjuIk shiti nafte serbeve ti bolevic malsie lej kto pun sjan per ty.
ata 3 polic nuk e meritojn me i lirue hic, ti majn atje. 3 burra te armatosur me kallash rrembehen ne territorin e tyre. per cfar jan aty? te kishin gjuajtur do ishin hero sot. Turperuan gjith kombin shqiptar
PërgjigjuEra lufte po vjen, nje lajme i mir per shqipnin e madhe
PërgjigjuRama sikur tha se nuk i preket asnje fije floku kosovarve apo ska fol ende me vucivin
PërgjigjuNe fakt Rama kishte besim tek sovranisti e patrioti Kurti!
Epike kjo ????
Police kufiri nga 60 vjec, ktyre dhe breket do I heqi serbi ne kufi, po deri ne dhembe a ishin armatosur apo po flinin ne hije te pemeve.Si mund ti kapi Serbi keta me kallashnikove e pistoleta, do te thote qe keta ja kishin futur gjumit mire.
Përgjigjulepuj kosove frikacaker
Brekèt, ia heqin gruas apo motrès tènde, pa problem more bir bushtre.
Eh cna turperuan fare keta policat frikacak jan frikacak shum keta kosovaret i shof ne fier ku i kemi dallaravexhinj hajduta maskarenj ..vetem kenget i kan me trimeri
PërgjigjuO loni ca ere vjen gjaku ereee?
Le të dalin Rama e te sqaroje pse i rrëmbyen, ta pyesin edhe shokun viçin, ajo qe dihet eshte se viçi ska asnjë force ne serbi, atje komandojn bandat, edhe rusia.
PërgjigjuI plasi trapi albinit max do acaroj gjendjen perseri derisa tu rrembejn e grat edhe pastaj do dynden ne shqiperi e europ si egjyptianet.
PërgjigjuJa dhe trimat e pallateve nga 4000 euro metri ne Tirone po llapin. Shkoni beni nje te thithme kokaine aty te blloku ate beni se smerrni vesh nga kto pune ju spurdhiake.
PërgjigjuKeni nje jave qe shani e mallkoni Shqiperine , Ameriken dhe Evropen e nuk doni te dini per NATO. Hajd tani o trima ne Facebook merrni armet se Kosova ne rrezik. Po na perdhunon Serbi policat ne kufi. Shpejt o trima mos humbisni kohe.
PërgjigjuJa sa te vishet Albini si Chuck Norris dhe ua tregon ai qejfin krimineleve serb. I mori me qafe policet e shkrete per kokefortesi budallai, i ka çuar atje si cjapi tek kasapi.
Përgjigju@Riku cilen lufte kane luftuar kosovaret o koqe. Ne 98/99 luftoi Nato dhe ndihmoi Shqiperia ne cdo rrafsh. Kosovaret endeshin neper Europe duke kerkuar azil, duke ngrene suxhuke dhe duke pire caj rusi. Kosovaret jane rraca me spurdhjake balle per balle por dhe me e pabese prapa shpine.
@Riku...po ti tope cfare pate qe reagove? Kosovaret jane shqiptare, por lideri i tyre po sillet si i gjithedituri i planetit dhe nuk ka nevoje as per miq e as per vellezer se i del zot vendit. Le t'i dale per zot tani kokrra e idiotit qe s'ka asnje plan ne krye por i hyn detit ne kembe. Kujt po i drejtohet per ndihme? Kush do e degjoje dhe ta ndihmoje perderisa ai nuk degjon asnjeri? Pse duhet derdhur gjak kot kur lufta ka mbaruar me kohe? Le te shkoje ai me Svelçen t'i lirojne policet e shkrete, te marrin edhe ty si bedel, mqse je me dhjeta ne histori, ndersa ne s'e dime si e fituan shtetin ne 1999-en.
Tao patronazhisti... kosovaret nuk jane nga Librazhdi vlla po te lexosh kane 500vite + qe luftojne te fundit e mbyllen ne shkurt 98 qershor 99... keshtu qe mund te besh humor psh sa rezistoi durresi ndaj italianeve 30 minuta apo 35 minuta... apo mund te besh humor psh me shprehjen e milosevicit qe e pushtoj shqiperine me shoqaten e gjuetareve... por jo me burrerine e kosovareve per te bere lufte... ciao Tao nga fitoria ne fitorie
Tani bohet loja bukur se ka lufte direkte shume ushtare te kforit do vdesin se shqiptaret sbejne me mbrapa dhe kjo pune pa lufte nuk zgjidhet.Beogradi ket here mer goditjen perfundimtare dhe i mbrofte zoti vellezerit kosovare nga shteti shqiptar i perfaqesuar nga narko-trafiku ne pushtet.
PërgjigjuAsnje qeveri nuk çon ushtaret e vet me vdek per Kosoven, nuk e kan bere as ne 1999
Teshti Albini meqe i ka hy kesaj rruge ta gjej edhe zgjidhjen. Ka opozitar shume te mire qe trasformohen ne qeverises shume te keq
PërgjigjuCfare bohet keshtu?Fillun incidentet,duhet shume kujdes.Serbet jane te prirur per te rrit tensionte.
PërgjigjuPopulli serb ne shumice eshte popull I njejte me Shqipetaret ashtu si Greket vijne nga njejta origjine Ashtu si Maqedonasit Jane te ndare dhe u eshte futur urrejta vetem prej fese ortokset e ketyre shtete urrejne muslimanet e Kosoves Shqiperise Maqedonise Malit te zi dhe Bosnjes Te gjithe urrejten e ka fut rrusi duke sponsorizuar fort kishen dhe rracat qe jane brenda ketyre teritoreve qe jane te ardhur Aty edhe jevgj e arixhinj Eshte turp qe keto popuj autokton qofte te krishtere qofte mysliman kontrollohen nga nje numer i vogel Jo autokton dhe shfrytezohen te vrasin njeri tjetrin Kjo tregon qe autoktonet jene njerez dobet e te ulet jane HIQI LOPEN VELLAIT TIM O ju koqe kandari te gjitha trevave Ballkanike jeni Autokton mos u shfrytezoni po merrni fatin e vendeve tuaja ne dore mos vrisni njeri tjetrin Dardania e Kosoves Tribalet E Serbise Dorianet e Maqedonise Epiriotet e Epirit Iliret Albanet Dalmatet Helenet fiset Beso te Bullgarise jane te gjithe nje origine O Shpellare te forte mos tregoni forcen kundra njeri tjetrit po kundra te huajit beheni me bashkpunim AminAminAmin
Sherbimi informativ i kosoves te veproje si Mossad i Izraelit flake per flake te arrestoj ne Beograd kush ka dhene urdhrin komandantin e forcave speciale serbe dhe ta derg ne Prishtine arrigjinjte serbe duhet te perballen ashper me Shqipetaret se boll kane vrare e kane prere Rambo mos te percahet per interesa personale po ti trgojne forcen arixhiut